ကမ္ဘာကျော် အဆိုတော်စုံတွဲ ဘီယွန်စေးနှင့် ဂျေးဇီး ပုဂံသို့ နေ့ချင်းပြန်လာရောက်လည်ပတ်



ကမ္ဘာကျော်အမေရိကန် အဆိုတော်စုံတွဲ ဘီယွန်စေးနှင့် ဂျေးဇီးတို့သည် ကိုယ်ပိုင်လေယာဉ် ဖြင့် ပုဂံသို့ နေ့ချင်းပြန်ခရီးအဖြစ် ဒီဇင်ဘာ ၃၀ ရက်က လာ ရောက်လည်ပတ်ခဲ့သည်။

ညောင်ဦးလေဆိပ်သို့ နေ့ လယ် ၁ နာရီခွဲတွင် ရောက်ရှိခဲ့ပြီး ၎င်းတို့နှင့်အတူ အမျိုးသမီးလေး ဦးနှင့် အမျိုးသားတစ်ဦးပါဝင်ကာ ICS ခရီးသွားကုမ္ပဏီအစီအစဉ် ဖြင့် လာရောက်လည်ပတ်ခြင်း ဖြစ်သည်။ ညောင်ဦးလေဆိပ်မှတစ် ဆင့် အပယ်ရတနာဘုရားသို့ သွားရောက်လည်ပတ်ခဲ့ပြီး ထိုမှ တစ်ဆင့် စက်ဘီးများစီး၍ မြင်းက ပါရွာကိုဖြတ်ကာ ရွှေဆံတော်ဘုရားသို့ သွားရောက်လေ့လာခဲ့သည်။

ထို့နောက် စက်ဘီးများစီး ကာ ဓမ္မရံကြီးဘုရားနှင့် အာနန္ဒာ ဘုရားများသို့ သွားရောက်ခဲ့ပြီး အာနန္ဒာဘုရားမှတစ်ဆင့် ထီးလို မင်းလိုဘုရားသို့ ကားဖြင့်သွား ရောက်လည်ပတ်ခဲ့ကြောင်း အတူ လိုက်ပါကူညီခဲ့သော ကမ္ဘာလှည့်ခရီးသွားရဲတစ်ဦးက ပြောသည်။

‘‘သူတို့ကို ထီးလိုမင်းလိုဘု ရားမှာတွေ့လိုက်တယ်။ အစ်ကို့ ဧည့်သည်က အမေရိကန်တွေဆို တော့ သူတို့ကို ဓာတ်ပုံလှမ်းရိုက် တော့ သူတို့က မရိုက်ဖို့တား တယ်။ သူတို့လာတာကို မသိစေ ချင်ဘူးထင်တယ်’’ဟု ပုဂံဒေသ၏ ၀ါရင့်ဧည့်လမ်းညွှန် ဦးဇော်ဝင်းချို က ပြောသည်။

ညနေ ၅ နာရီတွင် ညောင်ဦး လေဆိပ်မှ ထိုင်းနိုင်ငံ ဖူးခက်သို့ တိုက်ရိုက်ပြန်သွားကြောင်း ယင်း ခရီးစဉ်တွင် လိုက်ပါခဲ့သူတစ်ဦး က ပြောသည်။

‘‘၁၀ နာရီလောက်ကဖြစ် မယ်ထင်တယ်။ Special Flight နဲ့ လာတာထင်တယ်။ သူတို့က လေယာဉ်ပေါ်ကတောင် မဆင်းဘူး။ လက်တော့ပြသွားတယ်။ ပုဂံကို ဆက်သွားမယ်ဆိုတာကိုပဲ သိ တယ်’’ဟု မြန်မာ့လေကြောင်း လိုင်းခရီးသည်ဝန်ဆောင်မှုဌာနမှ ၀န်ထမ်းတစ်ဦးက ပြောသည်။

ကမ္ဘာကျော် ရက်ပ်အဆို တော် ဂျေးဇီး နှင့် ပေါ့ပ်အဆိုတော်ဘီယွန်စေး တို့သည် ခရစ္စမတ်နေ့ မတိုင်မီကတည်းက ထိုင်းနိုင်ငံဖူး ခက်သို့ အလည်အပတ်ခရီး ရောက်ရှိ နေခဲ့ပြီး ထိုမှတစ်ဆင့် မြန်မာနိုင်ငံ သို့ လာရောက်ခဲ့ခြင်း ဖြစ်သည်။

၎င်းတို့သည် ထိုင်းနိုင်ငံနှင့် အာရှနိုင်ငံများတွင် ဇန်န၀ါရီ ၄  အထိရှိနေနိုင်ကြောင်း ဘန်ကောက်ပို့စ်သတင်းတစ်ပုဒ်တွင် ဖော်ပြထားသည်။

ကမ္ဘာကျော် ပေါ့ပ်အဆိုတော် ဘီယွန်စေး၏ Singlr Ladies,Halo, Crazy In Love သီချင်းများ သည် ၎င်း၏ အောင်မြင်သော သီ ချင်းများဖြစ်ပြီး မြန်မာပရိသတ် များလည်း အကြိုက်တွေ့ခဲ့သည်။

၂၀၀၁ မှ ၂၀၁၄ အထိ ဂရမ်မီဆုတံဆိပ်ပေါင်း ၁၇ ဆုရရှိခဲ့သူ ဖြစ်သည်။ ၎င်းတို့နှစ်ဦးသည် ၂၀၀၈ တွင် လက်ထပ်ပြီး BlueIvy Carter အမည်ရှိ သမီး တစ်ဦးကို ၂၀၁၂ က မွေးဖွားခဲ့သည်။ ကမ္ဘာကျော် ရက်ပ်အဆိုတော် ဂျေးဇီးသည် Can I Get A, Wishing On A Star, The City Is Mine  အစရှိသော သီချင်းများဖြင့် အောင်မြင်ခဲ့ပြီး ၁၉၉၉ မှ ၂၀၁၄ အထိ ဂရမ်မီ ဆုတံဆိပ်ပေါင်း ၁၉ ဆုအထိ ရရှိ ထားသူ ဖြစ်သည်။

7day daily
http://7daydaily.com/story/28232

AirAsia လေယာဉ်ပျက်ရှာဖွေဖို့ စစ်သင်္ဘောတွေစေလွှတ်



ကယ်ဆယ်ရေးတာဝန် ထမ်းဆောင်နေတဲ့ သူတွေက ရုပ်အလောင်းတွေနဲ့ ပျောက်ဆုံးနေတဲ့ AirAsia လေယာဉ်ရဲ့ အပိုင်းအစတွေလို့ ယူဆရတဲ့ အရာဝတ္ထုတွေကို ပင်လယ်ပြင်အတွင်းမှာ တွေ့ရှိခဲ့ပြီးတဲ့နောက် ကူညီကယ်ဆယ်ရေးလုပ်ငန်းတွေ ဆောင်ရွက်ဖို့အတွက် အင်ဒိုနီးရှား စစ်သင်္ဘောတွေ Java ပင်လယ်ကို ဦးတည် သွားရောက်နေကြပြီ ဖြစ်တယ်လို့ သမ္မတ  Joko Widodo က ပြောဆိုပါတယ်။

ပျောက်ဆုံးလေယာဉ်ရဲ့ အစိတ်အပိုင်းဖြစ်တယ်လို့ အတည်ပြုခဲ့ပြီးဖြစ်တဲ့ ရေထဲမှာ မျောနေတဲ့ ပထမဆုံး အရာဝတ္ထုကို Borneo ကျွန်းကနေ ၁၀ မိုင်ခန့်အကွာ ပင်လယ်ပြင်ထဲမှာ အင်္ဂါနေ့က တွေ့ရှိခဲ့တာပါ။

အင်ဒိုနီးရှားနိုင်ငံရဲ့ အရေးပေါ် ကယ်ဆယ်ရေးဌာန အကြီးအကဲ Bambang Sulistyo က ပင်လယ်ထဲမှာ တွေ့ရတဲ့ အပျက်အစီးတွေဟာ အင်ဒိုနီးရှားနိုင်ငံ Surabaya မြို့ကနေ စင်္ကာပူနိုင်ငံဆီကို တနင်္ဂနွေနေ့က ပျံသန်းသွားပြီး ပျောက်ဆုံးခဲ့တဲ့ AirAsia ပိုင် ခရီးစဉ် QZ8501 လေယာဉ်ရဲ့ အပျက်အစီး အပိုင်းအစတွေ ဖြစ်တယ်လို့ပြောပါတယ်။

လေယာဉ်ပေါ်မှာပါသွားတဲ့ ခရီးသည်နဲ့ အမှုထမ်း စုစုပေါင်း ၁၆၂ ဦးထဲမှာ အသက်ရှင်ကျန်သူ တဦးတယောက်ကိုမှ မတွေ့ရှိသေးပါဘူး။ ကောင်းကင်ကနေ ရှာဖွေနေကြသူတွေက ရေမျက်နှာပြင်အောက်မှာ အရိပ်ကြီးတခုကို တွေ့ရှိထားပြီး ပျောက်ဆုံးသွားတဲ့ Airbus A320-200 လေယာဉ်ရဲ့ ကိုယ်ထည်လို့ ယူဆရပါတယ်။

နိုင်ငံတော်တော်များများက စေလွှတ်ထားတဲ့ လေယာဉ် ၁၅ စီး၊ ရဟတ်ယာဉ် ၇ စီးနဲ့ သင်္ဘော ၁၅ စဉ်း တို့ဟာ စူမတ်တရားနဲ့ ဘော်နီယို ကျွန်းတွေတ၀ိုက်မှာ ပျောက်ဆုံးသွားတဲ့ လေယာဉ်ရှာဖွေရေးနဲ့ ကယ်ဆယ်ရေးတွေလုပ်ဖို့ ရောက်ရှိနေကြပါတယ်။
http://burmese.voanews.com/content/airasia-plane-rescue/2579963.html

ရန်ကုန်စည်ပင်ရွေးကောက်ပွဲရလဒ် လုပ်ငန်းရှင်အချို့အနိုင်ရ


ရန်ကုန်စည်ပင်သာယာကော်မတီဝင် အဆင့်ဆင့်ရွေးကောက်ပွဲအတွင်း မဲစာရင်းစစ်ဆေးသူများ။

ဒီဇင်ဘာလ ၂၇ ရက်နေ့က ကျင်းပခဲ့တဲ့ ရန်ကုန်မြို့တော် စည်ပင်သာယာရေးကော်မတီဝင်အဆင့်ဆင့်ရွေးကောက်ပွဲတွေမှာ အနိုင်ရသူစာရင်းကို ဒီကနေ့ ရွေးကောက်ပွဲကော်မရှင်က ထုတ်ပြန်ခဲ့ပါတယ်။ အငြင်းပွားစရာတွေရှိခဲ့တဲ့ ဒီ ရွးကောက်ပွဲပေါ်မှာ ကန့်ကွက်မှုတွေလည်း ဒီကနေ့ထိ ရှိနေသေးတာပါ။ အရွေးချယ်ခံရပြီးဖြစ်တဲ့ ရန်ကုန်မြို့တော် စည်ပင်သာယာရေးကော်မတီဝင်တွေကတော့ သူတို့အရွေးခံရတဲ့ ခရိုင်တွေအတွက် အကောင်းဆုံး အလုပ်လုပ် မယ်လို့တော့ ပြောပါတယ်။ အပြည့်အစုံကို ဆက်သွယ်မေးမြန်းထားတဲ့ ဗွီအိုအေ မြန်မာပိုင်းသတင်းထောက် ကိုအောင်ရဲမောင်မောင်က သတင်းပေးပို့ထားပါတယ်။

စည်ပင်သာယာရွေးကောက်ပွဲမှာ အနိုင်ရခဲ့တဲ့ ကိုယ်စားလှယ်တွေရဲ့အမည်စာရင်းကို ဒီကနေ့ မြို့တော်စည်ပင် ရွေးကောက်ပွဲကော်မရှင်က ထုတ်ပြန်ခဲ့တာပါ။

ရန်ကုန်မြို့တော် စည်ပင်သာယာရေးကော်မတီဝင် ခရိုင်အလိုက် ကိုယ်စားလှယ် ၄ ဦး ဒီကနေ့မှာ ထွက်ပေါ်ခဲ့သလို သက်ဆိုင်ရာခရိုင်တွေအလိုက် စည်ပင်သာယာရေး ကော်မတီ ရပ်မိရပ်ဖ ဥက္ကဋ္ဌ၊ ခရိုင် တတ်သိပညာရှင်၊ ခရိုင်လူမှုရေး အဖွဲ့အစည်း၊ မြို့နယ်အလိုက် စည်ပင်သာယာရေး ကော်မတီ ရပ်မိရပ်ဖ ဥက္ကဋ္ဌ၊ မြို့နယ် တတ်သိပညာရှင်၊ မြို့နယ်လူမှုရေး အဖွဲ့အစည်းအတွက် အရွေးခံ ကိုယ်စားလှယ်အမည်တွေလည်း ထွက်ပေါ်ခဲ့ပါတယ်။

ရန်ကုန်အရှေ့ပိုင်းခရိုင် ကိုယ်စားလှယ်အဖြစ် အရွေးခံခဲ့ရတဲ့ ဦးဌေးအောင်က သူရဲ့ခရိုင်မှာ ကြိုးနီစနစ်ပပျောက်ရေး၊ ရရှိထားတဲ့ဘတ်ဂျက်တွေကို စနစ်တကျသုံးပြီးတော့ အလုပ်လုပ်ဖို့ရှိတယ်လို့ သူကပြောပါတယ်။

“ပြောရရင်တော့ နှစ်ပေါင်းမြောက်များစွာ ဘတ်ဂျက်တွေက ဝန်ထမ်းတွေနဲ့ပဲ အုပ်ချုပ်လာတဲ့အခါကျတော့ ချွတ်ယွင်းချက်တွေတော့ ရှိနေမှာပေါ့လေ။ ချွတ်ယွင်းချက်တွေ ရှိနေတဲ့ဟာတွေ၊ လေလွင့်မှုတွေရှိနေတဲ့ဟာတွေ၊ အိတ်ထဲရောက်နေတဲ့ဟာတွေပေါ့..ဒါတွေက အရပ်ဘက်ကလူတွေ ဝင်လာတဲ့အခါကျရင်တော့ ကိုယ့်အနေနဲ့ကိုယ် ပြောရရင်တော့ ကိုယ့်ခရိုင်ထဲမှာတော့ ဒါမျိုးတော့ လုပ်လို့ မရတော့ဘူးလို့ ကိုယ်ကတော့ ပြောရမှာပေါ့နော်။ ဒါမျိုးလုပ်လို့ မရတော့ဘူးဆိုတာကို ပြောမှာပေါ့။”

ဒီဇင်ဘာလ ၂၇ ရက်နေ့က ကျင်းပခဲ့တဲ့ စည်ပင်ရွေးကောက်ပွဲမှာ အငြင်းပွားစရာအချို့လည်း ဖြစ်ခဲ့ပါတယ်။ မဲရုံနားမှာထိ မဲဆွယ်ဖို့ ကြိုးစားတာ၊ မဲစာရင်းတွေမှာ တကယ်မဲပေးခွင့်ရှိတဲ့သူတွေ ပါမလာတာ၊ မဲလာပေးတဲ့သူတွေကို အတင်း မဲထည့်ဖို့ စည်းရုံးကြတာ၊ စတဲ့ ပြဿနာတွေရှိခဲ့ပါတယ်။

ဒါကြောင့် ဒီလို မသမာမှုတွေရှိခဲ့တဲ့အပေါ်မှာ သက်သေ အထောက်အထားတွေနဲ့ ရွေးကောက်ပွဲ နည်းဥပဒေအတိုင်း ရက်ပေါင်း ၆၀ အတွင်းမှာ ကန့်ကွက်ဖို့ စပြင်ဆင်နေပြီလို့ မြောက်ပိုင်းခရိုင် ကိုယ်စားပြုပြီး ဝင်ရောက် ယှဉ်ပြိုင်ခဲ့တဲ့ ကိုယ်စားလှယ်လောင်း ဒေါ်စူဇန်နာလှလှစိုးက ပြောပါတယ်။ “မဲပေးတဲ့နေ့မှာဖြစ်သွားတဲ့ အကြောင်းအရာလေးတွေကို ကျမတို့ စုစည်းထားပါတယ်။ ဗွီဒီယိုတို့၊ နောက်ပြီးတော့ သူတို့အသုံးပြုတဲ့ စာရွက်စာတမ်းတွေနဲ့ ၊ နောက် လူသက်သေ၊ အဲဒါတွေအကုန်လုံးစုပြီးတော့ ကျမတို့ ကန့်ကွက်သွားမှာပါ။”

ပြီးစီးသွားတဲ့ ဒီရွေးကောက်ပွဲဟာ ၂၀၀၈ ဖွဲ့စည်းပုံပါ အခွင့်အရေးတွေကိုတောင် ချိုးဖောက်ထားတဲ့အနေအထားမှာ ရှိခဲ့တယ်လို့လည်း ရွေးကောက်ပွဲ ဝင်ကိုယ်စားလှယ်လောင်း ဦးဝင်းချိုက ပြောပါတယ်။

“ကိုယ်စားလှယ်တွေရဲ့ မသမာမှုတွေကိုပါ အရေးမယူဘဲနဲ့ ဒီအတိုင်းလွှတ်ထားမှတော့ ရွေးကောက်ပွဲရလဒ်ကြီးဟာ ဘယ်လိုမှ တရားမျှတတဲ့ ရွေးကောက်ပွဲ ရလဒ်ကြီး ဖြစ်လာစရာမရှိပါဘူး။ ဒီကြားထဲမှာမှ တခါ- ရွေးကောက်ပွဲနေ့မှာ လာရောက်ပြီး မဲပေးကြတဲ့ပြည်သူတွေရဲ့ ရာခိုင်နှုန်းဟာလည်း သူတို့ဟာ (၄) သိန်းနဲ့ (၁) ထောင်ကိုပဲ၊ လူဦးရေ လေးသိန်းတထောင်ကျော်ကိုပဲ မဲပေးခွင့်ပေးထားတာ။ ရန်ကုန်မြို့မှာရှိတဲ့လူဦးရေက သိန်း (၅၀) ကျော်ရှိတယ်။ အဲဒီ သိန်းငါးဆယ်ကျော်ထဲက လေးသိန်းတထောင်ကိုပဲ မဲပေးခွင့် ပေးထားတာတောင်မှ အဲဒီ လေးသိန်းတထောင်ရဲ့ ၅၀ % တောင် မပြည့်တဲ့လူတွေပဲ မဲလာပေးတယ်။ အဲဒီတော့ အခုရွေးကောက်ပွဲမှာ နိုင်သွားတဲ့ကိုယ်စားလှယ်တွေဟာ တကယ်တန်းအမှန်ကတော့ ရန်ကုန်မြို့တော်သူ မြို့တော်သားတွေရဲ့ စိတ်တိုင်းကျ ရွေးချယ်ခန့်အပ်လိုက်တဲ့၊ ရွေးကောက်တင်မြှောက်လိုက်တဲ့ကိုယ်စားလှယ်တွေ မဟုတ်ဘူးဆိုတာ…”

ဒါပေမဲ့ အနောက်ပိုင်းခရိုင် ကိုယ်စားပြုပြီး အရွေးခံခဲ့ရတဲ့ ကိုယ်စားလှယ်ဦးခင်လှိုင် (ဇော်တိက) ကတော့ ရွေးကောက်ပွဲဝင် ကိုယ်စားလှယ်လောင်း တစ်ယောက်အနေနဲ့ ပြည်သူတွေရဲ့ဆန္ဒမဲကို လွယ်လွယ်နဲ့ရခဲ့တာမဟုတ်ဘူးလို့ ပြောပါတယ်။

“ကျနော့်ကို ပြည်သူလူထုကနေပြီးတော့ ကျနော့်ကို ရွေးချယ်လိုက်တယ်၊ ပြည်သူလူထုက ရွေးချယ်တယ်ဆိုတော့- အဲဒီတော့ ဘာတွေ့ရလဲ ဆိုတော့ ပြည်သူလူထုက အခု ကျနော်တို့ ရန်ကုန်မြို့တော်မှာရှိကြတဲ့ပြည်သူလူထုက တကယ်ကိုပဲ capacity အရမ်းမြင့် ပါတယ်။ capacity တကယ်မြင့်တယ်။ အဲဒီတော့ လူတယောက်က သွားပြီးပြောမယ်ဗျာ၊ ကျနော့်ကို ရွေးပါ၊ ဘယ်လိုလုပ်ပါ။ ဟာ ..မရဘူး၊ ခင်ဗျား အရွေးခံထိလို့ မရဘူး။ ခင်ဗျားပြောတိုင်းလည်း ယုံမှာမဟုတ်ဘူး။ သူ့ရဲ့နောက်ကြောင်းတွေ အကုန်လုံးစစ်ပြီးတော့မှ ရန်ကုန်က ရွေးတာ။ အဲဒီတော့ အခုဗျာ၊ ခင်ဗျား ကြိုက်သလောက် မဲရုံထဲမှာ ကျနော့်ကို ရွေးပါ အော်ပေးကြလည်း မရွေးဘူးဗျာ။ ရမယ်ဆိုရင်တော့ အနည်းငယ်တော့ ရှိကောင်းရှိမှာပေါ့။ ဒီမှာ ရန်ကုန်က အဲလောက်နဲ့မရဘူးဗျ။ အဲလောက်အထိကို သွားတွေ့ရတယ်။”

ဒီကနေ့ ထုတ်ပြန်ခဲ့တဲ့စာရင်းအရတော့ အသစ်ပြန်ဖွဲ့မယ့် ရန်ကုန် စည်ပင်သာယာရေးကော်မတီမှာ အရှေ့ပိုင်းခရိုင် ကိုယ်စားပြု ဦးဌေးအောင်၊ အနောက်ပိုင်းခရိုင် ကိုယ်စားပြု ဦးခင်လှိုင်၊ တောင်ပိုင်းခရိုင် ကိုယ်စားပြု ဒေါက်တာ အေးမင်း၊ မြောက်ပိုင်းခရိုင် ကိုယ်စားပြု ဦးခင်မောင်တင့်တို့ အရွေးခံခဲ့ရတာပါ။

အခု ရွေးခံထားရတဲ့ သူ ၄ ဦးနဲ့ ရန်ကုန်တိုင်းဒေသကြီး အစိုးရအဖွဲ့က တိုက်ရိုက်ခံမယ့်သူလေးဦး၊ ပြီးတော့ သမ္မတအဆိုပြုလာမဲ့ မြို့တော် စည်ပင်သာယာ ကော်မတီဥက္ကဋ္ဌက မြို့တော်ဝန် ဖြစ်လာပြီး ရန်ကုန် စည်ပင်သာယာရေးကော်မတီကို ရှေ့နှစ်မှာ အသစ် ပြန်ဖွဲ့မှာပါ။ စည်ပင်ရွေးကောက်ပွဲမှာ တက်ကြွလှုပ်ရှားသူတွေထဲက ဦးဝင်းချိုနဲ့ ဒေါ်စူဇန်နာ လှလှစိုးနှစ်ဦး ဝင်ပြိုင်ခဲ့ပြီး အနိုင်မရခဲ့ပါဘူး။

အခုအနိုင်ရခဲ့တဲ့ ကိုယ်စားလှယ် ၄ ဦးထဲမှာ စီးပွားရေးလုပ်ငန်းရှင်တွေဖြစ်ကြတဲ့ ဆာကူရာလုပ်ငန်းစုပိုင်ရှင် ဦးဌေးအောင်၊ ဇောတိကသင်္ကန်းတိုက်ပိုင်ရှင် ဦးခင်လှိုင်တို့ ပါဝင်ပြီး အတတ်ပညာရှင်ထဲက ဆရာဝန်တယေက်ဖြစ်တဲ့ ဒေါက်တာအေးမင်းဖြစ်ပြီး သူဟာ နိုင်ငံတော်သမ္မတ အကြံပေးအဖွဲ့ဝင်တစ်ဦးဖြစ်တဲ့ ဒေါက်တာနေဇင်လတ်နဲ့ ညီအကိုဝမ်းကွဲ တော်စပ်ပါတယ်ခင်ဗျား။
ဗွီအိုအေ (မြန်မာဌာန)
http://burmese.voanews.com/content/yangon-municipal-election-dispute-over-ballot-list-2014-/2577496.html

၂၀၁၅ ရွေးကောက်ပွဲ ၀င် မ၀င် NLD မဆုံးဖြတ်ရသေး



ရန်ကုန် အမျိုးသားဒီမိုကရေစီအဖွဲ့ချုပ်ရုံးမှာ ပြုလုပ်တဲ့ သတင်းစာရှင်းလင်းပွဲအတွင်း ဒေါ်အောင်ဆန်းစုကြည် ပြောကြားနေစဉ်။ ဒီဇင်ဘာလ ၃၀၊ ၂၀၁၄ (AP-ကိုခင်မောင်ဝင်း)

အမျိုးသား ဒီမိုကရေစီအဖွဲ့ချုပ်အနေနဲ့ ၂၀၁၅ ရွေးကောက်ပွဲဝင်မယ်၊ မ၀င်ဘူးဆိုတာကို ဆုံးဖြတ်ချက် မချရသေးသလို စောင့်ကြည်အုန်းမှာဖြစ်တဲ့အကြောင်း အတိုက်အခံခေါင်းဆောင် အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က ဒီကနေ့ အဖွဲ့ချုပ်ရုံးမှာလုပ်တဲ့ သတင်းစာရှင်းလင်းပွဲမှာ ပြောဆိုခဲ့ပါတယ်။

လက်ပံတောင်းအရေးကိစ္စ၊ ၂၀၀၈ ဖွဲ့စည်းပုံ ပြင်ဆင်ရေး အပါအ၀င်၊ မျိုးစောင့်ဥပဒေနဲ့ ပတ်သက်တဲ့ အချက်တွေကိုပါ ဒီနေ့ သတင်းစာရှင်းလင်းပွဲအတွင်း သူရဲ့သဘောထားတွေကို ပြောဆိုခဲ့တာပါ။ အပြည့်အစုံကို သတင်းစာရှင်းလင်းပွဲ ကိုယ်တိုင်သွားရောက် သတင်းယူခဲ့တဲ့ ဗွီအိုအေ မြန်မာပိုင်းသတင်းထောက် ကိုအောင်ရဲမောင်မောင် က ပြောပြမှာပါ။

အမျိုးသားဒီမိုကရေစီအဖွဲ့ချုပ်အနေနဲ့ ၂၀၁၅ ရွေးကောက်ပွဲ ၀င် မ၀င် ဆုံးဖြတ်ချက် မချရသေးဘူးလို့  အတိုက်အခံခေါင်းဆောင် အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က သူ့ရဲ့သတင်းစာရှင်းလင်းပွဲအတွင်း အခုလို ပြောဆိုသွားခဲ့တာပါ။

“နိုင်ငံရေးမှာဆိုရင် အချိန်ကာလဆိုတာက အင်မတန်မှကို အရေးပါပါတယ်။ နိုင်ငံရေးမှာဆိုရင် တရက်ကလေးတောင်မှ အများကြီး ပြောင်းလဲသွားနိုင်တွေ ရှိပါတယ်။ အဲ့ဒါကြောင့်မို့လို့ ဘယ်လိုဘယ်လို အခြေအနေတွေ ဖြစ်ပေါ်လာမလဲဆိုတာဟာ အန်တီ ခဏခဏပြောတယ် အန်တီက ဗေဒင်ဆရာမဟုတ်ဘူး။ နိုင်ငံရေးသမားပဲ။ နိုင်ငံရေးသမားဆိုတော့ ဘယ်လိုအခြေအနေတွေ ဖြစ်လာနိုင်မလဲဆိုတာတော့ တွက်ဆတာတော့ တွက်ဆတာပဲ။ ဒါ တွက်ဆရမှာပဲ။ ဒါပေမဲ့ တွက်ဆတဲ့အတိုင်း ဖြစ်လာမယ်လို့လည်း အသေမှတ်ယူလို့ မရဘူး။ အဲတော့ အခြေအနေအပေါ်မှာ အခြေခံပြီးတော့မှ ဆုံးဖြတ်ချက်ချရတာပေါ့။ အခုအချိန်က သိပ်စောပါသေးတယ်။ ရွေးကောက်ပွဲက ကျင်းပမှာလား။ ဘယ်တော့ကျင်းပမှာလဲဆိုတာ တရားဝင် ကြေညာတာမရှိသေးပါဘူး။”

၂၀၁၀ တုန်းက ရွေးကောက်ပွဲ မ၀င်ခဲ့တာနဲ့ ၂၀၁၂ မှာ ရွေးကောက်ပွဲ ၀င်ခဲ့တာတွေကလည်း မြန်မာ့နိုင်ငံရေး အခြေအနေတွေပေါ်မှာကြည့်ပြီး ဆုံးဖြတ်ချက်ချခဲ့တာလို့ သူကပြောပါတယ်။

“ဥပမာ ၂၀၁၀ တုန်းက အန်တီတို့ ရွေးကောက်ပွဲမ၀င်ခဲ့ဘူး။ ၂၀၁၁ နှစ်ကုန်ပိုင်းမှာ ၁ နှစ်လောက်အတွင်းမှာပဲ ကြားဖြတ်ရွေးကောက်ပွဲဝင်ဖို့ ဆုံးဖြတ်ခဲ့တယ်။ အဲ့ဒါကလည်း အခြေအနေအရပေါ့နော်။ ၂၀၁၀ တုန်းက မေးတုန်းကလည်း အန်တီတို့ မဖြေနိုင်ဘူးလေ။ ဘယ်လိုအခြေအနေတွေမှာ ရွေးကောက်ပွဲဝင်မလဲဆိုတာ။ ဒါကတော့ အခြေအနေတွေအပေါ်မှာ မူတည်ပြီးတော့ ကြည့်ရမှာပေါ့။ လက်ခံစရာမကောင်းဘူးလို့ အဲ့ဒီတုန်းကတော့ နည်းနည်းပိုပြီးတော့ ရှင်းတာက ဒီလက်မခံနိုင်တဲ့အထဲမှာဆိုရင် အကျဉ်းကျနေတဲ့ အန်တီတို့ရဲ့ အဖွဲ့ချုပ်ဝင်တွေ ထုတ်ပစ်ရမယ့်ကိစ္စတွေ ဘာတွေ ဒါတွေ ကျမတို့ လက်မခံနိုင်ဘူး။ ဒါကြောင့်မို့လို့ ကျမတို့ မ၀င်ဘူးဆိုပြီးတော့ တိတိကျကျ ပြောခဲ့လို့ရတယ်။ အခုကျတော့ ရွေးကောက်ပွဲနဲ့ပတ်သက်လို့ ဘယ်လိုစည်းမျဉ်းစည်းကမ်း ဥပဒေတွေ ထုတ်ဦးမှာလဲဆိုတာလည်း အန်တီတို့က မသိသေးဘူးလေ။ အဲ့ဒါတွေကို စောင့်ကြည့်ပြီးမှ ဆုံးဖြတ်ရမှာပေါ့။”

ဒီကနေ့ သတင်းစာရှင်းလင်းပွဲအတွင်းမှာ လတ်တလော အငြင်းပွားစရာတွေဖြစ်နေတဲ့ လက်ပံတောင်းကြေးနီစီမံကိန်း အရေးနဲ့ပတ်သက်ပြီးလည်း ဒေါ်အောင်ဆန်းစုကြည်က အခုလို မှတ်ချက်ပေးခဲ့ပါတယ်။

“အစီရင်ခံစာဟာ အားလုံးအတွက် အဆင်ပြေအောင်ဆိုတဲ့ ဦးတည်ချက်နဲ့ ရေးပြီးတော့ အကြံပြုခဲ့တာဖြစ်ပါတယ်။ အဲ့ဒီထဲက အကြံပြုချက်တွေအတိုင်း တိတိကျကျ မှန်မှန်ကန်ကန် လုပ်သွားမယ်ဆိုရင်တော့ အဆင်ပြေမယ်လို့ အန်တီတို့ ယုံကြည်ပါတယ်။ ဒါပေမဲ့ ဒီလို တိတိကျကျ မှန်မှန်ကန်ကန် လုပ်သွားတာမရှိလို့ ပြဿနာတွေက ထပ်ပြီးဖြစ်နေတယ်လို့ ဒီလိုပဲ မြင်ပါတယ်။”

သမ္မတ ဦးသိန်းစိန် အစိုးရအနေနဲ့ လတ်တလော အစိုးရ၀န်ထမ်းတွေကို လစာတိုးပေးသင့်၊ မသင့် သူတို့ရဲ့သမ္မတရုံး ၀ပ်ဆိုဒ်ကနေ စစ်တမ်းကောက်ယူနေတာပါ။ လစာတိုးပေးသင့်၊ မသင့် စစ်တမ်းကောက်သလို ၂၀၀၈ ဖွဲ့စည်းပုံ ပြင်ဆင်သင့် မပြင်သင့်ကိုလည်း စစ်တမ်း ဘာကြောင့် အစိုးရက မကောက်သလဲ ဆိုတာကိုလည်း ဒေါ်အောင်ဆန်းစုကြည်က မေးခွန်းထုတ်ခဲ့ပါတယ်။

“ပထမဆုံးပြောချင်တာကလေ စစ်တမ်းကောက်တဲ့အခါမှာ ကောက်ချင်တဲ့ကိစ္စကျတော့ ကောက်ပြီး၊ မကောက်ချင်တဲ့ကိစ္စကျတော့ မကောက်ထားဘူး။ အဲ့ဒါ အန်တီတော့ သဘောမကျဘူး။ အဲ့ဒီတော့ ဒီလစာတိုးရေးဆိုတဲ့ကိစ္စကို စစ်တမ်းကောက်လို့ရှိရင် သူက ဘာဖြစ်လို့ ဖွဲ့စည်းပုံ အခြေခံ ဥပဒေ ပြင်ဆင်ရေးကိစ္စကို စစ်တမ်းမကောက်သလဲ။ တကယ် တတိုင်းပြည်လုံးအတွက် အရေးကြီးတဲ့ကိစ္စကျတော့ စစ်တမ်းမကောက်ဘဲနဲ့ ဒီဟာကျမှ ဘာလို့ စစ်တမ်းကောက်သလဲဆိုတာ အဲ့ဒါကို အန်တီက မေးချင်တယ်။”

စစ်အစိုးရ ဗိုလ်ချုပ်ကြီးဟောင်းဖြစ်တဲ့ သူရဦးရွှေမန်းနဲ့  ဒေါ်အောင်ဆန်းစုကြည်တို့ ဆက်ဆံရေးဟာ ကောင်းမွန်ခဲ့ပေမဲ့လို့ နောက်ထပ် စစ်ဗိုလ်ချုပ်ဟောင်းတဦးဖြစ်တဲ့ ဦးသိန်းစိန်နဲ့ကျတော့ ဘာကြောင့် ဆက်ဆံရေးမကောင်းသလဲလို့ မေးခွန်းထုတ်မှုတွေ ရှိခဲ့ပါတယ်။ ဒီမေးခွန်းနဲ့ပတ်သက်ပြီး ဒေါ်အောင်ဆန်းစုကြည်က ဦးသိန်းစိန်က သူမကို ဖိတ်ခေါ်မှု နည်းခဲ့တာကြောင့်လို့ ပြန်ဖြေခဲ့ပါတယ်။

ပြည်တွင်းနဲ့ နိုင်ငံတကာကမှာ ဝေဖန်နေတဲ့ မျိုးစောင့်ဥပဒေတွေဟာ လာမယ့် လွှတ်တော်မှာ ဆွေးနွေးဖို့တွေ ရှိ်လာတော့မှာ ဖြစ်တဲ့အတွက် အမျိုးသားဒီမိုကရေစီ အဖွဲ့ချုပ်ကလည်း လေ့လာနေသလို၊ အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်တွေကလည်း ဒီဥပဒေတွေအပေါ်မှာ လေ့လာဆန်းစစ်နေတယ်လို့ ပြောပါတယ်။

“တရားဥပဒေနဲ့ပတ်သက်တဲ့ ဥပဒေအထောက်အကူပြု အဖွဲ့ကနေလည်း ဒါတွေကို လေ့လာပါတယ်။ နောက်ပြီးတော့ လွှတ်တော်ကိုယ်စားလှယ်အဖွဲ့ကလည်း လေ့လာပါမယ်။ ဒါမျိုးဆိုတာက အင်မတန်မှ နက်နဲတယ်၊ အင်မတန်မှ သိမ်မွေ့တယ်၊ အင်မတန်မှ အမှားအယွင်း အတိမ်းအစောင်း မခံပါဘူး။ ဒါကြောင့်မို့လို့ လက်လွတ်စပယ် ပြောလို့မဖြစ်ပါဘူး။ သေသေချာချာ ဥပဒေပိုင်းဆိုင်ရာကနေပြီးတော့ စိစစ်လေ့လာပြီးမှ ဘယ်လိုဆိုတာကို အန်တီတို့ ပြောလို့ရမှာဖြစ်ပါတယ်။”

ဒီကနေ့ကျင်းပခဲ့တဲ့ သတင်းစာရှင်းလင်းပွဲအတွင်းမှာ ထိုင်းနိုင်ငံ လိပ်ကျွန်းကိစ္စမှာ လူသတ်တရားခံအဖြစ် တရားစွဲခံထားရတဲ့ မြန်မာလူငယ် ၂ ဦးရဲ့အရေးမှာ တရားဥပဒေအတိုင်း အခွင့်အရေး အပြည့်အ၀ရဖို့ လိုပြီးတော့ လက်ရှိအချိန်မှာ သူတို့ ၂ ဦးအတွက် တရားဥပဒေအရ ခုခံ ကာကွယ်ခွင့် အပြည့်အ၀ရရေးကိုသာ စောင့်ကြည်ပေးရမှာ ဖြစ်တယ်လို့ ပြောဆိုခဲ့ပါတယ်။


VOA Burmese
http://burmese.voanews.com/content/suu-kyi-presser/2578722.html

အကယ်ဒမီပွဲက ရယ်စရာကောင်းတယ်ဆိုတဲ့ နေတိုး

အကယ်ဒမီဆုနှင့် လွဲ ချော်ခဲ့ရသော နေတိုးက အကယ် ဒမီပွဲတက်နေစဉ်တစ်လျှောက် လုံး ခံစားချက်သုံးမျိုး ခံစားခဲ့ရ ကြောင်း ပြောကြားသည်။ ‘‘ပွဲကို ကျွန်တော်ပြန်သုံးသပ် ပေးရရင်တော့ ပထမပိုင်းမှာ ပျော်စရာကောင်းနေတယ်။ ဒုတိယ ပိုင်းမှာ အရမ်းဝမ်းသာဖို့ ကောင်း တယ်။ နောက်ဆုံးမှာတော့ ရယ် စရာကောင်းနေပါတယ်။ ဒါကျွန် တော့် ခံစားမှုပါ’’ ဟု နေတိုးက ၎င်း၏ အကယ်ဒမီ ခံစားချက်ကို ပြောသည်။ ယခုနှစ် အကယ်ဒမီပေးပွဲ တွင် ထူးချွန်ဆုပေးချိန်၌ အနု ပညာရှင်အားလုံး၏ ပျော်ရွှင်စရာ များကြောင့် ပျော်ရွှင်သည့်စိတ် ဖြစ်ပေါ်ခဲ့ပြီး ဒုတိယပိုင်း ဒါရိုက် တာများပေးအပ်ချိန်ထိ ၀မ်းသာ ခဲ့ရကြောင်းနှင့် နောက်ဆုံးဆုကြေ ညာချိန်တွင် ရယ်စရာကောင်းခဲ့ ကြောင်း သရုပ်ဆောင်နေတိုးက ပြောသည်။ ‘‘ကျွန်တော်ပြောတာကို ပရိ သတ်တွေလည်း ကိုယ်တိုင်ခံစား ရမယ်လို့ ထင်ပါတယ်’’ ဟု ဆို သည်။ အကယ်ဒမီပေးပွဲတွင် ဆု နှင့် လွဲချော်ခဲ့ရပြီး ဆုမရရှိမှန်းကို ပွဲချိန်တစ်ဝက်ကျိုးကတည်းက ကြိုတင်သိရှိနေခဲ့ကြောင်း နေ တိုးက ပြောသည်။ အတတ်ပညာပိုင်းဆိုင်ရာ ဆုများ မချီးမြှင့်ခဲ့သည်ကို သ ဘောမကျကြောင်းဆိုသည်။ ဇာတ်ကားများ ရိုက်ကူးရာ တွင် အကယ်ဒမီဆုကို မျှော်မှန်း ၍ ရိုက်ကူးခဲ့ခြင်းမဟုတ်ဘဲ ရှေ့နှစ်များတွင်လည်း ဆုရသည်ဖြစ် စေ၊ မရသည်ဖြစ်စေ ဇာတ်ကား များကို ရသစုံအောင် ရိုက်ကူး သွားမည်ဖြစ်ကြောင်း၊ အားပေး သည့် ပရိသတ်များကိုလည်းအလွန်မမျှော်လင့်စေလိုကြောင်း သတင်းစကားပါးခဲ့သည်။ ၂၀၁၃ အတွက် အကယ် ဒမီဆုပေးပွဲတွင် အမျိုးသား ဇာတ်ဆောင်ဆုအတွက် ပြိုင်ဆိုင် မှုပြင်းထန်ခဲ့ပြီး အကယ်ဒမီဆုကို နင်စေရင်ဇာတ်ကားဖြင့် သရုပ် ဆောင်ပြေတီဦး ရရှိခဲ့သည်။ အကယ်ဒမီနေတိုးသည် အဖြူရောင်ရဲတိုက်၊ စေတန်ရဲ့ ကချေသည်၊ ကြယ်စင်မော်ကွန်းနှင့် စုန်း ပြူးဇာတ်ကားတို့ဖြင့် ပရိသတ်၏ တစ်ပေးခြင်းခံခဲ့ရသည်။

 http://7daydaily.com/
အပြည့်အစုံဖတ်ရန် >> http://www.ygnnews.com/2014/12/blog-post.html

ထိုင်းတပ်ခ်ပြည်နယ်ရှိလူများ သားစိမ်းစားသူ မြန်မာတစ်ဦးကို ကြောက်လန့်နေ


ထိုင်းဘုန်းတော်ကြီးတစ်ပါးနှင့် တပ်ခ်ပြည်နယ်မှ လုံခြုံရေးတပ်ဖွဲ့ဝင်အချို့ကို တွေ့ရစဉ်( Assawin Pinitwong) တိရစ္ဆာန်များအားသတ်ဖြတ်ပြီး အစိမ်းလိုက်စားခြင်းကို တမ်းတမ်းစွဲဖြစ်နေသော မြန်မာလူမျိုးတစ်ဦးကျေးရွာသို့ ပြန်လာမည်ကို စိုးရိမ်ကြောင်း ဒေသခံများက ပြောကြားခဲ့ပြီးနောက် တပ်ခ်ပြည်နယ်၊ မယ်ရာမတ်ခရိုင်၊ ဘန်ကောက်ပါဟာ ကျေးရွာတွင် လုံခြုံရေးအဖွဲ့များ ချထားလိုက်ကြောင်း သိရသည်။ မြန်မာအမျိုးသားမိုခါလိုင်း (၂၅) နှစ် ၎င်းတို့ဒေသသို့ပြန်လာမည်ကိုကြောက်နေကြောင်း ဒေသခံများနှင့် ဘုန်းကြီးများကပြောကြားသည်။ တပ်ခ်ပြည်နယ်အုပ်ချုပ်ရေးမှူးဆွန်ချိုင်းဟာ ဿယာကန်သီက ယင်းကျေးရွာသို့ စစ်သားများ၊ပြည်သူ့စစ်များပို့လွှတ်ခဲ့သည်။ ဒေသခံဘုန်းကြီးကျောင်း တစ်ခုရှိ သန့်စင်ခန်းအတွင်း ခွေး များနှင့် ကြက်များအား ခုတ်ထစ် သတ်ဖြတ် အစိမ်းလိုက်စား သောက်နေခဲ့ခြင်းအတွက် အဆိုပါ ကရင်အမျိုးသားကို မကြာသေးမီက ဖမ်းဆီးခဲ့သည်။ မစ္စတာ မိုခါလိုင်းပြန်လာမည်ကို စိုးရိမ်၍ ရွာသားများမှာ ညဘက်အပြင်သို့ မထွက်ရဲဟု ဒေသခံကျောင်းထိုင်ဆရာတော်က စစ်သားများနှင့် ပြည်သူ့စစ်များကို မိန့်ကြားခဲ့သည်။ ရွာသားများကလည်း ကလေးများတိုက်ခိုက်ခံရမည်ကို စိုးရိမ်သည်ဟု ပြောကြားကြသည်။ မယ်ရာမက်ခရိုင် ဒုတိယ အကြီးအကဲ ပန်တစ်ကမူ မစ္စတာ မိုခါလိုင်းမှာ မည်သည့်အစားအစာကိုမဆို စားသောက်ရှင်သန်ရန် လေ့ကျင့်မှုရရှိထားသည့် စစ်သားဟောင်းတစ်ဦးဖြစ်ပုံရသည် ဟု ပြောကြားသည်။ —Ref: Bangkok Post 7daydaily

ပျောက်ဆုံး Air Asia မှ ရုပ်အလောင်း ၄၀ ကျော်ရှာတွေ့


တနင်္ဂနွေနေ့က မုန်တိုင်း ကျနေချိန်အတွင်း ပျက်ကျသွားတဲ့ AirAsia လေကြောင်းလိုင်းက ခရီးသည်တင် ဂျက်လေယာဉ်ရဲ့ အပျက်အစီး အစအနတွေကို တွေ့ရတဲ့ ပင်လယ်ထဲကနေ အလောင်း ၄၀ ထက်မနည်းကို ပြန်ဆယ်ယူရရှိထားပြီလို့ အင်ဒိုနီးရှား တာဝန်ရှိ သူတွေက ပြောပါတယ်။ Borneo ကျွန်းအနောက် တောင်ဘက် မိုင် ၁၀၀ အကွာလောက်မှာ ကယ်ဆယ်ရေး ရဟတ်ယာဉ်တွေက Java ပင်လယ်ထဲမှာ မျောနေတဲ့ ရုပ်အလောင်းတွေ ဆွဲတင်နေတာကို ဒေသတွင်း ရုပ်သံသတင်းဌာနတွေက ဒီနေ့ ထုတ်လွှင့်ပြသပါတယ်။ အသက်ကယ်အင်္ကျီမပါတဲ့ ရုပ်အလောင်းတွေ Java ပင်လယ်ထဲမှာ မျောနေတဲ့ပုံတွေကို တွေ့ရတော့ ဒီလေယာဉ်ခရီးစဉ်မှာ ပါသွားကြသူ ၁၆၂ ဦးရဲ့ မိသားစုတွေ အချင်းချင်းပွေ့ဖက်ပြီး ငိုကြွေးခဲ့ကြပါတယ်။ ညရောက်လာတဲ့အထိ လေယာဉ်ပျက်ကျတဲ့ထဲမှာ ပါသွားတဲ့ ခရီးသည်တွေထဲက လေးပုံ တပုံလောက်ရဲ့ အလောင်းတွေကိုပဲ ကယ်ဆယ်ရေး လုပ်သားတွေ ရှာဖွေတွေ့ရှိခဲ့ပါတယ်။ အသက်ရှင် ကျန်ရစ်သူတယောက်မှ ရှာမတွေ့ပါဘူး။ လိမ္မော်ရောင် အသက်ကယ်ဝတ်စုံတစုံ၊ ခရီးဆောင်သေတ္တာ၊ အနီနဲ့ အဖြူရောင်သုတ်ထားတဲ့ အရေးပေါ်တံခါးလို့ ယူဆရတာတွေ အပါအဝင် လေယာဉ်ကနေ ပြုတ်ကျတဲ့ ပစ္စည်းတွေကို ရှာတွေ့ခဲ့ပြီး မကြာခင်မှာပဲ ရုပ်အလောင်းတွေ တွေ့ရှိတာပါ။ ရေမျက်နှာပြင်အောက်မှာ အရိပ်ကြီးတခုကို တာဝန်ရှိသူတွေ တွေ့ရှိထားပြီး ပျက်ကျတဲ့ လေယာဉ်ကိုယ်ထည်လို့ ယူဆရပါတယ်။ ပင်လယ်ထဲမှာ တွေ့ရတဲ့ အပျက်အစီးတွေဟာ အင်ဒိုနီးရှားနိုင်ငံ Surabaya မြို့ကနေ စင်္ကာပူနိုင်ငံဆီကို တနင်္ဂနွေနေ့က ပျံသန်းတဲ့ နှစ်နာရီကြာ ခရီးတိုအတွင်း လမ်းထက်ဝက်လောက်မှာ ပျောက်ဆုံးသွားတဲ့ Airbus A320-200 လေယာဉ်ရဲ့ အပျက်အစီး အပိုင်းအစတွေ ဖြစ်တယ်လို့ Air Asia က အင်္ဂါနေ့ညပိုင်းမှာ ထုတ်ပြန်တဲ့ ကြေညာချက်မှာ အတည်ပြုသွားပါတယ်။

 ဗွီအိုအေ (မြန်မာပိုင်း)