ဝန်ထမ်းများရရှိသည့် လစာဝင်ငွေကို အရစ်ကျစနစ်ဖြင့် စုဆောင်းပြီးအိမ်ဝယ်ယူနိုင်သည့် စနစ် မကြာမီစတင်နိုင်တော့မည် ဖြစ်ကြောင်း မြို့ရွာနှင့် အိုးအိမ်ဖွံ့ ဖြိုးမှုဦးစီးဌာန ညွှန်ကြားရေးမှူး ဒေါ်မီမီတင်က ပြောသည်။

ယင်းစနစ်တွင် အစိုးရနှင့် ပုဂ္ဂလိက၀န်ထမ်းများ အကျုံးဝင် မည်ဖြစ်ပြီး နိုင်ငံတကာ၌ ၀န်ထမ်းများလစာကို လစဉ်စုဆောင်းကာ အိမ်ရာဝယ်နိုင်မည့် စနစ်များရှိပြီး မြန်မာနိုင်ငံတွင်လည်း အကောင်အထည်ဖော်ရန် ဆောင်ရွက်နေကြောင်း အဆိုပါညွှန်ကြားရေးမှူးက ဆိုသည်။

‘‘ဒီစနစ်ပေါ်လာရင် အစိုးရ က လက်ရှိဆောက်လုပ်နေတဲ့ အိမ်ရာစီမံကိန်းတွေကို လက်လှမ်းမီသွားလိမ့်မယ်’’ဟု ၎င်းက ဆိုသည်။

အဆိုပါစနစ် အကောင်အထည်ဖော်ရန် လက်ရှိ ဆောက်လုပ်ရေးနှင့် အိမ်ရာဖွံ့ဖြိုးရေး ဘဏ်က နိုင်ငံခြားဘဏ်များနှင့် ချိတ်ပြီး ချေးငွေများရရှိရန် စီစဉ် ထားကြောင်း သိရသည်။ ထို့ ကြောင့် အဆိုပါချေးငွေများ ရရှိ နိုင်ပါက ယင်းစနစ်ကို စတင်နိုင် မည်ဖြစ်ကြောင်း သိရသည်။

‘‘စင်ကာပူတို့ ကိုရီးယားတို့ မှာ အဲဒီစနစ်က အရမ်းအောင် မြင်ခဲ့တယ်။ ဒါပေမဲ့ လူတွေလက် ထဲမှာ အရစ်ကျတွေဝယ်တာများ ကုန်တော့ လကုန်ရင်သုံးစရာမရှိ တာက များတယ်’’ဟု Moving Myanmar စီးပွားရေးပညာရှင် ဦးလှဖေကသုံးသပ်သည်။

ယခုစနစ်သည် ပြည်သူများ အတွက် မရင်းနှီးသောကြောင့် အကောင်အထည်ဖော်ရာတွင် အ ခက်အခဲရှိနိုင်ပြီး အစိုးရ၀န်ထမ်း များ၏ လစာသည်စားဝတ်နေရေး အတွက် လုံလောက်မှုမရှိ၍ စု ဆောင်းရန်ဆိုသည်မှာ မဖြစ်နိုင် ကြောင်း အစိုးရ၀န်ထမ်းတစ်ဦးက ၎င်း၏အမြင်ကိုပြောသည်။

လက်ရှိတွင် မြို့ရွာနှင့်အိုး အိမ်ဖွံ့ဖြိုးမှုဦးစီးဌာနက အစိုးရ ၀န်ထမ်းနှင့် ၀င်ငွေနည်းလူတန်း စားများအတွက် ရည်ရွယ်ကာ တစ်နိုင်ငံလုံးတွင် အိမ်ရာစီမံကိန်းများ ဆောင်ရွက်နေပြီး ၂၀၁၅-၁၆ ဘဏ္ဍာနှစ်တွင် အခန်းရေ လေး သောင်းကျော် ထွက်ပေါ်လာနိုင် ကြောင်း ဌာနက ခန့်မှန်းထား သည်။

နိုင်ငံတော်သမ္မတကလည်း ၂၀၁၄ ဒီဇင်ဘာ ၂၇ရက် ရခိုင်ခရီးစဉ်တွင် ၀န်ထမ်းများအတွက် တစ်ဦးချင်းဝင်ငွေ စုဆောင်းသည့် စနစ်ကို အကောင်အထည်ဖော် ဆောင်ပြီး ကိုယ်ပိုင်အိမ်ရာဖြင့် နေထိုင်နိုင်ရန် အိမ်ရာများ အ ကောင်အထည် ဖော်ပေးမည်ဟု ပြောကြားခဲ့သည်။ ၀န်ထမ်းများ အခမဲ့ဆေးကုသရေး၊ ကျန်းမာရေးနှင့် ပတ်သက်သည့် အရေးပေါ်ကိစ္စများတွင် အထောက်အပံ့ရရန် ဆောင်ရွက်ပေးမည်ဟု ၎င်းက ဆက်လက်ပြောသည်။

7daydaily

အပြည့်အစုံသို့ »

ခင်ဆွေသက် on 2015-02-11 10:21    
ကားအက်ဆီးဒင့်ဖြစ်ပြီးနောက်ပိုင်း ကျန်းမာရေး ပြန်ကောင်းလာပေမယ့်လည်း အရင်လို စိတ်သွားတိုင်း ကိုယ်မပါနိုင်တော့တဲ့ ဆိုတေးက သူ့ကျန်းမာရေး၊ ဂီတနဲ့ ပတ်သက်ပြီး ခုလို ပြောပြသွားပါတယ်။ “အခု ကျန်းမာရေးကတော့ တော်တော်လေး ကောင်းနေပါပြီ။ အိမ်က အဖေ ၊ အမေ ၊ ညီအစ်ကို မောင်နှမတွေရဲ့ ဂရုစိုက်မှုနဲ့အတူ ဆရာဝန်ကြီးရဲ့ ဂရုစိုက်မှုနဲ့အတူ တော်တော်လေးတော့ ကောင်းနေပါပြီ။ ဒါပေမဲ့ အသံပိုင်းနဲ့ပတ်သတ်ပြီး သိပ်တော့ စိတ်တိုင်း မကျသေးဘူး။ ၁၀၀ မှာ ၉၉ ယောက်လောက်က ကျွန်တော်ရောဂါ အခြေအနေကို သိကြမှာပါ။ ကျွန်တော့် လည်ချောင်းထဲမှာ အစာပိုက်ထည့်ပြီး လည်ချောင်းပြွန်ချဲ့ပြီး ထည့်ရတာဆိုတော့ တော်တော်လေးလဲ ခက်ခဲတယ်။ ကျွန်တော့်မှာ တစ်ခုရှိတာက အရင် ကျွန်တော် အဆိုတော်စလုပ်တုန်းကတော့ အပြိုင်အဆိုင်စိတ်နဲ့ ကြိုးစားတာမျိုးရှိရင်ရှိခဲ့မယ်။ ဒါပေမဲ့ ခုလက်ရှိမှာတော့ ကားအက်ဆီးဒင့် ဖြစ်ပြီးကတည်းက ကျွန်တော့်ရဲ့အသိဥာဏ်ထဲမှာ အားလုံးကို စေတနာ မေတ္တထားတယ်။ ကျွန်တော် အလှူဒါနလုပ်မယ်။ ကောင်းမှုကုသိုလ်တွေ များများ လုပ်ဖြစ်မယ်။ အဲ့ဒါတွေကိုပဲ စိတ်ထဲ ထည့်ထားတယ်။ ကျွန်တော်ခု အလှူအတန်းတွေ လုပ်တဲ့ အထဲမှာ ကျွန်တော့် ပရိသတ်တွေရဲ့ အလှူတွေလဲပါတယ်။”လို့ သူက ပြောပါတယ်။

တတိယအခွေအကြောင်းကိုလည်း သူက “ခုကျွန်တော် တတိယခွေအတွက် ရေးတုန်းပေါ့။ မေ့လိုက်၊ ပြန်ရေးလိုက်ပေါ့။ ကြိုးစားပြီး ရေးနေပါတယ်။ ခုကျန်းမာရေး သိပ်မကောင်းသေးတော့ သီချင်းတွေ ကတော့ ဆိုတယ်။ ဒါပေမဲ့ စိတ်တိုင်းမကျဘူး။ အရင်ကဆိုတေးက Recording ခန်းထဲ ၀င်သွားပြဆို မိုက်နဲ့က သူငယ်ချင်း ၊ ခေါင်းမော့ပြီး ၀င်သွားလို့ရတယ်။ ဒါပေမဲ့ ခုကျတော့ ကျွန်တော် လည်ချောင်းထဲမှာ ပိုက်ထိုးထည့်ထားတော့ အရမ်းမအော်နိုင်ဘူး။ မဆိုနိုင်ဘူး။ အဲ့တော့ တစ်ယောက်တည်း ကြိတ်ငိုမိတယ်။ ခု မ၀ိုင်းစု ရဲ့ခါချနေရတယ် အခွေမှာ အသက်ရှု မှားလောက်တယ် ဆိုတဲ့ သီချင်းဆိုပေးထားတယ်။ ချစ်သူများနေ့က မြစ်ကြီးနားမှာ ရှိုးဆိုဖို့ရှိတယ်။ ကျွန်တော်ဂီတ အနုပညာပိုင်းနဲ့ပတ်သတ်ပြီး ဆန္ဒတွေတော့ရှိတယ်။ လက်တွေ့မှာ ဘာမှမလုပ်ဖြစ်သေးဘူး။ ကားအက်ဆီးဒင့်ဖြစ်တဲ့ချိန်မှာ ထွက်ပေါ်ခဲ့တဲ့ လူမှုရေး ကိစ္စတွေနဲ့ပတ်သတ်ပြီး အချိန်ကပဲ ဖြေရှင်းပေးသွားမှာပါ။ ပရိသတ် တစ်ယောက်ချင်းကို ကျတော့ လိုက်ရှင်းပြဖို့အခွင့်အရေး မရှိဘူးလေ။ အချိန်ကပဲ အဖြေပေးသွားမှာပါ”တဲ့။

trend.com.mm

အပြည့်အစုံသို့ »

တောင်းဆိုချက်များ သဘောတူညီချက်ရသော်လည်း သပိတ်စစ်ကြောင်းများ ဆက်လက်ချီတက်မည်ဟု ကျောင်းသားခေါင်းဆောင်အချို့ဆို


လေးပွင့်ဆိုင်ဆွေးနွေးပွဲအပြီး သတင်းထောက်များနှင့် တွေ့ဆုံဖြေကြားနေစဉ် (ဓာတ်ပုံ − နေလင်းထွန်း)
အမျိုးသားပညာရေးဥပ ဒေပြင်ဆင်ရေးလေးပွင့်ဆိုင်ဆွေး နွေးပွဲတွင် သပိတ်မှောက်ကျောင်း သားများတောင်းဆိုသောအချက် (၁၁)ချက်ကို မူအားဖြင့် ညှိနှိုင်းသ ဘောတူညီမှုရရှိခဲ့သည်။

အစိုးရ၊ လွှတ်တော်၊ သပိတ် မှောက် ကျောင်းသားခေါင်း ဆောင်များနှင့် ပညာရေးစနစ်ပြု ပြင်ပြောင်းလဲရေးနိုင်ငံလုံးဆိုင်ရာ ကွန်ရက်(NNER)တို့သည် ရန်ကုန် တိုင်းဒေသကြီး လွှတ်တော်တွင် နံနက် ၉ နာရီခွဲမှ ည ၇ နာရီအထိ ဆွေးနွေးခဲ့ကြပြီး ကျောင်းသားများ၏ တောင်းဆိုချက်များအား ဆွေးနွေးညှိနှိုင်းသဘောတူညီခဲ့ကာ ဖေဖော်ဝါရီ ၁၆ ရက်တွင်လွှတ်တော်သို့ ဥပဒေကြမ်း တင်သွင်းသွားမည်ဖြစ်ကြောင်းသတင်းရရှိသည်။

ပညာရေးလေးပွင့်ဆိုင်ဆွေး နွေးပွဲတွင် တောင်းဆိုချက်များ အားလုံးကို ညှိနှိုင်းသဘောတူညီ ခဲ့ကြသော်လည်း ဒီမိုကရေစီပညာ ရေးလှုပ်ရှားမှုဦးဆောင်ကော်မတီ မှ ကျောင်းသားသပိတ်ခေါင်း ဆောင်များက လမ်းလျှောက်ချီ တက် ဆန္ဒပြမှု ရပ်ဆိုင်းရေးနှင့် ပတ်သက်၍ ဆွေးနွေးပွဲရလဒ် အား သပိတ်မှောက်စစ်ကြောင်း များနှင့် ဆွေးနွေးသွားမည်ဖြစ် ကြောင်းဆိုသည်။

လက်ရှိအခြေအနေအရ သ ပိတ်စစ်ကြောင်းများသည် ရန်ကုန် မြို့သို့ ၀င်ရောက်မည်မဟုတ် သော်လည်း ဖေဖော်ဝါရီ ၁၄ရက် အထိ ဆက်လက်ချီတက်နေမည် ဖြစ်ပြီး အမျိုးသားပညာရေးဥပဒေ ပြင်ဆင်ပြဋ္ဌာန်းပြီးမှသာ သပိတ် လှန်သွားမည်ဖြစ်ကြောင်း ဒီမိုက ရေစီပညာရေးလှုပ်ရှားမှု ဦး ဆောင်ကော်မတီကဆိုသည်။

‘‘ဒီနေ့ရထားတဲ့ ရလဒ်တွေ၊သဘောတူညီချက်တွေကို သပိတ်စစ်ကြောင်းတွေဆီ ပြန်သွားပြီး တင်ပြမှာဖြစ်ပါတယ်။အဲဒီမှာ ကျောင်းသားတွေနဲ့ ထပ်မံဆွေးနွေးပြီးတော့ ၁၄ ရက်နေ့ ဒီမှာ ပြန်တွေ့တဲ့အခါ ရလာတဲ့ ရလဒ်တွေကို ထပ်ပြီး ဆွေးနွေးမှာဖြစ်ပါတယ်’’ဟု ဒီမိုကရေစီပညာရေးလှုပ်ရှားမှု ဦးဆောင်ကော်မတီမှ ကိုဇေယျာလွင်က ပြောသည်။

အဆိုပါဆွေးနွေးပွဲတွင် မူအရသဘောတူညီခဲ့သောအချက်များအားလုံးကို လေးပွင့်ဆိုင်အဖွဲ့က လုပ်ငန်းအဖွဲ့ များဖွဲ့၍ ဖေဖော်ဝါရီလ ၁၄ ရက်တွင် ဥပဒေပြင်ဆင်ရေး အသေး စိတ်ဆက်လက်ဆွေးနွေးရန် သဘောတူညီခဲ့ကြခြင်းဖြစ်သည်။အမျိုးသားပညာရေးဥပဒေကို ပြင်ဆင်သည့် ဥပဒေကြမ်းကို ဖေဖော်ဝါရီလ ၁၆ ရက်တွင် လွှတ်တော်သို့ တင်သွင်းသွားမည်ဖြစ်ပြီး ကျောင်းသားများ ၏တောင်းဆိုချက်များ အမြန်ဆုံးဖြစ်လာမည်ဟု မျှော်လင့်ကြောင်း လွှတ်တော်ဘက်မှ ဦးဆောင်တက်ရောက်သူဦးသိန်းဆွေကပြောသည်။

‘‘လွှတ်တော်ရဲ့ လုပ်ငန်းစဉ်ကတော့ ဒီဥပဒေကို အမျိုးသားလွှတ်တော်ဖြစ်စေ၊ပြည်သူ့လွှတ်တော်ဖြစ်စေ တင်ရမယ်။အဲ့ဒီမှာ ဆွေးနွေးပြီးရင် အမျိုးသားလွှတ် တော်ကိုပြန်တင်၊ ပြီးရင် ပြည်သူ့လွှတ်တော်ကိုတင်ပြီးတော့မှ အားလုံးတူညီတဲ့အချက်ကို ပြည်ထောင်စုလွှတ်တော်က သဘောတူညီတယ်လို့ သဘောထားရပါတယ်။မတူညီတဲ့ အချက်တွေကို ဆွေးနွေးညှိနှိုင်းလိုက်မယ်ဆိုရင် ဥပဒေတစ်ခုဖြစ်သွားမှာပါ။ဒီအချက်တွေက အများကြီးမရှိတဲ့အတွက် အမြန်ဆုံးဖြစ်သွားမယ်လို့ ထင်ပါတယ်။၁၄ ရက်နေ့မှာ ဆွေးနွေးမယ်။၁၅ ရက်နေ့ ရုံးပိတ်ရက်ဖြစ်တဲ့အတွက် ၁၆ ရက်နေ့ကို လွှတ်တော်အရောက် ဦးတို့က ယူသွားပါမယ်’’ဟု လွှတ်တော်ကိုယ်စားလှယ်ဦးသိန်းဆွေက ဆိုသည်။ တတိယ အကြိမ်မြောက်လေးပွင့်ဆိုင်ဆွေးနွေးပွဲသဘောတူညီမှုအရ အမျိုးသားပညာရေးဥပဒေကို ပြင်ဆင်သည့် ဥပဒေကြမ်းကို လာမည့် လေးရက်အတွင်း မူအရသဘောတူညီချက်များ ထည့်သွင်း၍ လွှတ်တော်သို့ တင်သွင်းရမည်ဖြစ်သည်။

ရန်ကုန်တက္ကသိုလ်၊ စိန်ရတု ခန်းမတွင် ပြုလုပ်သော ဆွေးနွေးပွဲထက် ရန်ကုန်တိုင်းဒေသကြီးလွှတ်တော်တွင် ပြုလုပ်သော ဆွေးနွေးပွဲရလဒ်က ပိုမိုကောင်းမွန်ခဲ့ပြီး သဘောတူညီချက်များ ထွက်ရှိလာခဲ့သော်လည်း သပိတ်စစ်ကြောင်းများ ရပ်ဆိုင်းရေး အစိုးရတောင်းဆိုချက်မှာ ဝေးကွာနေဆဲဖြစ်သည်။

‘‘သဘောတူညီချက် ရရှိပြီးတဲ့နောက် ကျောင်းသားများရဲ့ တောင်းဆိုချက်များ ပြည့်ဝလာမှာ ဖြစ်သလို သပိတ်မှောက်ဆန္ဒပြမှုများလည်း ရုပ်သိမ်းကြတော့မှာ ဖြစ်ပါတယ်။ ပူးတွဲကြေညာချက်ကို အားလုံးသဘောတူညီပြီးရင် တရားဝင် ထုတ်ပြန်မှာဖြစ်ကြောင်းသိရှိရပါတယ်။နိုင်ငံရေးအကျပ်အတည်း အဆင့်အထိ မရောက်ရှိအောင် ဆွေး နွေးညှိနှိုင်းခဲ့ကြတဲ့ လေးပွင့်ဆိုင်မှာ ပါဝင်ခဲ့ကြသူများ၊ ပံ့ပိုးကူညီခဲ့ကြသူများ အားလုံးကို ကျေးဇူးတင်ရမှာ ဖြစ်ပါတယ်။ The Culture of Comp-romise ဒိုင်ယာလော့ခ်ယဉ်ကျေးမှုနဲ့ စာမျက်နှာသစ်တွေ ဆက်လက်ဖွင့်လှစ်သွားကြဖို့ပဲ ရှိပါတော့တယ်’’ဟု နိုင်ငံတော်သမ္မတရုံးမှ အကြီးတန်းအရာရှိတစ်ဦးက၎င်း၏ ဖေ့စ်ဘွတ်ခ်တွင် ရေးသား ထားသည်။

ဖေဖော်ဝါရီလ ၁၁ ရက်တွင် ပြုလုပ်ခဲ့သော အထက်ပါပညာရေးလေးပွင့်ဆိုင်ဆွေးနွေးပွဲကို အစိုးရဘက်က သမ္မတရုံးဝန်ကြီးဦးအောင်မင်းအစား သမ္မတရုံးဝန်ကြီးဦးလှထွန်းနှင့် ပညာရေးဝန်ကြီးဒေါက်တာဒေါ်ခင်စန်းရီတို့ ဦးဆောင်တက်ရောက်ခဲ့ပြီး လွှတ်တော်၊NNER နှင့် ဒီမိုကရေစီပညာရေးလှုပ်ရှားမှု ဦးဆောင်ကော်မတီက ယခင်ဦးဆောင်သူများ ဆက်လက်တက်ရောက်ခဲ့သည်။

နောက်ဆုံးရရှိသောသတင်း များအရ သဘောတူညီချက်ရ  သော်လည်း သပိတ်စစ်ကြောင်း များရပ်မည်မဟုတ်ဘဲ ဆက်လက် လမ်းလျှောက်သပိတ်မှောက်မည် ဟု သပိတ်မှောက်ကျောင်းသား ခေါင်းဆောင်တစ်ဦးကဆိုသည်။

‘‘သဘောတူညီမှုရပေမယ့် အစိုးရရဲ့ သဘာတူညီချက်ကို ယုံကြည်မှုမရှိဘူး။ ကျွန်တော်တို့က သဘောထားကြီးစွာနဲ့ စောင့် ကြည့်နေပါတယ်။ အရင်တစ်ခါ ဆွေးနွေးပွဲစတင်တဲ့နေ့မှာ လမ်း မလျှောက်ပါဘူးလို့ ကတိပေး ထားတာကို သူတို့က ကျွန်တော် တို့တည်းတဲ့ဘုန်းကြီးကျောင်းကို ဖိအားပေးတယ်။ သေချာခိုင်မာ တဲ့ ကတိ၊ သဘောတူညီချက်ရမှ ဘာဆက်လုပ်ရမယ်ဆိုတာ ပြော နိုင်မယ်။ ၁၄ ရက်နေ့မှာလည်း ရန်ကုန်ကို မ၀င်ပါဘူးဆိုတာကျွန် တော်တို့ လမ်းလျှောက်နေတာ လည်း ၁၄ရက်နဲ့မရောက်နိုင်ဘူး။  သေချာတာကတော့ ဘာမှမခိုင် မာသရွေ့တော့ လမ်းလျှောက်နေ ဦးမယ်။ မနက်ဖြန်မှာပေါင်းတည် အထိ လျှောက်သွားမှာပါ။ လွှတ် တော်ကသဘောတူညီချက်ပေး တဲ့အထိ စောင့်ကြည့်ပြီး လုပ် ဆောင်သွားမယ်’’ ဟု သပိတ်ခေါင်းဆောင်တစ်ဦးဖြစ်သူ ကိုသီ ဟ၀င်းတင်ကပြောသည်။

မန္တလေးမှ ရန်ကုန်သို့ ချီ တက်လာပြီး ရွှေတောင်မြို့သို့ ရောက်နေသော ပင်မသပိတ်စစ် ကြောင်းမှ ကျောင်းသားများသည် လေးပွင့်ဆိုင်ဆွေးနွေးပွဲရလဒ်နှင့် ပတ်သက်ပြီး ယမန်နေ့ည ၈ နာရီခွဲမှ  ၁၀ နာရီခွဲအထိ ရွှေတောင်မြို့တွင် အစည်းအဝေးပြုလုပ်ရာ ထိုကဲ့သို့ ဆုံးဖြတ်ချက်ချလိုက်ခြင်းဖြစ်ကြောင်း ၎င်းက ဆိုသည်။

သို့သော် ဆွေးနွေးပွဲတွင်သပိတ်များရပ်ဆိုင်းရန် အခက်အခဲရှိကြောင်း အသိအမှတ်ပြုသည် ဆိုသော အချက်အပေါ်တွင်အားလုံးက သဘောတူခဲ့သည်။

လေးပွင့်ဆိုင်ဆွေးနွေးပွဲမှ သဘောတူညီချက်များ

ကျောင်းသားများတောင်းဆိုချက်များကို အောက်ပါအတိုင်းမူအားဖြင့် ညိုနှိုင်းသဘောတူလိုက်ခြင်းဖြစ်ပြီး အမျိုးသားပညာရေးဥပဒေကို ပြင်ဆင်သည့် ဥပဒေကြမ်းရေးဆွဲရာတွင် လေးပွင့်ဆိုင်မှ ကိုယ်စားလှယ်များ ညှိနှိုင်းရေးဆွဲမည်ဖြစ်သည်။

(၁) ပညာရေးမူဝါဒနှင့် ဥပဒေ များ၊ နည်းဥပဒေများ၊ ဆက်စပ် ဥပဒေများ ရေးဆွဲရာတွင် ကျောင်း သား၊ ကျောင်းသူ  ကိုယ်စားလှယ်များ၊ ဆရာ၊ ဆရာမကိုယ်စားလှယ်များပါဝင်ရန်။
(၂) အမျိုးသားပညာရေးဥပဒေတွင် ကျောင်းသားသမဂ္ဂများ၊ ဆရာသမဂ္ဂများ လွတ်လပ်စွာ ဖွဲ့စည်းထူထောင် လှုပ်ရှားခွင့်နှင့် ၎င်းသမဂ္ဂများ တည်ရှိမှုအပေါ် အသိအမှတ်ပြုရေးကို ဖြည့်စွက်ရန်။
(၃) အမျိုးသားပညာရေးဥပဒေတွင်ပါဝင်သည့် အမျိုးသားပညာရေးကော်မရှင်နှင့် အဆင့်မြင့်ပညာ ပေါင်းစပ်ညှိနှိုင်းရေး ကော်မတီ ဖွဲ့စည်းထားခြင်းကိစ္စနှင့် ပတ်သက်၍ ပယ်ဖျက်ရန်။
(၄) ဒေသအလိုက်နှင့် ကျောင်းအလိုက် လွတ်လပ်စွာ စီမံခန့်ခွဲနိုင်သည့် ပညာရေးဆိုင်ရာ ကိုယ်ပိုင်ပြဋ္ဌာန်းခွင့်ပြုရန်။
(၅) လက်ရှိကျင့်သုံးလျက်ရှိသော စာမေးပွဲစနစ်နှင့် တက္ကသိုလ်ဝင်ခွင့်စနစ်များ ပြင်ဆင်ရန်။
(၆) ကျောင်းသားများ လွတ်လပ်စွာ စဉ်းစားတွေးခေါ်နိုင်ပြီး ကိုယ် တိုင် လေ့လာစူးစမ်းသင်ယူနိုင်သည့် သင်ကြားနည်းစနစ်များ ပြောင်းလဲရန်။
(၇) တိုင်းရင်းသားမျိုးနွယ်စုများ၏ ဘာသာစကားလွတ်လပ်ခွင့် နှင့် မိခင်ဘာသာစကား အခြေပြု ဘာသာစကားစုံ ပညာရေးစနစ် (mother tongue based multi-lingual education) ကို အမျိုးသားပညာရေး ဥပဒေတွင် ထည့်သွင်းပြဋ္ဌာန်းရန်ကိစ္စနှင့်ပတ်သက်၍  မိခင်ဘာသာစကားအသုံးပြုသင်ကြားရေး (Me-dium of instruction) အဖြစ် ဆောင်ရွက်ရန်။
(၈) မသန်စွမ်းကလေးများအပါအ၀င် ကလေးအားလုံးအတွက် လူတိုင်းအကျုံးဝင် ပညာရေး (Inclusive education) ဆောင်ရွက်ရန်။
(၉) ကျောင်းသားအရေးအခင်းများကြောင့် ကျောင်းထုတ်ခံခဲ့ရ သည့် ကျောင်းသားများ ကျောင်း ပြန်လည် တက်ရောက်ခွင့်ပြုရန်
(၁၀) နိုင်ငံ၏ ပညာရေးရင်းနှီးမြှုပ်နှံမှုကို ငါးနှစ်အတွင်း တစ်နိုင်ငံ လုံး အသုံးစရိတ်၏ အနည်းဆုံး ၂၀% ရောက်ရှိရန် ရည်မှန်းချက် ထား၍ နှစ်စဉ်တိုးမြှင့်သုံးစွဲရေးအတွက် ဥပဒေတွင် ထည့်သွင်းရန်။
(၁၁) အခမဲ့ မသင်မနေရ ပညာ ရေးစနစ်ကို မူလတန်းအဆင့်သာ မက အလယ်တန်းအဆင့်အထိ တိုးမြှင့်ကျင့်သုံးရေး ဆောင်ရွက်ရန်။

အခြားသဘောတူညီချက်များမှာ

လေးပွင့်ဆိုင်အဖွဲ့သည် ယင်းသဘောတူညီချက်များကို အောင်မြင်ပြီးဆုံးချိန်အထိ အတူတကွဆောင်ရွက်ရန် ကတိက၀တ်ပြုသည်။
လေးပွင့်ဆိုင်းအဖွဲ့အနေဖြင့် ဒီမိုကရေစီပညာရေးလှုပ်ရှားမှု ဦးဆောင်ကော်မတီက သက်ဆိုင်ရာကျောင်းသားထုအပေါ် တာဝန်ခံရသည့်အတွက် သပိတ်များကို ရပ်ဆိုင်းရန် အခက်အခဲရှိကြောင်းအသိအမှတ်ပြုသည်။
အုပ်ချုပ်ရေးပိုင်းမှ စာမေးပွဲများ အောင်မြင်စွာ ကျင်းပနိုင်ရေးနှင့် အခြားရှုပ်ထွေးမှုများ ပေါ်ပေါက်လာနိုင်သည့် စိုးရိမ်မှုရှိကြောင်းကို အသိအမှတ်ပြုသည်။
အမျိုးသားပညာရေးဥပဒေကို ပြင်ဆင်သည့် ဥပဒေကို လွှတ်တော်နှစ်ရပ်တွင် ဆွေးနွေးနေစဉ်ကာလအတွင်း လေးပွင့်ဆိုင်အဖွဲ့က စဉ်ဆက်မပြတ် ထိတွေ့ဆွေးနွေး၍ မလိုလားအပ်သောအခြေအနေများမှ ရှောင်လွှဲနိုင်အောင် ပူးပေါင်းဆောင်ရွက်ကြရန် အလေးအနက်သဘောတူကြသည်။

7day daily

အပြည့်အစုံသို့ »

ဝှိုက်ကတ်ကိုင်ဆောင်သူများ မဲပေးခွင့်ပြုခြင်းကို ပယ်ဖျက် ပေးရန် ရန်ကုန်မြို့တွင် ဖေဖော်ဝါရီ ၁၁ ရက်က ပထမဆုံး အကြိမ် ဆန္ဒထုတ်ဖော်နေကြစဉ် (ဓာတ်ပုံ − ဂျေမောင်မောင်(အမရပူရ))
 နိုင်ငံတော်သမ္မတ၏ ဖေဖော်ဝါရီ ၁၁ရက်ထုတ်ပြန်ချက် အရ ယာယီသက်သေခံလက်မှတ် (White Card)များ၏ သက်တမ်း ကုန်ဆုံးရက်မှာလာမည့်မတ်လ ၃၁ရက်ဖြစ်ပြီး ၀ှိုက်ကတ်ကိုင် ဆောင်သူများ မဲပေးခွင့်မရှိတော့ သလို တရားဝင်တော့မည်မဟုတ် ကြောင်း နိုင်ငံတော်သမ္မတရုံးမှ အကြီးတန်းအရာရှိ တစ်ဦးက ပြောကြားလိုက်သည်။

‘‘တစ်နိုင်ငံလုံးမှာရှိတဲ့ ၀ှိုက်ကတ်တွေ မတ်လနောက်ပိုင်းဆို ရင်တရားမ၀င်တော့ဘူး။ မဲပေး ခွင့်လည်း မရှိတော့ဘူး။ အဲဒါတွေ ပြန်အပ်ပြီးရင် သူတို့မှာ ဘာကတ် မှမရှိတော့ဘူး။ ဒီကြားထဲမှာ အ သိအမှတ်ပြု ကတ်ပြား လိုချင် တယ်ဆိုရင်တော့ နိုင်ငံသားဥပဒေ၊ နည်းဥပဒေတွေနဲ့အညီ စိစစ် ခြင်းခံရမယ်။ ဥပမာ ရိုဟင်ဂျာဆို ပြီး စိစစ်ခံရင်တိုင်းရင်းသားထဲမှာ မရှိတဲ့အတွက် အကျုံးဝင်မှာမ ဟုတ်ဘူး’’ဟု နိုင်ငံတော်သမ္မတရုံး အကြီးတန်းအရာရှိတစ်ဦးကဆို သည်။

သက်တမ်း ကုန်ဆုံးသည့် ၀ှိုက်ကတ်များကို ၂၀၁၅ မေလ ၃၁ ရက် နောက်ဆုံးထား၍ အပ်နှံ ရမည်ဖြစ်ပြီး ၁၉၅၁ ပြည်ထောင်စုမြန်မာနိုင်ငံအတွင်း နေထိုင်သူများ မှတ်ပုံတင်ရေးနည်းဥပဒေများ၏ ပြဋ္ဌာန်းချက်နှင့်အညီ အပ်နှံခြင်း၊ စိစစ်ခံယူခြင်းတို့ကို နည်းလမ်းတကျ ဆောင်ရွက်ရမည်ဖြစ်ကြောင်း နိုင်ငံတော် သမ္မတက ဖေဖော်ဝါရီ ၁၁ ရက်စွဲဖြင့် ထုတ်ပြန်ချက်တွင် ဖော်ပြထားသည်။

‘‘ချက်ချင်းဖော်လိုက်တယ်။ ချက်ချင်းရပ်လိုက်တယ်။ ပြဿ နာကိုဖြေရှင်းတဲ့နည်းလမ်းတစ်ခု ပဲ။ စိုးရိမ်စရာကိစ္စတစ်ခုလည်း ပေါ်လာတယ်။ ပေါ်လာပြီးတော့ စိုးရိမ်စရာ အနေအထား လျော့ အောင်လုပ်လိုက်တဲ့အတွက် ကြို ဆိုပါတယ်’’ဟု ရခိုင်အမျိုးသားပါ တီဗဟိုအလုပ်အမှုဆောင်ဦးလှ စောကပြောသည်။

ယာယီသက်သေခံ လက် မှတ်နှင့်စပ်လျဉ်း၍ ရဟန်းရှင်လူ ပြည်သူ အပေါင်းက ဝေဖန်သုံး သပ်မှုများရှိနေသည့်အတွက် ယာ ယီသက်သေခံလက်မှတ်နှင့် စပ် လျဉ်းသည့် ဥပဒေ၊ နည်းဥပဒေ များနှင့် ဆက်စပ်ကိစ္စရပ်များလေ့ လာသုံးသပ်အကြံပြုရေးကော်မ ရှင်ကို ပညာရှင်များ၊ ပါဝင်ထိုက် သည့်ပုဂ္ဂိုလ်များနှင့် ဖွဲ့စည်းတာ ၀န်ပေးအပ်သွားမည်ဖြစ်ကြောင်း သတင်းရရှိသည်။

‘‘၀ှိုက်ကတ် မရှိတော့ဘူး။ ဘာကတ်မှမရှိရင် ဘယ်လိုလုပ်မ လဲဆိုတဲ့ စည်းမျဉ်းစည်းကမ်းအ ကြံပြုချက်တွေအတွက်ကော်မ ရှင်ဖွဲ့စည်းပြီးတော့ ဆွေးနွေးသွား မယ်။ ဘယ်ထဲမှ မပါတဲ့လူတွေက အကျိုးဆက်ဘာတွေဖြစ်နိုင်လဲ။ ဒါတွေက သက်ဆိုင်ရာပညာရှင် တွေနဲ့ ဆွေးနွေးရမယ်’’ ဟု နိုင်ငံ တော်သမ္မတရုံးမှ အကြီးတန်းအရာရှိကဆက်လက်ပြောသည်။

7day daily

အပြည့်အစုံသို့ »

Facebook က နည်းပညာ တစ်ခုကို ဖန်တီးလိုက်ပါတယ်။ ယင်းကတော့ အရက်မူးနေတုန်း ပုံတင်လို့မရအောင် ဖြစ်ပါတယ်။ အရက်တော့ မမူးတော့ဘူး။ ဒါပေမယ့် ရိုက်ထားတဲ့ ပုံက မူးနေတဲ့ ရုပ်နဲ့ ဖြစ်နေရင် Facebook ပေါ် မရောက်ရှိအောင် ဖြစ်ပါတယ်။ အင်မတန် စိတ်ဝင်စားဖို့ ကောင်းပါတယ်။ ယင်းအတွက် လက်ရှိ Facebook မှာ အသုံးပြုနေတဲ့ မျက်နှာ ခွဲခြမ်းစိတ်ဖြာ လေ့လာ နည်းပညာကိုပဲ ထပ်မံ အဆင့်မြင့်တင်လိုက်ခြင်း ဖြစ်ပါတယ်။

လူတို့ရဲ့ မျက်နှာအနေအထားများကို တစ်ယောက်ချင်းစီ ကနေ လေ့လာ ယူထားပါမယ်။ သူတင်နေကျ အရင်ပုံတွေကနေ ရမယ့် မျက်နှာအသွင်အပြင်ကို မှတ်ထားပြီး ကိုယ်တိုင်လိုက်တဲ့ နောက်ထပ် ပုံတစ်ပုံပုံက အရင်လို မဟုတ်ပဲ အရက်မူးနေတဲ့ ပုံစံ ပေါက်နေရင် ယင်းပုံကို တင်ခွင့်မပေးတာမျိုး ဖြစ်ပါတယ်။ မျက်နှာ တစ်ခုတည်းကို မက ပတ်ဝန်းကျင်ကိုလည်း လေ့လာပါအုံးမယ်။ ဒီတော့ Facebook ပေါ်မှာ ကိုယ့်ရဲ့ ဘော့စ်၊ အဖေ၊ အမေ တို့ ရှိနေလည် စိတ်မပူရတော့ ပါဘူး။

နောက်ထပ် နည်းပညာ ကတော့ Facebook ပေါ်မှာ လူတစ်ဦးတစ်ယောက်ချင်းစီရဲ့ လုပ်ဆောင်ချက် တွေပေါ်မှာ မူတည်ပြီးတော့ သူလိုချင်တဲ့ Update / News Feed တွေပဲ ပေးစေမယ့် နည်းပညာ ဖြစ်ပါတယ်။ ဒါပေမယ့် ယင်းဟာလည်း အသစ်တော့ မဟုတ်ပါဘူး။ Facebook က ယခု အသုံးပြုနေပြီးသား ဖြစ်ပြီး ယင်းထက် ပိုပြီးတော့ ဥာဏ်ရည်မြင့်တဲ့ နည်းပညာကို ကြိုးစားဖန်တီးခြင်း ဖြစ်ပါတယ်။ အနာဂတ်မှာ Facebook အနေနဲ့ လူသားတို့ အတွက် ဒီဂျစ်တယ် လက်ထောက်တစ်ခု အနေနဲ့တောင် ရှိအောင် ဖန်တီးမှာ ဖြစ်ကြောင်း သိရပါတယ်။
.
Ref: Metro
အောင်ခမ်း (ရိုးရာလေး) 

အပြည့်အစုံသို့ »

မိမိကြောပိုးအိတ် သို့မဟုတ် လက်ကိုင်အိတ်ရဲ့ လက်ကိုင်ကြိုးတွေကို အထူး ဂရုစိုက်ပေးသင့်တယ်။ ၄င်းတို့ကို အိပ်ယာပေါ် သို့မဟုတ် မီးဖိုချောင်တွေမှာ မထားသင့်ဘူး။ ဒါ့အပြင် သွားလေရာကို ကိုယ်နဲ့မကွာယူကြတာမျိုး၊ သန့်စင်ခန်းကြမ်းပြင်တွေမှာချထားတာမျိုးတွေ  မလုပ်သင့်ပါဘူး။

အိတ်ပေါ်ကပ်နေတဲ့ staphylococcus၊ ဗိုင်းရပ်စ်၊ fomites နဲ့ ကူးစက်ရောဂါဖြစ်ပွားစေနိုင်တဲ့ microbes ကဲ့သို့သော အရေပြားပေါ်က ဘက်တီးရီးယားတွေ ဖယ်ရှားဖို့ ပိုးသတ်ထားတဲ့ အဝတ်စလေးတွေနဲ့ တစ်ပတ်တစ်ကြိမ် အထူးသတိထား သုတ်သင် သန့်ရှင်းပေးသင့်ပါတယ်။

သားရေသားတွေ ပျက်စီးသွားမှာစိုးရိမ်တယ်ဆိုရင်တော့ အားလုံးတစ်ခါတည်း မသုတ်သေးခင် အစမ်းသဘောနဲ့ အကွက်သေးလေး တစ်နေရာကို အရင် စမ်းသုတ်ကြည့်လိုက်ပါ။

Ref: DailyMail
trend myanmar

အပြည့်အစုံသို့ »

 

RIO DE JANEIRO (AP)သတင်းဌာနမှ သတင်းတစ်ရပ်အရ ဘရာဇီးနိုင်ငံ သတင်းထုတ်ပြန်ချက် တစ်ရပ်မှာ သတ္တု ကြိုးပါတဲ့ ဘရာစီယာဟာ သူ့ဆီ လလာတဲ့ ကျည်ဆံနှင့် ထိမိခဲ့သော်လည်း အသက်ချမ်းသာရာ ရခဲ့တယ်လို့ သိရပါတယ်။

 IveteMedeiros ဆိုသူ အမျိုးသမီးဟာ Amazonian မြို့က ကုန်သည်တစ်ဦးဖြစ်ပြီး ဈေးတစ်ခုထဲ ရောက်နေတဲ့အချိန်မှာ အပြက်ဖက်က ဆူညံသံတွေကြားပြီး ထွက်ကြည့်ရကနေ လမ်းတစ်ဖက်ခြမ်းကေ လမ်းသွားလမ်းလာတစ်ဦးကို ချုပ်ထားတဲ့ သူခိုးတစ်ယောက်မှ ပစ်လိုက်တဲ့ ကျည်ဆံနဲ့ ထိမှန် သွားခဲ့ရတာပါ။

ထိမှန်သွားခဲ့တဲ့ အချိန်မှာသူမရဲ့ ယောင်္ကျားဖြစ်သူက သူမကိုသေပြီလို့ ထင်ခဲ့သော်လည်း ကံကောင်းစွာနဲ့ပဲ သူမ အသက်ရှင်သန်ခဲ့ရပါတယ်။

"ဒါ ကျွန်မကို ဘုရားသခင်က ကယ်တင်ပေးခဲ့တာပါ" လို့ Medeiros မှ သတင်းဌာနကို ပြောကြားခဲ့ ပါတယ်။

Ref:huffingtonpost.com
trend.com.mm

အပြည့်အစုံသို့ »

ကိုယ်အလေးချိန် လျှော့ချဖို့  ဆုံးဖြတ် ထားသူတွေအနေ နဲ့ ကျန်းမာရေးနဲ့ ညီညွတ်တဲ့ အစားအစာတွေ စားရုံသာမက လေ့ကျင့်ခန်းလည်း ပုံမှန်လုပ်ပေးဖို့     လိုအပ် တယ်ဆိုတာ သိထားကြပါတယ်။ အစာစားရုံ၊ လေ့ကျင့်ခန်းလုပ်ရုံသာမက အဆီတွေကို   မြန်မြန်လောင်ကျွမ်းစေနိုင်တဲ့ သောက်စရာတွေ မှန်ကန်စွာရွေးချယ်နိုင် ဖို့အတွက် ဖော်ပြပေးလိုက်ပါတယ်။

ရေခဲရေ

ရေခဲရေဟာ ခန္ဓာကိုယ်တွင်း ဇီဝဖြစ်စဉ်လုပ်ငန်းစဉ်များကို မြှင့် တင်ပေးနိုင်တာကြောင့် ကယ်လို ရီပမာဏများနေတာတွေကို ဖယ်ရှားပေးပါတယ်။ နေ့တိုင်းရေခဲ ရေအနည်းဆုံး ၁၆ အောင်စ လောက်သောက်ရင် ထူးခြားတဲ့ ရလဒ်တွေ့ရမှာပါ။

အုန်းရည်

အခြားသောဖျော်ရည်တွေ ထက် လျှပ်လိုက်ရည် (အီလက် ထရိုလိုက်)များများပါဝင်တာကြောင့် ရေဓာတ်အမြဲပြည့်ဝနေ စေပါတယ်။ အုန်းရည်ထဲကို သကြားနဲ့ အခြားအရသာတုတွေ မထည့်ဘဲ သောက်သင့်ပြီး ခန္ဓာကိုယ်တွင်းလုပ်ငန်းစဉ်တွေနဲ့ စွမ်းအင်ပြည့် ဝနေဖို့ထောက်ကူပါတယ်။

အဆီထုတ်နွားနို့

ခန္ဓာကိုယ်ထဲကအဆီတွေ မြန်မြန်ချေဖျက်ရာမှာ အကျိုးပြု တာကြောင့် အဆီထုတ်နွားနို့ ပုံမှန်သောက်ပြီး ဘာတွေထူးခြား လဲ စောင့်ကြည့်နိုင်ပါတယ်။

ဟင်းသီးဟင်းရွက်ဖျော်ရည်

ကျန်းမာရေးအတွက် ကောင်းကျိုးပြုရုံသာမက ကယ် လိုရီပမာဏများနေတာတွေကို လည်း လျှော့ချပေးနိုင်ပါတယ်။

အာဟာရဖျော်ရည်

ဈေးကွက်ထဲမှာ အသင့် ရောင်းချတဲ့ အာဟာရဖျော်ရည် တွေကတော့ ပုံမှန်အားဖြင့် ကျန်း မာရေးအတွက် အထောက်အကူ ပြုပေမယ့် ကိုယ်ရွေးချယ်သောက် တဲ့ဖျော်ရည်က သင့်လျော်မှုရှိ၊ မရှိကိုတော့ ဆရာဝန်နဲ့ တိုင်ပင် သင့်ပါတယ်။

လက်ဖက်စိမ်းနှင့်

နို့မပါလက်ဖက်ရည်

အဆီဓာတ်ကို ၄၃ ရာခိုင် နှုန်းဖယ်ရှားပေးတာကြောင့် ပိန် ပိန်ပါးပါးဖြစ်လိုသူတွေကတော့ ပုံမှန်သောက်သင့်ပါတယ်။

ဖရဲသီးဖျော်ရည်

ဗိုက်ချပ်ဖို့အတွက်ဆိုရင် သကြားမထည့်ဘဲ သဘာဝ အတိုင်းသောက်ဖို့တော့လိုပါ တယ်။ ကယ်လိုရီကိုလျော့ကျစေ ပြီး ရေဓာတ်ကိုအမြဲပြည့်ဝနေစေ ပါတယ်။ Ref: stethnews.com

credit : 7day daily

အပြည့်အစုံသို့ »

တကယ်တမ်းတွင် ပြဿနာ ကဘာမျှကြီးကြီးကျယ်ကျယ်မဟုတ်။ အေမီချိုက ၎င်း၏ခင်ပွန်း ကလေးပုခက်လွှဲပြီး ဟင်းချက်နေသည့်ဓာတ်ပုံတစ်ပုံကို သူငယ်ချင်းများကိုပြချင်သည့်စိတ်၊ အိမ်အလုပ်များကူလုပ်ပေးသည့်ခင်ပွန်းဖြစ်သူကို ကြွားဝါချင်စိတ်ဖြင့်သာ ဖေ့စ်ဘွတ်ခ်အင်တာနက်စာမျက်နှာပေါ်တင်လိုက်ခြင်းဖြစ်ပါသည်။ သို့သော် အေမီချိုမေ့လျော့နေသည့်အချက်ကား ၎င်း၏များပြားလှစွာသောဖေ့စ်ဘွတ်ခ်သူငယ်ချင်းများထဲတွင် ၎င်း၏ယောက္ခမကြီးလည်း ပါဝင်နေသည်ဆိုသည့်အချက်ဖြစ်သည်။ ပြဿနာကား အေမီချိုတင်ထားသောဓာတ်ပုံအောက်မှာ ယောက္ခမကြီးက အောက်ပါအတိုင်းကွန်မန့် (ခေါ်)မှတ်ချက်တစ်ခုရေးရာမှစတင်တော့သည်။

‘ယောက်ျားကို  အိမ်အလုပ်တွေမတရားခိုင်းတာ  အမျိုးကောင်းသမီး မဟုတ်ဘူး’

ထိုမှတ်ချက်ကိုဖတ်လိုက် ရသောအခါ အေမီချို သွေးဆူသွားသည်။ အေမီချို့ထက် ပို သွေးဆူသည်ကား အေမီချို၏ ဖေ့စ်ဘွတ်ခ်သူငယ်ချင်းထဲမှာရှိနေသည့်မိခင်ဖြစ်ပါသည်။ ၎င်းက ဖေ့စ်ဘွတ်ခ်ဓာတ်ပုံအောက်က အေမီချို၏ယောက္ခမမှတ်ချက်ကိုမြင်နေရသည်။   ခမည်းခမက်တော်သူက သမီးကို အမျိုးကောင်းသမီးမဟုတ်ဟုဆိုသော စကားက သူ့ကိုပါတိုက်ရိုက်သက်ရောက်နေသည်မဟုတ်ပါလား။  ဖေ့စ်ဘွတ်ခ်ပေါ်တွင် ခမည်းခမက်များ အပြန်အလှန်စကားစစ်ပွဲနွှဲကြ၏။ သူ့ဘက်ကိုယ့်ဘက်အမျိုးများ၊ မိတ်ဆွေများက လိုက်ခ်(like)များနှိပ်ကာ အားပေးကြ၏။ ကွန်မန့်မှတ်ချက်ပေါင်း ၂၀ကျော်အပြန်အလှန်ရေးအပြီးမှာတော့ တစ်ယောက်ကိုတစ်ယောက် အပြန်အလှန်ဘလော့ဂ်ပြီး ပွဲသိမ်းလိုက်ကြ၏။ အပြင်မှာလည်း တစ်ယောက်နှင့်တစ်ယောက် စကားမပြောကြတော့။

အေမီချိုတို့သားအမိသာမဟုတ်၊ မြန်မာနိုင်ငံတွင်ဖေ့စ်ဘွတ်ခ်ပေါ်လာပြီးကတည်းက သတင်း၊ ဖျော်ဖြေရေး၊ လူမှုရေး၊ ပညာရေးများအတွက် အကျိုးရှိ စွာအသုံးချနေကြသူများရှိသလို အပြင်မှာ ဘာမှမဖြစ်ဘဲ ဖေ့စ်ဘွတ်ခ်ပေါ်လာခါမှ အငြင်းပွား ပြဿနာများတက်ကာ မခေါ်နိုင် မပြောနိုင်သူများ အများကြီးရှိလာပါသည်။ ထို့အတူ နေ့စဉ်ဘဝ မှာဖေ့စ်ဘွတ်ခ်အတွက် အတော်များများ အချိန်ပေးလာသူတွေလည်း အများအပြားတိုးလာနေပါသည်။

၂၀၁၅ ဇန်နဝါရီ ၂၇ ရက်က ဖေ့စ်ဘွတ်ခ်အင်တာနက်စာမျက် နှာတစ်နာရီလောက်ပြတ်တောက်သွားခဲ့ရာတွင် မြန်မာနိုင်ငံမှ သုံးစွဲသူများအပါအ၀င် နိုင်ငံအများအပြားက ဖေ့စ်ဘွတ်ခ်ပရိသတ် များ ပွက်လောရိုက်ဆူညံသွားခဲ့သည်။

သည်အရာက သိပ်တော့ထူး ဆန်းသည့်အချက်မဟုတ်။ Forbes မဂ္ဂဇင်း၏ပြောကြားချက် အရ ဖေ့စ်ဘွတ်ခ်သည် ကမ္ဘာပေါ်မှလူများအတွက် အကြီးဆုံးလူမှုရေးကွန်ရက်အင်တာနက်စာမျက်နှာတစ်ခုဖြစ်လာပြီဟုဆိုပါသည်။ သို့သော် မြန်မာနိုင်ငံသည် ကမ္ဘာပေါ်က အခြားနိုင်ငံများနှင့်ယှဉ်ပါကကမ္ဘာပေါ်တွင် ဖေ့စ်ဘွတ်ခ်အင်တာနက်စာမျက်နှာသုံးစွဲသူ  အနည်းဆုံးနိုင်ငံများ၌ ရှိနေပါသေးသည်။

လက်ရှိပြုစုထားသည့် စာရင်းများအရ မြန်မာနိုင်ငံတွင် ဖေ့စ်ဘွတ်ခ်သုံးစွဲသည့်အရေအတွက်မှာ လေးသန်းနီးပါးရှိနေပြီဖြစ်သည်။

ဖေ့စ်ဘွတ်ခ်၏တရားဝင် ထုတ်ပြန်ချက်များအရ တစ်ကမ္ဘာလုံးတွင် အသုံးပြုသူလူပေါင်း သန်းတစ်ထောင့်နှစ်ရာအထိပင် ရှိသည်ဟုဆိုပါသည်။ ဖေ့စ်ဘွတ်ခ်ကိုအရွယ်စုံ၊ လူမျိုးစုံအသုံးပြုလာကြပြီး သုံးသူများထဲမှာ အမေရိ ကန်နိုင်ငံ ကယ်လီဖိုးနီးယားပြည်နယ်တွင်နေသည့် အသက် (၁၀၇)နှစ်ရှိနေသည့် အဘွားတစ်ဦးပင်ပါဝင်သည်။ ကမ္ဘာမှာ အသက်အကြီးဆုံးဖေ့စ်ဘွတ်ခ်သုံးစွဲသူဟုပြောကြသည့် အဆိုပါအဘွား၏အမည်မှာ အက်ဒီသီကီရာမိုင်ရာ (EdytheKirchmaier) ဖြစ်ပြီး ၎င်းက ချီကာဂိုတက္ကသိုလ်မှ ကျောင်းသူဟောင်း တစ်ဦးဖြစ်ပါသည်။ အသက်ကြီးသူဆိုသော်လည်း ခေသူတော့မဟုတ်။

၎င်း၏ဖေ့စ်ဘွတ်ခ်စာမျက်နှာ ၌ သူတင်သမျှကို ပုံမှန်လာဖတ် သူပေါင်း ငါးသောင်းကျော်ရှိသည်ဟုသိရ၏။ ထိုကဲ့သို့ ဖေ့စ်ဘွတ်ခ် သုံးစွဲသူတွေက လူကြီးကနေ ကလေးအထိ အရွယ်စုံကဲ့သို့ ဖြစ်လာသောပြဿနာများကလည်း နေရာမျိုးစုံ၊ ပုံစံမျိုးစုံ ဒုနှင့်ဒေးဖြစ်လာပါသည်။ ရန်ကုန် ကအေမီချိုတို့လို မိသားစုပြဿနာတင်မက နိုင်ငံရေး၊ စီးပွားရေး ပြဿနာများအထိပင် ပါဝင်ပါသည်။

ထိုအထဲတွင် မြောက်ပိုင်း အင်္ဂလန်မှ အသက် (၁၄)နှစ် အရွယ်ကျောင်းသားလေးဂျော်ဒန် ဖို့ဒ်ဆိုသူမှာ ဖေ့စ်ဘွတ်ခ်ကြောင့် အထက်တန်းကျောင်းကနေပါ ထွက်ခဲ့ရသည်အထိ ပြဿနာတက်ခဲ့ရသည်။ ဂျော်ဒန်ဖို့ဒ်က ဆယ်ကျော်သက်ပီပီ ခေါင်းကို ဆံပင်အနီရောင်ဆိုးသည်။ ၎င်းတို့ ကျောင်းက ဆံပင်အနီကို အခြားသာမန်အရောင်ပြောင်းခိုင်း၏။

ဂျော်ဒန်က မကျေနပ်ပါ။ တစ်နေ့တွင် ဖေ့စ်ဘွတ်ခ်ပေါ်၌ ၎င်းတို့ကျောင်းအုပ်ဆရာမကြီး၏ ဓာတ်ပုံကိုသွားတွေ့၏။ ဆရာမကြီးက ဆံပင်ကို ခရမ်းရောင်ဆိုးထားသည်။ ဆရာမကြီးက ဖေ့စ်ဘွတ်ခ်မှာ အဟန့်အတားများနှင့် ကိုယ့်ပုံများကို မဆိုင်သူများမမြင်အောင်လုပ်ရသည့် သဘောကိုနားမလည်။ ထို့ကြောင့် ၎င်း၏ပုံကို ဂျော်ဒန်ကအလွယ်တကူ ကူးယူသွား၏။

ထို့နောက် ဆရာမကြီးပုံ အောက်မှာ ဂျော်ဒန်က ပုံစံမျိုးစုံ ဖြင့် ဆရာမကြီး၏ဆံပင်အရောင်၊ ကိုယ်ခန္ဓာနှင့် အခြားရုပ်ပိုင်းဆိုင် ရာများကို လှောင်စာ၊ ပြောင်စာ တွေမျိုးစုံအောင်ရေးပြီး ဖေ့စ် ဘွတ်ခ်၌ပြန်တင်သည်။ အခြား ကျောင်းသားများကပါ ဝင်ရေး  ကြ၊ ဝင်ဟားကြ၏။ ဆရာမကြီး လည်း အရှက်ကြီးစွာရခဲ့၏။ ထို အချက်ကြောင့် ၎င်းကိုကျောင်းကထုတ်ပယ်ခဲ့တာဖြစ်ပါသည်။

ဂျော်ဒန်၏ဖခင်က ယင်းအဖြစ်အပျက်ကို အင်္ဂလန်တယ် လီဂရပ်ဖ်သတင်းစာကိုပြောကြား ရာတွင်သူ၏သားမှာ လူပြောင်ဖြစ်ပြီးဆရာမကြီးကို စနောက်ခြင်းသာဖြစ်ပါသည်ဟုဆိုပါသည်။

သို့ရာတွင် ကျောင်းအုပ်ချုပ် ရေးအဖွဲ့က ဂျော်ဒန်၏အပြုအမူ ဆောင်ရွက်ချက်များသည် လူမှု ရေးဆိုရှယ်မီဒီယာစည်းကမ်းများ ကိုဖောက်ဖျက်နေသည်ဟုဆိုပါ သည်။

‘‘ဂျော်ဒန်နဲ့မိဘတွေက ကျောင်းသားတွေအနေနဲ့ ဆိုရှယ် မီဒီယာကို ဘယ်လိုသုံးရမလဲဆို တာ ကျောင်းအပ်ကတည်းက လက်မှတ်ထိုးပြီးသားပါ။ ကိုယ့် အချိန်ကို ကိုယ်သုံးပြီးလုပ်တယ်ဆိုပေမယ့် တခြားသူတွေရဲ့ ကိုယ် ပိုင်စာမျက်နှာကို ကျူးကျော် ဓာတ်ပုံကူးချပြီး အဲဒီလိုလုပ်တာကိုလက်မခံနိုင်ပါဘူး’’ဟု ကျောင်း အုပ်ချုပ်ရေးအဖွဲ့ကဝေဖန်သည်။

ယင်းအဖြစ်အပျက်မှာ ဖေ့စ် ဘွတ်ခ်ကြောင့်ဖြစ်ပွားခဲ့ခြင်းဖြစ်သည်။ ဖေ့စ်ဘွတ်ခ်မရှိမီက ဂျော်ဒန်ကဲ့သို့ကျောင်းသားကလေး တွေက ကျောင်းဆင်းလျှင် အိမ်သို့ပြန်ကြသည်။ သူငယ်ချင်းများနှင့်တွေ့ကြသည်။ ဆရာများနှင့်ပြော ဆိုဆက်ဆံပြီး ၎င်းတို့၏လူမှုပြဿနာများကို အချင်းချင်းဖွင့်ဟဆွေးနွေးကြသည့် သဘောရှိ သည်။

ယခုအခါမူ အားလုံးက အချင်းချင်းစကားမပြောအား။ လူကိုယ်တိုင်မတွေ့အားကြ။ အားလုံးဖေ့စ်ဘွတ်ခ်ပေါ်မှာတွေ့ သည်။ အသိပေးသည်။ စာရင်း ရှင်းကြသည်။ ရန်ဖြစ်ကြသည်။ ရန်ကုန်က အေမီချိုတို့လို မိသားစု ဝင်အချင်းချင်း ကိုယ်ရေးကိုယ်တာကိစ္စများကိုလည်း ဖေ့စ် ဘွတ်ခ်ပေါ်မှာလူသိရှင်ကြား ရှင်းလင်းကြတာများလည်းရှိသည်။

သည်အရာတွေက ဖေ့စ် ဘွတ်ခ်၏ကောင်းကျိုးလား၊ ဆိုး ကျိုးလားယခုအချိန်မှာတော့ အေမီချိုတစ်ယောက် မစဉ်းစား အားနိုင်သေး။ အချိန်ရတုန်း သူ့ ဖေ့စ်ဘွတ်ခ်ပေါ်မှာ ဘလော့စရာ ရှိသူတွေကို ဘလော့ရဦးမည်ဖြစ် ပါသည်။

‘ယောက္ခမက ဖေ့စ်ဘွတ်ခ် ပေါ်မှာ အမေနဲ့ရန်ဖြစ်ကြတော့ ကျွန်မကိုဘလော့ဂ်သွားတယ် လေ။  ဘယ်ရမလဲ နေဦး ကျွန်မကလည်း ဖေ့စ်ဘွတ်ခ်ပေါ်က သူတို့အမျိုးတွေကိုပါ ပြန်ဘလော့ဂ်ပြီး ရီပို့ပါလုပ်ပေးလိုက်ဦးမယ်’

http://7daydaily.com/story/30615#.VMtZ6WiUewg

အပြည့်အစုံသို့ »

ခွေးအထီးကို အမျိုးသမီးက ကျော်ခွလျှင်၊ အမျိုးသား၏ ဦးခေါင်ကို အမျိုးသမီးက ထိလျှင်ကိုင်လျှင်၊ အမျိးသားများ က အောက်မှာ ထိုင်ပြီး အမျိုးသမီးက အပေါ်မှာ ထိုင်သည့် အနေအထား တစ်ခုတွင် ရှိလျှင်၊ တရားနာသည့်အခါ အမျိုးသမီးများက အမျိုးသားအရှေ့မှာ နေလျှင် ဘုန်းနိမ့်တတ်သည်။ ကံနိမ့်တတ်သည် အစရှိသဖြင့် အမျိုးမျိုး ပြောဆိုကြသည်။ အမှန်စင်စစ်ကား မဟုတ်ရပါ။ရှေးယခင် ခေတ်အဆက်ဆက်က အမျိုးသမီးတို့ က္လိနြေ္ဒ ရွှေပေး၍ မရ အစရှိသဖြင့် ပြောစမတ် ရှိခဲ့သည်။

အမျိုးသမီးဟူသည် အမျိုသားများနှင့် မတူသည့် အဓိက အချက်မှာ လက်ရုံးခွန်အား ဗလ တစ်ခု ဖြစ်ပြီး ယင်း အချက်ကို လူသားတို့ သိရှိ၍ အနိုင်မကျင့်ပဲ ကိုယ်ချင်စာ သနားတတ်စေအောင် အားနွဲ့သူ ပီပီ ယဉ်ယဉ်ကျေးကျေး နေအပ်စေသည်။ ယင်းမှာ မည်သူမျှ ဥပဒေထုတ် တားမြစ်စရာ မလိုပဲ အမျိုးသမီးများ ကိုယ်တိုင် လက်ရုံးခွန်အားဗလ အားနွဲ့သူ ပီပီ အမျိုးသားများကဲ့သို့ တန်းတူ ခွန်အားသုံး အလုပ်လုပ်ခြင်းတို့ မလုပ်၊ လိင်သဘာဝအဖြစ် ကွဲပြားသောကြောင့်လည်း အမျိုးသားများကဲ့သို့ မဝတ်ဆင်။ ယဉ်ကျေးသူ ပီပီ လုံလုံခြုံခြုံဝတ်စေကာ၊ ပြောဆို၊ ပြုမု အမူအရာ များက အစ ယဉ်စေရန် ငယ်စဉ်ကတည်းက မိဘများက သင်ကြားပေးသည်။ အနေအထိုင် မယဉ်ကျေး၊ သွားလာသည့်အခါ လမ်းလျှောက်သည့်အခါ ခုန်လွှားခြင်း၊ ကျော်လွှားခြင်းတို့ မပြုစေ။ အမျိုးသားများ မြင်သည့်အခါ အနိုင်ကျင့်ခြင်း၊ မကောင်းမှု ပြုခြင်းတို့၏ ဆန့်ကျင့်ဘက်ဖြစ်သည့် သနားခြင်း၊ ကူညီချင်စိတ် ဖြစ်ပေါ်စေခြင်း၊ ဖေးမ ကူညီလိုစိတ်ဖြစ်ပေါ်စေခြင်းတို့ကို မွေးဖွားစေရန် ဖြစ်သည်။ စာနာ သနားတတ်လာစေရန် ဖြစ်သည်။ ယင်းကို မသိပဲ မိမိက ဝတ်စားရာတွင် မဆင်မခြင် ဖော်ပြ ဝတ်စားခြင်း၊ သွားလာသည့်အခါ အမျိးသမီးကဲ့သို့ ညင်သာမှု မရှိခြင်း တို့က မိမိအတွက်လည်း ပို၍ မလုံခြုံမှု ဖြစ်စေသည်။ ဘုရားစိန်ဖူးတော် တင် သပ္ဗါယ်ခြင်း ကဲ့သို့ အမှုကိစ္စ၊ ဘုရားရင်ပြင် အမြင့်နေရာသို့ တက်ခြင်း ကိစ္စတို့သည် အောက်တွင် ရှိသော အမျိုးသားများ၏ အမြင်တွင် မတင့်တယ်သကဲ့သို့ ရှိသောကြောင့် တားဆီးမှုများကို ခေတ်အဆက်ဆက် ပြုလုပ်ရာမှ အမျိုးသားများသာ ဝင်ရန်ကဲ့သို့ ဘုရားစေတီ နေရာများ ရှိလာရသည်။

ဘုန်းကြီး၊ ဦးဇင်းများနှင့် အနီးကပ် မနေပဲ ခွာနေရန် ဟူသည်ဟာ ဘုရားသားတော် တရားအားထုတ်သူများ အနေဖြင့် တရားကို မထိခိုက်ပဲ စိတ်များ အာရုံများ လောကုတ္တရာတွင်သာ မြဲ၍ နေအောင် မာတုကာမ များဖြင့် ခွာ၍ နေရန် မြတ်စွာဘုရားကိုယ်တိုင် ပညတ်တော်မူခဲ့ခြင်း ဖြစ်ပါသည်။

အမျိုးသမီးများ တရားအားထုတ်က ဘုရားဖြစ်နိုင် မဖြစ်နိုင်

တရားဟောက တရားသိနိုင်သော တိဟိတ်ဥာဏ် ရှိသူတိုင်းက နိဗ္ဗာန်ရောက်နိုင်သည်။ ကျင့်ကြံ အားထုတ် ရနိုင်ပါသည်။ အမျိုးသမီးများလည်း အမျိုသားဘဝ ရရှိအောင် ကျင့်ကြံအားထုတ်နိုင်ပါတယ်။ အမျိးသား၊ အမျိးသမီး ဟူ၍ ကွဲလာသည့်အခါ အဓိက ကွဲသွားသည့် အချက် တစ်မှာ ဓိပတိ ဖြစ်သည်။ ကြိုးစားအားထုတ်မှု ဖြစ်ပြီး အမျိုးသားများက ခွန်အားဖြင့်လည်း ပိုမို သန်မာသောကြောင့် ကြိုးစားအားထုတ်သည့်အခါ ဇွဲ လုံ့လ ပိုမို ပြင်းထန်သောကြောင်း ဘုရားဖြစ်ရန်မှာ အမျိုးသားများကဲ့သို့ ဆန္ဒ၊ စိတ္တ၊ ဝီရိယ၊ ဝီမံသ၊ တို့တွင် ဓိပတိ အားဖြင့် သဘာဝ အလျောက် ပိုမို အားကောင်းသောကြောင့် ဘုရားဖြစ်ရန် ကြိုးစားနိုင်သည်ဟု ဆိုလိုသည်။ ယင်းဆိုလိုမှုမှာ အမျိုးသမီးတို့တွင် ရှိသော ကြိုးစားအားထုတ်မှုကို နည်းသည်ဟု မဆိုလို လောကမှ ထွက်မြောက်ရာ ဖြစ်သော နိဗ္ဗာန်သို့ ရောက်ရန် ကျင့်ကြံရန် လိုအပ်သော အရည်အချင်းတို့မှာ ကိုယ်စီ ရှိကြ ပါသည်။ ယခု ဘဒ္ဒကမ္ဘာတွင်ပင်တောင် ဘုရား နောက်တစ်ဆူသာ ပွင့်တော့မှာ ဖြစ်ပြီး ယင်းဘုရားမှ သာမန်လူများထက် ပို၍ ကြိုးစားအားထုတ်မှု၊ ပါရမီ ရင့်သန့်သော ရှားပါး လူသားသာ ဖြစ်သည်။

အောင်ခမ်း (ရိုးရာလေး)

အပြည့်အစုံသို့ »

ဖေ့စ်ဘွတ်ခ်ပေါ်မှ ပုဂ္ဂိုလ်ရေးလုပ်ကြံမှုများ လျော့နည်းရန်မှာ သုံးစွဲသူများ တွေးတောဆင်ခြင်နိုင်စွမ်းမြင့်မားပြီး အယုံမလွယ်ကြရန်လိုသည် (ဓာတ်ပုံ − နစ်ကီ)

အမျိုးသားပညာရေးဥပဒေကို ဆန့်ကျင်၍ မန္တလေးမှ ရန်ကုန်သို့ ခြေလျင်သပိတ်ဆင်နွှဲနေသော ကျောင်းသားသပိတ်အရှိန်မြှင့်လာချိန်တွင် လူမှုကွန်ရက်၌ သပိတ်မှောက်ကျောင်းသားများနှင့် ပတ်သက်သည့် သတင်းများ ချက်ချင်းထွက်ပေါ်လာသည်။

အလှူငွေများ ပျောက်ဆုံးခြင်း၊ ကျောင်းသားများ အရက်သေစာသောက်စားခြင်းနှင့် အချင်းချင်းရန်ဖြစ်ပြီး ခြေလျင်သပိတ်အစား ညပိုင်းတွင် ကားခိုးစီးသွားရန် ကျောင်းသားအချို့ ကြံစည်နေခြင်း စသည့် ပုံဖျက်သည့် သတင်းများနှင့် ပတ်သက်၍ ကျောင်းသားသပိတ်ခေါင်းဆောင်များ၏အမည်များ၊ သပိတ်စစ်ကြောင်းဓာတ်ပုံများကိုသုံးစွဲ၍ လုပ်ကြံသတင်းဖြန့်ဝေမှုများ ပြုလုပ်လာခြင်းဖြစ်သည်။

ဒီမိုကရေစီပညာရေးလှုပ်ရှားမှု ဦးဆောင်ကော်မတီက ယင်းလုပ်ကြံသတင်းများကို အချိန်မီကြေညာချက်များ ထုတ်ပြန်ခဲ့သဖြင့် သပိတ်ကို သေးသိမ်အောင်လုပ်သူတို့၏ အကြံမှေးမှိန်သွားခဲ့ရသည်။

မြန်မာနိုင်ငံ၌ တွင်ကျယ်စွာသုံးစွဲနေသော လူမှုကွန်ရက်စာမျက်နှာတွင် ကလစ်တစ်ချက်နှိပ်ရုံဖြင့် လူပုဂ္ဂိုလ်တစ်ဦး၊ အဖွဲ့အစည်းတစ်ခု၊ လှုပ်ရှားမှုတစ်ခုတို့ကို ဝေဖန်တိုက်ခိုက်အပုပ်ချလိုသူတို့က အကောင်းဆုံးဝါဒဖြန့်နိုင်သည့် ကြားခံနယ်မြေတစ်ခုအဖြစ် သုံးစွဲနေသည်။ တာဝန်ယူမှု၊ တာဝန်ခံမှုမရှိသော အကောင့်တု၊ အကောင့်ပုန်းများဖြင့် ဆိုက်ဘာစစ်ပွဲဆင်နွှဲနေသည့် အကောင့်များစွာရှိကြောင်း ပြည်တွင်းအမုန်းစကား စောင့်ကြည့်ရေးအဖွဲ့များက ဖေ့စ်ဘွတ်ခ်နှင့် ဂူးဂဲလ်ကုမ္ပဏီများထံ တင်ပြခဲ့သော်လည်း ယနေ့အထိ အကြောင်းမထူးသေးပေ။

ကျောင်းသားသပိတ်လှုပ်ရှားမှုကို သေးသိမ်အောင် အွန်လိုင်းတွင်ရော အပြင်မှာပါ မရိုးသားသူတို့၏ လုပ်ကြံမှုကြောင့် ယခင်က ကျောင်းသားသပိတ်ကိုပင် စိတ်မ၀င်စား၊ အမျိုးသားပညာရေးဥပဒေကိုပင် မသိနားမလည်သည့် စာသင်ခန်းထဲက ကျောင်းသားများပင်လျှင် ကျောင်းသားသပိတ်နှင့် တစ်သွေးတည်းတစ်သားတည်း ဖြစ်တည်လာကြောင်း ရန်ကုန်တက္ကသိုလ်ကျောင်းသားသမဂ္ဂ ယာယီအလုပ်အမှုဆောင်အဖွဲ့ဥက္ကဋ္ဌ မအိဆွေမြတ်ကပြောကြားသည်။

‘‘ပြည်သူ့အာဏာ’’လို ဖေ့စ်ဘွတ်ခ်စာမျက်နှာတွေကနေ မဟုတ်ကဟုတ်ကတွေ ရေးနေတာတွေတွေ့တယ်။ ကျွန်မတို့ကျောင်းသားတွေက ကျောင်းခန်းထဲမှာ အေးအေးဆေးဆေး စာပဲသင်ချင်နေကြတာ။ လမ်းပေါ် ဘယ်သူကမှ မထွက်ချင်ဘူး။ ဒါပေမဲ့ မထွက်မဖြစ်လို့ ထွက်ရတာ။ ကျောင်းသားတွေဒုက္ခခံပြီးသွားရတဲ့ လမ်းကြောင်းမှာ ဒီဘာမဟုတ်တဲ့ ပိုက်ဆံကိစ္စကြောင့် အချင်းချင်းရန်ဖြစ်တယ်ဆိုတာ ရယ်စရာကြီး။ တစ်နည်းအားဖြင့် ကျွန်မတို့မလုပ်ဘူးဆိုတာ ပြည်သူကို သူတို့မီးမောင်းထိုးပြလိုက်တာပဲ။ အရင်က ဒီသပိတ်ကို လူတွေစိတ်မ၀င်စားဘူး။ အမျိုးသားပညာရေးဥပဒေဆိုတာကိုလည်း လူတွေမသိဘူး။ အခုသူတို့ လုပ်ပေးနေတဲ့အတွက် ဒီသပိတ်ကို လူတွေက စိတ်ဝင်စားလာတယ်။ ဒါအရှုံးထဲက အမြတ်ပဲ’’ဟု မအိဆွေမြတ်က တက်ကြွစွာဖြင့်ပြောကြားသည်။

ပြည်သူ့အာဏာနှင့် မြန်မာအွန်လိုင်းနယူးစ် (Myanmar Online News) စသည့်နာမည်များဖြင့် စာမျက်နှာများတွင် သတင်းထောက်များ၊ တက်ကြွလှုပ်ရှားသူများအား ဝေဖန်တိုက်ခိုက်ခြင်းတို့နှင့် လူမျိုးရေး၊ ဘာသာရေးပဋိပက္ခများကို ဦးတည်သည့် လှုံ့ဆော်မှုများ မကြာခဏ တွေ့မြင်နေရသည်။ သို့သော် ယင်းအကောင့်များကို အာဏာပိုင်များက ထိထိရောက်ရောက် တားမြစ်ပိတ်ပင်နိုင်ခြင်းမရှိခဲ့။

‘‘ဖေ့စ်ဘွတ်ခ်က အခုနောက်ပိုင်း လူတိုင်းလိုလိုသုံးကြတဲ့အခါ လူတွေရဲ့ စိတ်ဝင်စားမှုကို တိုက်ရိုက်အထိရောက်ဆုံး မီဒီယာတစ်ခု ဖြစ်နေတယ်။ ဒီတော့ ဘာလေးပဲဖြစ်ဖြစ်၊ ဘာကိုပဲလူသိစေချင်ချင်၊ အသရေဖျက်ချင်လို့ပဲဖြစ်ဖြစ်၊ ကိုယ့်နာမည်တက်စေချင်လို့ပဲဖြစ်ဖြစ် ဖေ့စ်ဘွတ်ခ်က အဓိကမီဒီယာဖြစ်နေတယ်။ အဓိကကတော့ လူတွေရဲ့ ဆင်ခြင်နိုင်စွမ်းပဲ။ ပြီးတော့ ကိုယ့်အကောင့်ထဲမှာ ကိုယ်မသိတဲ့လူတွေကို အများကြီးမထားသင့်ဘူး’’ဟု ရန်ကုန်တက္ကသိုလ်တွင် နိုင်ငံရေးသိပ္ပံသင်တန်းတက်ရောက်နေသော အသက်(၂၂)နှစ်အရွယ် မအိရွှေစင်ကပြောသည်။

ထို့အပြင် ဖေ့စ်ဘွတ်ခ်သတင်းဌာနများက သတင်းများကို တာဝန်ယူမှုအပြည့်ဖြင့် ဖော်ပြနေသော်လည်း သတင်းဌာနပေါင်းစုံက သတင်းထူး၊ သတင်းဦးများကို ပြန်လည်စုစည်းဖော်ပြသည့် ဖေ့စ်ဘွတ်ခ်အကောင့်များနှင့် သတင်းဌာနဆန်ဆန် စာမျက်နှာများကြောင့် သတင်းများအပေါ် ပြည်သူက အမှန်အမှားခွဲခြားရန်မှာ ခက်ခဲသွားကြောင်း သတင်းစာဆရာ စည်သူအောင်မြင့်က သုံးသပ်သည်။

‘‘သာမန်ပြည်သူတွေမပြောနဲ့။ ကျွန်တော်ကိုယ်တိုင်တောင် အမတ်ဦးလှဆွေအကောင့်အတုကို အစစ်ထင်ပြီး သတင်းရင်းမြစ်လွဲမှားပြီး သုံးလိုက်မိတယ်။ အခုခေတ်က နည်းပညာက သာမန်ပြည်သူတွေလက်ထဲရောက်လာပြီဆိုတော့ သတင်းအမှားတွေနဲ့ ပြည်သူကိုဒုက္ခပေးတာ။ ပုဂ္ဂိုလ်ရေးတိုက်ခိုက်မှုတွေကို ကျယ်ကျယ်ပြန့်ပြန့်လုပ်တဲ့ ပြဿနာကို လွတ်လပ်စွာထုတ်ဖော်ပြောဆိုခွင့်ကို မထိခိုက်စေဘဲ ခိုင်ခိုင်မာမာဖြေရှင်းပေးမယ့် အဖွဲ့အစည်းတစ်ခုတော့ လိုလာပြီ။ နိုင်ငံခြားမှာတော့ ကျွမ်းကျင်သူတွေရှိတယ်။ ဒီမှာက ဘယ်သူကမှ တာဝန်မယူတော့ လူထုက အကူအညီမဲ့နေတာပေါ့။ ဒုစရိုက်သမားတွေအတွက်က အကွက်အကွင်းဖြစ်နေတယ်’’ဟု ၎င်းကပြောသည်။

မကြာသေးမီက ရွေးကောက်ခံရသော စည်ပင်ကော်မတီဝင်ဆရာဝန်တစ်ဦးက မော်ဒယ်ပြိုင်ပွဲဆုရ သမီးငယ်ကို ဂုဏ်ပြုအနမ်းဖြင့် ပွေ့ဖက်သည့်ပုံများမှာ လူမှုကွန်ရက်စာမျက်နှာတွင် အဓိပ္ပာယ်တစ်မျိုးဖြင့် ပျံ့နှံ့ခဲ့သည်။ သားအဖမှန်းမသိသည့် ဓာတ်ပုံတရာတစ်ဦးက မော်ဒယ်ကို ပွေ့ဖက်နမ်းရှုပ်နေသည့် ဆရာဝန်၏ဓာတ်ပုံနှင့်တွဲ၍ ဖေ့စ်ဘွတ်ခ်စာမျက်နှာတွင် မှတ်ချက်ပြုရေးသားခဲ့ရာ ဆရာဝန်သားအဖတို့မှာ ပုဂ္ဂိုလ်ရေးထိခိုက်စေသည့် မှတ်ချက်များကို တစ်ဖက်သတ် ဝေဖန်ရေးသားခြင်းခံခဲရသည်။

မှားယွင်းသွားမှန်းသိသည့် ဓာတ်ပုံဆရာက အဆိုပါပို့စ်ကို ချက်ချင်းဖြုတ်ချပြီးနောက် ဖြေရှင်းချက်နှင့် တောင်းပန်စကားကို ပြန်လည်ရေးသားခဲ့သည်။ သို့သော် မူရင်းပို့စ်ကို ပြန်လည်မျှဝေ၍ ရေးသားမှတ်ချက်ပြုမှုများက လူမှုကွန်ရက်တွင် ၂၄ နာရီကျော်သည်အထိ ပျံ့နှံ့၍ကောင်းဆဲ။

ခက်သည်က ပရိုဖိုင်းပုံအမှန်လည်းမတင်၊ နာမည်အမှန်လည်းမရှိသည့် အကောင့်တု၊ အကောင့်ပုန်းဖြင့် ကျောင်းသားသပိတ်ကဲ့သို့ လှုပ်ရှားမှုများ၊ ကိုယ်မကျေနပ်သူတစ်ဦး (သို့မဟုတ်) အမျိုးသမီးငယ်များအား ပစ်မှတ်ထား အသရေဖျက်သည့် ရေးသားပြောဆိုဝေဖန်မှုများမှာ မြန်မာလူမှုကွန်ရက်စာမျက်နှာတို့တွင် တစ်စတစ်စများလာနေသည်။

အွန်လိုင်းအပုပ်ချမှုများကြားက နောက်ထပ်ဖြေရှင်းရခက်သည့် ပြဿနာမှာ အကောင့်များခိုးယူခံရခြင်းကြောင့် မြင်မကောင်းသည့် ပို့စ်များတင်ခြင်းကြောင့် မူရင်းအကောင့်ပိုင်ရှင်များ ဖြေရှင်းရခြင်းဖြစ်သည်။ ထို့ပြင် ကာယကံရှင်ကိုယ်တိုင်က ငယ်ရွယ်လွန်း၍ လုပ်သင့်မလုပ်သင့် မဝေခွဲနိုင်ဘဲ ပို့စ်တစ်ခု၊ ဓာတ်ပုံတစ်ပုံတို့ကို ဝေမျှခဲ့သည့် ပြဿနာများက ဖေ့စ်ဘွတ်ခ်ကုမ္ပဏီအပြင် အုပ်ထိန်းသူမိဘများပါ သတိထားရမည့် ပြဿနာတစ်ခုဖြစ်လာနေသည်။ မကြာသေးမီက ဦးလေးဖြစ်သူ၏ မြန်မာနိုင်ငံရဲတပ်ဖွဲ့အင်္ကျီကို ယူဝတ်၍ ဖေ့စ်ဘွတ်ခ်တင်မိသည့် ဆယ်ကျော်သက်အရွယ် မိန်းကလေးတစ်ဦးမှာ အွန်လိုင်းသုံးစွဲသူများ၏ ပျစ်ပျစ်နှစ်နှစ် ဝေဖန်တိုက်ခိုက်မှုကို ခံလိုက်ရသည်။

ထို့ပြင် အကြောင်းအမျိုးမျိုးဖြင့် အမြင်ကတ်ခံနေရသော မိန်းကလေးများ၏ ဓာတ်ပုံနှင့် ဖုန်းနံပါတ်များကို လိင်ပိုင်းဆိုင်ရာဖျော်ဖြေရေးပြုလုပ်သည့် ဖေ့စ်ဘွတ်နှင့် ၀က်ဘ်ဆိုက်စာမျက်နှာများတွင် ကူးယူဖော်ပြခြင်းကို ခံနေရသည်။ အထူးသဖြင့် ဖုန်းနံပါတ်များကို အလွယ်တကူတင်ထားခြင်းဖြင့် Viber မှတစ်ဆင့် မကြားဝံ့မနာသာ လိင်ပိုင်းဆိုင်ရာ ထိခိုက်စော်ကားမှုများကို အမျိုးသမီးငယ်များ ပြုလုပ်ခံနေရသည်။

‘‘ဘယ်ဟာက အမှန်လဲ အမှားလဲဆိုတာတော့ မသိဘူး။ ဒါပေမဲ့ ဖေ့စ်ဘွတ်ခ်မှာ ဒီလိုမထော်မနန်းအလုပ်ခံရတဲ့ သတင်းတွေကြားတော့ ကိုယ့်သမီးကို အရမ်းစိုးရိမ်တယ်။ ပုံတွေကို သူများကကူးပြီး မဟုတ်မဟတ်လုပ်လိုက်မှဖြင့် တစ်သက်လုံး အရိပ်တကြည့်ကြည့် စောင့်ရှောက်လာခဲ့တဲ့ ကိုယ့်သမီးလေး နာမည်ပျက်အရှက်ရမှာ စိုးရိမ်တယ်။ ကျွန်မကတော့ သမီးကို ဖေ့စ်ဘွတ်ခ်မှာ ပုံတွေသိပ်မတင်ဖို့ ပြောထားတယ်’’ဟု သာကေတမြို့နယ်မှ အသက် (၅၃) နှစ်အရွယ် ဒေါ်သင့်သင့်တင်က ပြောသည်။

မြန်မာ့ဆက်သွယ်ရေး၏ သတင်းထုတ်ပြန်ချက်အရ ၂၀၁၄ ခုနှစ်တွင် မြန်မာနိုင်ငံတွင်း အင်တာနက်အသုံးပြုသူ ခုနစ်သန်းနှင့် ဖေ့စ်ဘွတ်ခ်သုံးစွဲသူ သုံးသန်းကျော်ရှိနေပြီဖြစ်သည်။ ထိုစာရင်းများအရ ဖေ့စ်ဘွတ်ခ်ပေါ်တွင် ပုဂ္ဂိုလ်ရေးပုံဖျက်တိုက်ခိုက်ခံရသည့် ပို့စ်တစ်ခုအတွက် အချိန်ငါးမိနစ်ပြည့်အောင်ပင် စောင့်ဆိုင်းစရာမလိုပါ။

၂၀၁၅ အထွေထွေရွေးကောက်ပွဲကျင်းပရန် နီးကပ်လာချိန်တွင် တက်ကြွလှုပ်ရှားသူများနှင့် နိုင်ငံရေးအစုအဖွဲ့သဏ္ဌာန် လှုပ်ရှားမှုများအပေါ် ပစ်မှတ်ထားသည့် ဆိုက်ဘာစစ်ပွဲဆင်နွှဲတိုက်ခိုက်မှုများက ပိုမိုမြင့်တက်လာနိုင်ခြေရှိနေပြီဖြစ်သည်။ မျိုးစောင့်ဥပဒေများကို လူ့အခွင့်အရေးရှုထောင့်က ဝေဖန်ထောက်ပြကြသော တက်ကြွလှုပ်ရှားသူများဆိုလျှင် ဖုန်းများဖြင့် ခြိမ်းခြောက်မက်ဆေ့ခ်ျပို့ခြင်းအပြင် အွန်လိုင်းတွင် ဓာတ်ပုံနှင့်တကွ အပုပ်ချတိုက်ခိုက်မှုများကို ခံနေရသည်။

အကျိုးဆက်ကတော့ လူ့အခွင့်အရေးဆိုသည်မှာ မြန်မာနိုင်ငံသားများအတွက် ကောင်းကျိုးမရှိဟု ထင်မြင်ယူဆအောင် လှုံ့ဆော်မှုများ ပလူပျံလာခဲ့ကြောင်း တန်းတူညီမျှမှုကွန်ရက်ဒါရိ်ုက်တာ ဦးအောင်မျိုးမင်းက ပြောကြားသည်။‘‘ကျွန်တော်တို့က အမျိုးဘာသာသာသနာကို မစောင့်ရှောက်တဲ့သူဆိုပြီး နာမည်တွေတပ်ပြီး ဓာတ်ပုံတွေနဲ့ မဟုတ်တမ်းတရားတွေ လျှောက်ရေးတယ်။ ဒါဟာ ပုဂ္ဂိုလ်ရေးကိုလည်း ထိခိုက်တယ်။ ဖုန်းနဲ့ ခြိမ်းခြောက်တာတွေကို ကျွန်တော်တို့ စနစ်တကျမှတ်တမ်းယူထားနိုင်ပေမယ့် အွန်လိုင်းက နာမည်မှန်လည်းမသုံးတဲ့ အကောင့်တွေကိုကျတော့ ဘာမှလုပ်လို့မရဘူးဖြစ်နေတယ်။ Personal Smear Campaing (ပုဂ္ဂိုလ်ရေးအပုပ်ချတိုက်ခိုက်မှု)တွေကတော့ အွန်လိုင်းမှာ အောက်တန်းကျတဲ့နည်းလမ်းတွေနဲ့ လုပ်ခံနေရဆဲပဲ’’ဟု ၎င်းကပြောသည်။

အကောင်းဆုံးမှာ ဖေ့စ်ဘွတ်သုံးသူတစ်ဦးအနေဖြင့် အရာရာကို ချက်ချင်းတုံ့ပြန်ခြင်းထက် အချိန်ခဏပေး၍ အမှားအမှန်ကို သုံးသပ်မှုအရင်ဆုံးလုပ်သင့်ကြောင်း အစိုးရ၀န်ထမ်းတစ်ဦးက သုံးသပ်သည်။

‘‘ဖေ့စ်ဘွတ်ခ်ဆိုတာ အရွယ်မျိုးစုံရဲ့ ခံစားမှုမျှဝေပေးတဲ့နေရာတစ်ခုလို့ ထင်ပါတယ်။ အဲဒီလို မျှဝေစာတွေအပေါ် တချို့ကလည်း ပါဝင်ခံစားပြီး ဒါက တကယ်လား၊ တင်ပြသူရဲ့ စိတ်ကူးလားဆိုတာ မဝေခွဲတော့ဘူး။ ကိုယ့်ဆန္ဒနဲ့တူရင် အမှန်ပေါ့။ မတူရင်တော့ အမှန်းဆိုပြီး တွေ့ရပါတယ်’’ဟု ၎င်းကဆိုသည်။

ထို့အပြင် ၎င်း၏အမည်ကိုတပ်၍ အွန်လိုင်းတွင် မကြာခဏပုဂ္ဂိုလ်ရေးတိုက်ခိုက်မှုများ ပြုလုပ်နေသူများကို လက်ရှိတည်ဆဲဥပဒေဖြစ်သည့် အီလက်ထရွန်းနစ် ဆက်သွယ်ဆောင်ရွက်ရေးဥပဒေဖြင့် အရေးယူ၍ရသည်ကို မေ့မနေသင့်ကြောင်း နိုင်ငံရေးအကျဉ်းသားဟောင်း ဦးဇာဂနာက ၎င်း၏ဖေ့စ်ဘွတ်ခ်စာမျက်နှာတွင် ရေးသားခဲ့သည်။

‘‘အနည်းဆုံးကတော့ ဒီအကောင့်တွေက ဘယ်သူတွေသုံးနေလဲဆိုတာ နည်းပညာကျွမ်းကျင်သူတွေနဲ့ ပြဿနာကို ခြေရာခံရင်သိပ်မခက်ပါဘူး။ ဗြောင်ငြင်းတာ ငြင်းလို့ရတယ်။ ဒါပေမဲ့ ဒီအဆင့်လောက်ကတော့ အစိုးရက စိတ်စေတနာရှိမယ်ဆိုရင် တရားရုံးအဆင့်လောက်နဲ့ ဖြေရှင်းလို့ရတယ်’’ဟု ဦးစည်သူအောင်မြင့်က ပြောသည်။ ယခုအခါ သတင်းထောက်အမျိုးသမီးငယ်အချို့၏ အကောင့်များမှ ဓာတ်ပုံများကိုကူးယူ၍ အဆိုပါအမျိုးသမီးတို့၏ ဓာတ်ပုံတို့ကိုသုံးကာ အကောင့်တုများဖွင့်ထားပြီး လိင်ပိုင်းဆိုင်ရာဓာတ်ပုံများ၊ ၀က်ဘ်ဆိုက်များဖြင့် ပုံဖျက်တိုက်ခိုက်မှုများ ကြုံနေရသည်။

‘‘ကျွန်မဓာတ်ပုံနဲ့ နာမည်ကိုယူပြီး အကောင့်တစ်ခုဖွင့်တာ သွားတွေ့တဲ့အချိန်မှာ သူ ဘာမှမရေးပေမယ့် တော်တော်တော့စိုးရိမ်သွားတယ်။ အတွေးပေါင်းစုံပေါ့။ ဘာရည်ရွယ်ချက်ကြောင့်လုပ်တာလဲ၊ ဘယ်သူများလဲဆိုပြီးပေါ့နော်။ အဲဒီလိုလုပ်တာသိတဲ့နေ့ကစပြီး ဖေ့စ်ဘွတ်ခ်ကိုပဲ တစ်ချိန်လုံးလိုလို ဖွင့်ထားမိပြီး အဲဒီအကောင့်ကို တစ်ချိန်လုံးစောင့်ကြည့်နေခဲ့တယ်။ သူ တစ်ခုခုများလုပ်မလား စိုးတာ။ သူငယ်ချင်းတွေလည်းဝိုင်းပြီး အကောင့်ပျက်အောင်လုပ်ပေးဖို့ အကူအညီတောင်းရတယ်’’ဟု The Trade Times အပတ်စဉ်ထုတ်ဂျာနယ် သတင်းထောက် မဇင်မို့မို့အေးကပြောသည်။

နိုင်ငံရေးလှုပ်ရှားမှုများ အရှိန်မြင့်လာမည့် ၂၀၁၅ ရွေးကောက်ပွဲမတိုင်မီ အွန်လိုင်းမှ ပုဂ္ဂိုလ်ရေးအပုပ်ချတိုက်ခိုက်မှုများမှာ ရေချိန်တဖြည်းဖြည်းမြင့်လာနိုင်ပါသည်။ အထူးသဖြင့် ထိလွယ်ရှလွယ်သော ဘာသာရေးကို နိုင်ငံရေးတွင် အသုံးချနေကြောင်း ဝေဖန်မှုများရှိနေသည့် ရွေးကောက်ပွဲကြိုကာလ စောင့်ကြိုနေသည့် အွန်လိုင်းအပုပ်ချမှုများအပေါ် ပြည်သူများ၏ ချင့်ချိန်ဆင်ခြင်နိုင်စွမ်းကို အဖြေထုတ်ပေးတော့မည်ဖြစ်ပါသည်။

7day daily

အပြည့်အစုံသို့ »

သင်ဟာ သင်ကိုယ်ပိုင်ဖုန်း အသုံးပြုနေလျှက်နဲ့ပဲ ဓားစာခံဖြစ်သွားနိုင်ပါတယ်။ ဆိုက်ဘာတိုက်ခိုက်မှုတွေဟာ သင့်ကို ဥပဒေနဲ့ ညှိစွန်းအောင် လုပ်မှာပါ။ သီချင်းတစ်ပုဒ် အသစ်
ထွက်လို့ link တစ်ခုကို နှိပ်ကြည့်မိတာမျိုးကနေ အစပြုတာပါပဲ။ တစ်ခါက အမေရိကန်၊ Tennessee ပြည်နယ်က အသက်၁၂နှစ် အရွယ်ရှိ မိန်းကလေးတစ်ယောက်ဟာ သီချင်း
link တစ်ခုကို နှိပ်မိရာကနေ သီချင်းပွင့်လာရမယ့်အစား အနှောင့်အယှက် ဆော့ဖ်ဝဲလ်
တစ်ခုပွင့်လာပြီး ကလေးငယ်ညစ်ညမ်း ဗီဒီယိုတွေကို download လုပ်ပါတော့တယ်။

 ဖုန်းဟာလည်း lock ကျသွားပြီး ဒေါ်လာ ၅၀၀ မပေးဘူးဆိုရင် FBI ကို သတင်းပို့တိုင်တန်း
မယ်လို့ အကျပ်ကိုင်ပါတော့တယ်။ ဒါပေမဲ့ သူမကတော့ သက်ဆိုင်ရာကို အကြောင်းကြားခဲ့ပါ
တယ်။

ဒါကို Ransomware (အကျပ်ကိုင်ညွှန်ကြားချက်ပါ ဆော့ဖ်ဝဲလ်) လို့ခေါ်ပါတယ်။ သင်ပိုက်ဆံမပေးရင် သင့်ဒေတာတွေကို ဖျက်တဲ့ မူကွဲတွေလဲရှိပါတယ်။ ဒီ ransomeware တွေဟာ ဒေါ်လာ ၁၀၀ ကနေ ၆၀၀ အတွင်းတောင်းခံပြီး ရက်တစ်ရာအတွင်း ကန်ဒေါ်လာ သန်း ၃၀ နီးပါးရှာနေနိုင်ပါတယ်။ ဖုန်းအသုံးပြုသူ သန်း ၆၀မှာ ၄သန်းလောက်က ဒီအကျပ်ကိုင်မှုမျိုးကို ခံရတယ်လို့ သိရပါတယ်။ ဒါကြောင့် App ဒေါင်းမယ်ဆိုရင် Google Play Store နဲ့ Apple App Store ကလွဲရင် ဘယ်ဟာမှ စိတ်မချရပါဘူး။

Credit : Trend Myanmar

အပြည့်အစုံသို့ »