Showing posts sorted by date for query 7Day Daily. Sort by relevance Show all posts
Showing posts sorted by date for query 7Day Daily. Sort by relevance Show all posts

ဝန်ထမ်းများ လစာငွေအရစ်ကျစုဆောင်း၍ အိမ်ရာဝယ်ယူနိုင်မည့်အစီအစဉ် စတင်မည်




ဝန်ထမ်းများရရှိသည့် လစာဝင်ငွေကို အရစ်ကျစနစ်ဖြင့် စုဆောင်းပြီးအိမ်ဝယ်ယူနိုင်သည့် စနစ် မကြာမီစတင်နိုင်တော့မည် ဖြစ်ကြောင်း မြို့ရွာနှင့် အိုးအိမ်ဖွံ့ ဖြိုးမှုဦးစီးဌာန ညွှန်ကြားရေးမှူး ဒေါ်မီမီတင်က ပြောသည်။

ယင်းစနစ်တွင် အစိုးရနှင့် ပုဂ္ဂလိက၀န်ထမ်းများ အကျုံးဝင် မည်ဖြစ်ပြီး နိုင်ငံတကာ၌ ၀န်ထမ်းများလစာကို လစဉ်စုဆောင်းကာ အိမ်ရာဝယ်နိုင်မည့် စနစ်များရှိပြီး မြန်မာနိုင်ငံတွင်လည်း အကောင်အထည်ဖော်ရန် ဆောင်ရွက်နေကြောင်း အဆိုပါညွှန်ကြားရေးမှူးက ဆိုသည်။

‘‘ဒီစနစ်ပေါ်လာရင် အစိုးရ က လက်ရှိဆောက်လုပ်နေတဲ့ အိမ်ရာစီမံကိန်းတွေကို လက်လှမ်းမီသွားလိမ့်မယ်’’ဟု ၎င်းက ဆိုသည်။

အဆိုပါစနစ် အကောင်အထည်ဖော်ရန် လက်ရှိ ဆောက်လုပ်ရေးနှင့် အိမ်ရာဖွံ့ဖြိုးရေး ဘဏ်က နိုင်ငံခြားဘဏ်များနှင့် ချိတ်ပြီး ချေးငွေများရရှိရန် စီစဉ် ထားကြောင်း သိရသည်။ ထို့ ကြောင့် အဆိုပါချေးငွေများ ရရှိ နိုင်ပါက ယင်းစနစ်ကို စတင်နိုင် မည်ဖြစ်ကြောင်း သိရသည်။

‘‘စင်ကာပူတို့ ကိုရီးယားတို့ မှာ အဲဒီစနစ်က အရမ်းအောင် မြင်ခဲ့တယ်။ ဒါပေမဲ့ လူတွေလက် ထဲမှာ အရစ်ကျတွေဝယ်တာများ ကုန်တော့ လကုန်ရင်သုံးစရာမရှိ တာက များတယ်’’ဟု Moving Myanmar စီးပွားရေးပညာရှင် ဦးလှဖေကသုံးသပ်သည်။

ယခုစနစ်သည် ပြည်သူများ အတွက် မရင်းနှီးသောကြောင့် အကောင်အထည်ဖော်ရာတွင် အ ခက်အခဲရှိနိုင်ပြီး အစိုးရ၀န်ထမ်း များ၏ လစာသည်စားဝတ်နေရေး အတွက် လုံလောက်မှုမရှိ၍ စု ဆောင်းရန်ဆိုသည်မှာ မဖြစ်နိုင် ကြောင်း အစိုးရ၀န်ထမ်းတစ်ဦးက ၎င်း၏အမြင်ကိုပြောသည်။

လက်ရှိတွင် မြို့ရွာနှင့်အိုး အိမ်ဖွံ့ဖြိုးမှုဦးစီးဌာနက အစိုးရ ၀န်ထမ်းနှင့် ၀င်ငွေနည်းလူတန်း စားများအတွက် ရည်ရွယ်ကာ တစ်နိုင်ငံလုံးတွင် အိမ်ရာစီမံကိန်းများ ဆောင်ရွက်နေပြီး ၂၀၁၅-၁၆ ဘဏ္ဍာနှစ်တွင် အခန်းရေ လေး သောင်းကျော် ထွက်ပေါ်လာနိုင် ကြောင်း ဌာနက ခန့်မှန်းထား သည်။

နိုင်ငံတော်သမ္မတကလည်း ၂၀၁၄ ဒီဇင်ဘာ ၂၇ရက် ရခိုင်ခရီးစဉ်တွင် ၀န်ထမ်းများအတွက် တစ်ဦးချင်းဝင်ငွေ စုဆောင်းသည့် စနစ်ကို အကောင်အထည်ဖော် ဆောင်ပြီး ကိုယ်ပိုင်အိမ်ရာဖြင့် နေထိုင်နိုင်ရန် အိမ်ရာများ အ ကောင်အထည် ဖော်ပေးမည်ဟု ပြောကြားခဲ့သည်။ ၀န်ထမ်းများ အခမဲ့ဆေးကုသရေး၊ ကျန်းမာရေးနှင့် ပတ်သက်သည့် အရေးပေါ်ကိစ္စများတွင် အထောက်အပံ့ရရန် ဆောင်ရွက်ပေးမည်ဟု ၎င်းက ဆက်လက်ပြောသည်။

7daydaily


အပြည့်အစုံသို့ »

ကျောင်းသားများ၏ တောင်းဆိုချက်အားလုံး မူအားဖြင့်သဘောတူညီမှုရ



တောင်းဆိုချက်များ သဘောတူညီချက်ရသော်လည်း သပိတ်စစ်ကြောင်းများ ဆက်လက်ချီတက်မည်ဟု ကျောင်းသားခေါင်းဆောင်အချို့ဆို


လေးပွင့်ဆိုင်ဆွေးနွေးပွဲအပြီး သတင်းထောက်များနှင့် တွေ့ဆုံဖြေကြားနေစဉ် (ဓာတ်ပုံ − နေလင်းထွန်း)
အမျိုးသားပညာရေးဥပ ဒေပြင်ဆင်ရေးလေးပွင့်ဆိုင်ဆွေး နွေးပွဲတွင် သပိတ်မှောက်ကျောင်း သားများတောင်းဆိုသောအချက် (၁၁)ချက်ကို မူအားဖြင့် ညှိနှိုင်းသ ဘောတူညီမှုရရှိခဲ့သည်။

အစိုးရ၊ လွှတ်တော်၊ သပိတ် မှောက် ကျောင်းသားခေါင်း ဆောင်များနှင့် ပညာရေးစနစ်ပြု ပြင်ပြောင်းလဲရေးနိုင်ငံလုံးဆိုင်ရာ ကွန်ရက်(NNER)တို့သည် ရန်ကုန် တိုင်းဒေသကြီး လွှတ်တော်တွင် နံနက် ၉ နာရီခွဲမှ ည ၇ နာရီအထိ ဆွေးနွေးခဲ့ကြပြီး ကျောင်းသားများ၏ တောင်းဆိုချက်များအား ဆွေးနွေးညှိနှိုင်းသဘောတူညီခဲ့ကာ ဖေဖော်ဝါရီ ၁၆ ရက်တွင်လွှတ်တော်သို့ ဥပဒေကြမ်း တင်သွင်းသွားမည်ဖြစ်ကြောင်းသတင်းရရှိသည်။

ပညာရေးလေးပွင့်ဆိုင်ဆွေး နွေးပွဲတွင် တောင်းဆိုချက်များ အားလုံးကို ညှိနှိုင်းသဘောတူညီ ခဲ့ကြသော်လည်း ဒီမိုကရေစီပညာ ရေးလှုပ်ရှားမှုဦးဆောင်ကော်မတီ မှ ကျောင်းသားသပိတ်ခေါင်း ဆောင်များက လမ်းလျှောက်ချီ တက် ဆန္ဒပြမှု ရပ်ဆိုင်းရေးနှင့် ပတ်သက်၍ ဆွေးနွေးပွဲရလဒ် အား သပိတ်မှောက်စစ်ကြောင်း များနှင့် ဆွေးနွေးသွားမည်ဖြစ် ကြောင်းဆိုသည်။

လက်ရှိအခြေအနေအရ သ ပိတ်စစ်ကြောင်းများသည် ရန်ကုန် မြို့သို့ ၀င်ရောက်မည်မဟုတ် သော်လည်း ဖေဖော်ဝါရီ ၁၄ရက် အထိ ဆက်လက်ချီတက်နေမည် ဖြစ်ပြီး အမျိုးသားပညာရေးဥပဒေ ပြင်ဆင်ပြဋ္ဌာန်းပြီးမှသာ သပိတ် လှန်သွားမည်ဖြစ်ကြောင်း ဒီမိုက ရေစီပညာရေးလှုပ်ရှားမှု ဦး ဆောင်ကော်မတီကဆိုသည်။

‘‘ဒီနေ့ရထားတဲ့ ရလဒ်တွေ၊သဘောတူညီချက်တွေကို သပိတ်စစ်ကြောင်းတွေဆီ ပြန်သွားပြီး တင်ပြမှာဖြစ်ပါတယ်။အဲဒီမှာ ကျောင်းသားတွေနဲ့ ထပ်မံဆွေးနွေးပြီးတော့ ၁၄ ရက်နေ့ ဒီမှာ ပြန်တွေ့တဲ့အခါ ရလာတဲ့ ရလဒ်တွေကို ထပ်ပြီး ဆွေးနွေးမှာဖြစ်ပါတယ်’’ဟု ဒီမိုကရေစီပညာရေးလှုပ်ရှားမှု ဦးဆောင်ကော်မတီမှ ကိုဇေယျာလွင်က ပြောသည်။

အဆိုပါဆွေးနွေးပွဲတွင် မူအရသဘောတူညီခဲ့သောအချက်များအားလုံးကို လေးပွင့်ဆိုင်အဖွဲ့က လုပ်ငန်းအဖွဲ့ များဖွဲ့၍ ဖေဖော်ဝါရီလ ၁၄ ရက်တွင် ဥပဒေပြင်ဆင်ရေး အသေး စိတ်ဆက်လက်ဆွေးနွေးရန် သဘောတူညီခဲ့ကြခြင်းဖြစ်သည်။အမျိုးသားပညာရေးဥပဒေကို ပြင်ဆင်သည့် ဥပဒေကြမ်းကို ဖေဖော်ဝါရီလ ၁၆ ရက်တွင် လွှတ်တော်သို့ တင်သွင်းသွားမည်ဖြစ်ပြီး ကျောင်းသားများ ၏တောင်းဆိုချက်များ အမြန်ဆုံးဖြစ်လာမည်ဟု မျှော်လင့်ကြောင်း လွှတ်တော်ဘက်မှ ဦးဆောင်တက်ရောက်သူဦးသိန်းဆွေကပြောသည်။

‘‘လွှတ်တော်ရဲ့ လုပ်ငန်းစဉ်ကတော့ ဒီဥပဒေကို အမျိုးသားလွှတ်တော်ဖြစ်စေ၊ပြည်သူ့လွှတ်တော်ဖြစ်စေ တင်ရမယ်။အဲ့ဒီမှာ ဆွေးနွေးပြီးရင် အမျိုးသားလွှတ် တော်ကိုပြန်တင်၊ ပြီးရင် ပြည်သူ့လွှတ်တော်ကိုတင်ပြီးတော့မှ အားလုံးတူညီတဲ့အချက်ကို ပြည်ထောင်စုလွှတ်တော်က သဘောတူညီတယ်လို့ သဘောထားရပါတယ်။မတူညီတဲ့ အချက်တွေကို ဆွေးနွေးညှိနှိုင်းလိုက်မယ်ဆိုရင် ဥပဒေတစ်ခုဖြစ်သွားမှာပါ။ဒီအချက်တွေက အများကြီးမရှိတဲ့အတွက် အမြန်ဆုံးဖြစ်သွားမယ်လို့ ထင်ပါတယ်။၁၄ ရက်နေ့မှာ ဆွေးနွေးမယ်။၁၅ ရက်နေ့ ရုံးပိတ်ရက်ဖြစ်တဲ့အတွက် ၁၆ ရက်နေ့ကို လွှတ်တော်အရောက် ဦးတို့က ယူသွားပါမယ်’’ဟု လွှတ်တော်ကိုယ်စားလှယ်ဦးသိန်းဆွေက ဆိုသည်။ တတိယ အကြိမ်မြောက်လေးပွင့်ဆိုင်ဆွေးနွေးပွဲသဘောတူညီမှုအရ အမျိုးသားပညာရေးဥပဒေကို ပြင်ဆင်သည့် ဥပဒေကြမ်းကို လာမည့် လေးရက်အတွင်း မူအရသဘောတူညီချက်များ ထည့်သွင်း၍ လွှတ်တော်သို့ တင်သွင်းရမည်ဖြစ်သည်။

ရန်ကုန်တက္ကသိုလ်၊ စိန်ရတု ခန်းမတွင် ပြုလုပ်သော ဆွေးနွေးပွဲထက် ရန်ကုန်တိုင်းဒေသကြီးလွှတ်တော်တွင် ပြုလုပ်သော ဆွေးနွေးပွဲရလဒ်က ပိုမိုကောင်းမွန်ခဲ့ပြီး သဘောတူညီချက်များ ထွက်ရှိလာခဲ့သော်လည်း သပိတ်စစ်ကြောင်းများ ရပ်ဆိုင်းရေး အစိုးရတောင်းဆိုချက်မှာ ဝေးကွာနေဆဲဖြစ်သည်။

‘‘သဘောတူညီချက် ရရှိပြီးတဲ့နောက် ကျောင်းသားများရဲ့ တောင်းဆိုချက်များ ပြည့်ဝလာမှာ ဖြစ်သလို သပိတ်မှောက်ဆန္ဒပြမှုများလည်း ရုပ်သိမ်းကြတော့မှာ ဖြစ်ပါတယ်။ ပူးတွဲကြေညာချက်ကို အားလုံးသဘောတူညီပြီးရင် တရားဝင် ထုတ်ပြန်မှာဖြစ်ကြောင်းသိရှိရပါတယ်။နိုင်ငံရေးအကျပ်အတည်း အဆင့်အထိ မရောက်ရှိအောင် ဆွေး နွေးညှိနှိုင်းခဲ့ကြတဲ့ လေးပွင့်ဆိုင်မှာ ပါဝင်ခဲ့ကြသူများ၊ ပံ့ပိုးကူညီခဲ့ကြသူများ အားလုံးကို ကျေးဇူးတင်ရမှာ ဖြစ်ပါတယ်။ The Culture of Comp-romise ဒိုင်ယာလော့ခ်ယဉ်ကျေးမှုနဲ့ စာမျက်နှာသစ်တွေ ဆက်လက်ဖွင့်လှစ်သွားကြဖို့ပဲ ရှိပါတော့တယ်’’ဟု နိုင်ငံတော်သမ္မတရုံးမှ အကြီးတန်းအရာရှိတစ်ဦးက၎င်း၏ ဖေ့စ်ဘွတ်ခ်တွင် ရေးသား ထားသည်။

ဖေဖော်ဝါရီလ ၁၁ ရက်တွင် ပြုလုပ်ခဲ့သော အထက်ပါပညာရေးလေးပွင့်ဆိုင်ဆွေးနွေးပွဲကို အစိုးရဘက်က သမ္မတရုံးဝန်ကြီးဦးအောင်မင်းအစား သမ္မတရုံးဝန်ကြီးဦးလှထွန်းနှင့် ပညာရေးဝန်ကြီးဒေါက်တာဒေါ်ခင်စန်းရီတို့ ဦးဆောင်တက်ရောက်ခဲ့ပြီး လွှတ်တော်၊NNER နှင့် ဒီမိုကရေစီပညာရေးလှုပ်ရှားမှု ဦးဆောင်ကော်မတီက ယခင်ဦးဆောင်သူများ ဆက်လက်တက်ရောက်ခဲ့သည်။

နောက်ဆုံးရရှိသောသတင်း များအရ သဘောတူညီချက်ရ  သော်လည်း သပိတ်စစ်ကြောင်း များရပ်မည်မဟုတ်ဘဲ ဆက်လက် လမ်းလျှောက်သပိတ်မှောက်မည် ဟု သပိတ်မှောက်ကျောင်းသား ခေါင်းဆောင်တစ်ဦးကဆိုသည်။

‘‘သဘောတူညီမှုရပေမယ့် အစိုးရရဲ့ သဘာတူညီချက်ကို ယုံကြည်မှုမရှိဘူး။ ကျွန်တော်တို့က သဘောထားကြီးစွာနဲ့ စောင့် ကြည့်နေပါတယ်။ အရင်တစ်ခါ ဆွေးနွေးပွဲစတင်တဲ့နေ့မှာ လမ်း မလျှောက်ပါဘူးလို့ ကတိပေး ထားတာကို သူတို့က ကျွန်တော် တို့တည်းတဲ့ဘုန်းကြီးကျောင်းကို ဖိအားပေးတယ်။ သေချာခိုင်မာ တဲ့ ကတိ၊ သဘောတူညီချက်ရမှ ဘာဆက်လုပ်ရမယ်ဆိုတာ ပြော နိုင်မယ်။ ၁၄ ရက်နေ့မှာလည်း ရန်ကုန်ကို မ၀င်ပါဘူးဆိုတာကျွန် တော်တို့ လမ်းလျှောက်နေတာ လည်း ၁၄ရက်နဲ့မရောက်နိုင်ဘူး။  သေချာတာကတော့ ဘာမှမခိုင် မာသရွေ့တော့ လမ်းလျှောက်နေ ဦးမယ်။ မနက်ဖြန်မှာပေါင်းတည် အထိ လျှောက်သွားမှာပါ။ လွှတ် တော်ကသဘောတူညီချက်ပေး တဲ့အထိ စောင့်ကြည့်ပြီး လုပ် ဆောင်သွားမယ်’’ ဟု သပိတ်ခေါင်းဆောင်တစ်ဦးဖြစ်သူ ကိုသီ ဟ၀င်းတင်ကပြောသည်။

မန္တလေးမှ ရန်ကုန်သို့ ချီ တက်လာပြီး ရွှေတောင်မြို့သို့ ရောက်နေသော ပင်မသပိတ်စစ် ကြောင်းမှ ကျောင်းသားများသည် လေးပွင့်ဆိုင်ဆွေးနွေးပွဲရလဒ်နှင့် ပတ်သက်ပြီး ယမန်နေ့ည ၈ နာရီခွဲမှ  ၁၀ နာရီခွဲအထိ ရွှေတောင်မြို့တွင် အစည်းအဝေးပြုလုပ်ရာ ထိုကဲ့သို့ ဆုံးဖြတ်ချက်ချလိုက်ခြင်းဖြစ်ကြောင်း ၎င်းက ဆိုသည်။

သို့သော် ဆွေးနွေးပွဲတွင်သပိတ်များရပ်ဆိုင်းရန် အခက်အခဲရှိကြောင်း အသိအမှတ်ပြုသည် ဆိုသော အချက်အပေါ်တွင်အားလုံးက သဘောတူခဲ့သည်။

လေးပွင့်ဆိုင်ဆွေးနွေးပွဲမှ သဘောတူညီချက်များ

ကျောင်းသားများတောင်းဆိုချက်များကို အောက်ပါအတိုင်းမူအားဖြင့် ညိုနှိုင်းသဘောတူလိုက်ခြင်းဖြစ်ပြီး အမျိုးသားပညာရေးဥပဒေကို ပြင်ဆင်သည့် ဥပဒေကြမ်းရေးဆွဲရာတွင် လေးပွင့်ဆိုင်မှ ကိုယ်စားလှယ်များ ညှိနှိုင်းရေးဆွဲမည်ဖြစ်သည်။

(၁) ပညာရေးမူဝါဒနှင့် ဥပဒေ များ၊ နည်းဥပဒေများ၊ ဆက်စပ် ဥပဒေများ ရေးဆွဲရာတွင် ကျောင်း သား၊ ကျောင်းသူ  ကိုယ်စားလှယ်များ၊ ဆရာ၊ ဆရာမကိုယ်စားလှယ်များပါဝင်ရန်။
(၂) အမျိုးသားပညာရေးဥပဒေတွင် ကျောင်းသားသမဂ္ဂများ၊ ဆရာသမဂ္ဂများ လွတ်လပ်စွာ ဖွဲ့စည်းထူထောင် လှုပ်ရှားခွင့်နှင့် ၎င်းသမဂ္ဂများ တည်ရှိမှုအပေါ် အသိအမှတ်ပြုရေးကို ဖြည့်စွက်ရန်။
(၃) အမျိုးသားပညာရေးဥပဒေတွင်ပါဝင်သည့် အမျိုးသားပညာရေးကော်မရှင်နှင့် အဆင့်မြင့်ပညာ ပေါင်းစပ်ညှိနှိုင်းရေး ကော်မတီ ဖွဲ့စည်းထားခြင်းကိစ္စနှင့် ပတ်သက်၍ ပယ်ဖျက်ရန်။
(၄) ဒေသအလိုက်နှင့် ကျောင်းအလိုက် လွတ်လပ်စွာ စီမံခန့်ခွဲနိုင်သည့် ပညာရေးဆိုင်ရာ ကိုယ်ပိုင်ပြဋ္ဌာန်းခွင့်ပြုရန်။
(၅) လက်ရှိကျင့်သုံးလျက်ရှိသော စာမေးပွဲစနစ်နှင့် တက္ကသိုလ်ဝင်ခွင့်စနစ်များ ပြင်ဆင်ရန်။
(၆) ကျောင်းသားများ လွတ်လပ်စွာ စဉ်းစားတွေးခေါ်နိုင်ပြီး ကိုယ် တိုင် လေ့လာစူးစမ်းသင်ယူနိုင်သည့် သင်ကြားနည်းစနစ်များ ပြောင်းလဲရန်။
(၇) တိုင်းရင်းသားမျိုးနွယ်စုများ၏ ဘာသာစကားလွတ်လပ်ခွင့် နှင့် မိခင်ဘာသာစကား အခြေပြု ဘာသာစကားစုံ ပညာရေးစနစ် (mother tongue based multi-lingual education) ကို အမျိုးသားပညာရေး ဥပဒေတွင် ထည့်သွင်းပြဋ္ဌာန်းရန်ကိစ္စနှင့်ပတ်သက်၍  မိခင်ဘာသာစကားအသုံးပြုသင်ကြားရေး (Me-dium of instruction) အဖြစ် ဆောင်ရွက်ရန်။
(၈) မသန်စွမ်းကလေးများအပါအ၀င် ကလေးအားလုံးအတွက် လူတိုင်းအကျုံးဝင် ပညာရေး (Inclusive education) ဆောင်ရွက်ရန်။
(၉) ကျောင်းသားအရေးအခင်းများကြောင့် ကျောင်းထုတ်ခံခဲ့ရ သည့် ကျောင်းသားများ ကျောင်း ပြန်လည် တက်ရောက်ခွင့်ပြုရန်
(၁၀) နိုင်ငံ၏ ပညာရေးရင်းနှီးမြှုပ်နှံမှုကို ငါးနှစ်အတွင်း တစ်နိုင်ငံ လုံး အသုံးစရိတ်၏ အနည်းဆုံး ၂၀% ရောက်ရှိရန် ရည်မှန်းချက် ထား၍ နှစ်စဉ်တိုးမြှင့်သုံးစွဲရေးအတွက် ဥပဒေတွင် ထည့်သွင်းရန်။
(၁၁) အခမဲ့ မသင်မနေရ ပညာ ရေးစနစ်ကို မူလတန်းအဆင့်သာ မက အလယ်တန်းအဆင့်အထိ တိုးမြှင့်ကျင့်သုံးရေး ဆောင်ရွက်ရန်။

အခြားသဘောတူညီချက်များမှာ

လေးပွင့်ဆိုင်အဖွဲ့သည် ယင်းသဘောတူညီချက်များကို အောင်မြင်ပြီးဆုံးချိန်အထိ အတူတကွဆောင်ရွက်ရန် ကတိက၀တ်ပြုသည်။
လေးပွင့်ဆိုင်းအဖွဲ့အနေဖြင့် ဒီမိုကရေစီပညာရေးလှုပ်ရှားမှု ဦးဆောင်ကော်မတီက သက်ဆိုင်ရာကျောင်းသားထုအပေါ် တာဝန်ခံရသည့်အတွက် သပိတ်များကို ရပ်ဆိုင်းရန် အခက်အခဲရှိကြောင်းအသိအမှတ်ပြုသည်။
အုပ်ချုပ်ရေးပိုင်းမှ စာမေးပွဲများ အောင်မြင်စွာ ကျင်းပနိုင်ရေးနှင့် အခြားရှုပ်ထွေးမှုများ ပေါ်ပေါက်လာနိုင်သည့် စိုးရိမ်မှုရှိကြောင်းကို အသိအမှတ်ပြုသည်။
အမျိုးသားပညာရေးဥပဒေကို ပြင်ဆင်သည့် ဥပဒေကို လွှတ်တော်နှစ်ရပ်တွင် ဆွေးနွေးနေစဉ်ကာလအတွင်း လေးပွင့်ဆိုင်အဖွဲ့က စဉ်ဆက်မပြတ် ထိတွေ့ဆွေးနွေး၍ မလိုလားအပ်သောအခြေအနေများမှ ရှောင်လွှဲနိုင်အောင် ပူးပေါင်းဆောင်ရွက်ကြရန် အလေးအနက်သဘောတူကြသည်။

7day daily

အပြည့်အစုံသို့ »

ဝှိုက်ကတ်ကိုင်ဆောင်သူများ မဲပေးခွင့်မရှိတော့


ဝှိုက်ကတ်ကိုင်ဆောင်သူများ မဲပေးခွင့်ပြုခြင်းကို ပယ်ဖျက် ပေးရန် ရန်ကုန်မြို့တွင် ဖေဖော်ဝါရီ ၁၁ ရက်က ပထမဆုံး အကြိမ် ဆန္ဒထုတ်ဖော်နေကြစဉ် (ဓာတ်ပုံ − ဂျေမောင်မောင်(အမရပူရ))
 နိုင်ငံတော်သမ္မတ၏ ဖေဖော်ဝါရီ ၁၁ရက်ထုတ်ပြန်ချက် အရ ယာယီသက်သေခံလက်မှတ် (White Card)များ၏ သက်တမ်း ကုန်ဆုံးရက်မှာလာမည့်မတ်လ ၃၁ရက်ဖြစ်ပြီး ၀ှိုက်ကတ်ကိုင် ဆောင်သူများ မဲပေးခွင့်မရှိတော့ သလို တရားဝင်တော့မည်မဟုတ် ကြောင်း နိုင်ငံတော်သမ္မတရုံးမှ အကြီးတန်းအရာရှိ တစ်ဦးက ပြောကြားလိုက်သည်။

‘‘တစ်နိုင်ငံလုံးမှာရှိတဲ့ ၀ှိုက်ကတ်တွေ မတ်လနောက်ပိုင်းဆို ရင်တရားမ၀င်တော့ဘူး။ မဲပေး ခွင့်လည်း မရှိတော့ဘူး။ အဲဒါတွေ ပြန်အပ်ပြီးရင် သူတို့မှာ ဘာကတ် မှမရှိတော့ဘူး။ ဒီကြားထဲမှာ အ သိအမှတ်ပြု ကတ်ပြား လိုချင် တယ်ဆိုရင်တော့ နိုင်ငံသားဥပဒေ၊ နည်းဥပဒေတွေနဲ့အညီ စိစစ် ခြင်းခံရမယ်။ ဥပမာ ရိုဟင်ဂျာဆို ပြီး စိစစ်ခံရင်တိုင်းရင်းသားထဲမှာ မရှိတဲ့အတွက် အကျုံးဝင်မှာမ ဟုတ်ဘူး’’ဟု နိုင်ငံတော်သမ္မတရုံး အကြီးတန်းအရာရှိတစ်ဦးကဆို သည်။

သက်တမ်း ကုန်ဆုံးသည့် ၀ှိုက်ကတ်များကို ၂၀၁၅ မေလ ၃၁ ရက် နောက်ဆုံးထား၍ အပ်နှံ ရမည်ဖြစ်ပြီး ၁၉၅၁ ပြည်ထောင်စုမြန်မာနိုင်ငံအတွင်း နေထိုင်သူများ မှတ်ပုံတင်ရေးနည်းဥပဒေများ၏ ပြဋ္ဌာန်းချက်နှင့်အညီ အပ်နှံခြင်း၊ စိစစ်ခံယူခြင်းတို့ကို နည်းလမ်းတကျ ဆောင်ရွက်ရမည်ဖြစ်ကြောင်း နိုင်ငံတော် သမ္မတက ဖေဖော်ဝါရီ ၁၁ ရက်စွဲဖြင့် ထုတ်ပြန်ချက်တွင် ဖော်ပြထားသည်။

‘‘ချက်ချင်းဖော်လိုက်တယ်။ ချက်ချင်းရပ်လိုက်တယ်။ ပြဿ နာကိုဖြေရှင်းတဲ့နည်းလမ်းတစ်ခု ပဲ။ စိုးရိမ်စရာကိစ္စတစ်ခုလည်း ပေါ်လာတယ်။ ပေါ်လာပြီးတော့ စိုးရိမ်စရာ အနေအထား လျော့ အောင်လုပ်လိုက်တဲ့အတွက် ကြို ဆိုပါတယ်’’ဟု ရခိုင်အမျိုးသားပါ တီဗဟိုအလုပ်အမှုဆောင်ဦးလှ စောကပြောသည်။

ယာယီသက်သေခံ လက် မှတ်နှင့်စပ်လျဉ်း၍ ရဟန်းရှင်လူ ပြည်သူ အပေါင်းက ဝေဖန်သုံး သပ်မှုများရှိနေသည့်အတွက် ယာ ယီသက်သေခံလက်မှတ်နှင့် စပ် လျဉ်းသည့် ဥပဒေ၊ နည်းဥပဒေ များနှင့် ဆက်စပ်ကိစ္စရပ်များလေ့ လာသုံးသပ်အကြံပြုရေးကော်မ ရှင်ကို ပညာရှင်များ၊ ပါဝင်ထိုက် သည့်ပုဂ္ဂိုလ်များနှင့် ဖွဲ့စည်းတာ ၀န်ပေးအပ်သွားမည်ဖြစ်ကြောင်း သတင်းရရှိသည်။

‘‘၀ှိုက်ကတ် မရှိတော့ဘူး။ ဘာကတ်မှမရှိရင် ဘယ်လိုလုပ်မ လဲဆိုတဲ့ စည်းမျဉ်းစည်းကမ်းအ ကြံပြုချက်တွေအတွက်ကော်မ ရှင်ဖွဲ့စည်းပြီးတော့ ဆွေးနွေးသွား မယ်။ ဘယ်ထဲမှ မပါတဲ့လူတွေက အကျိုးဆက်ဘာတွေဖြစ်နိုင်လဲ။ ဒါတွေက သက်ဆိုင်ရာပညာရှင် တွေနဲ့ ဆွေးနွေးရမယ်’’ ဟု နိုင်ငံ တော်သမ္မတရုံးမှ အကြီးတန်းအရာရှိကဆက်လက်ပြောသည်။

7day daily

အပြည့်အစုံသို့ »

ဗိုက်မြန်မြန်ချပ်အောင် ဘာတွေသောက်သင့်လဲ



ကိုယ်အလေးချိန် လျှော့ချဖို့  ဆုံးဖြတ် ထားသူတွေအနေ နဲ့ ကျန်းမာရေးနဲ့ ညီညွတ်တဲ့ အစားအစာတွေ စားရုံသာမက လေ့ကျင့်ခန်းလည်း ပုံမှန်လုပ်ပေးဖို့     လိုအပ် တယ်ဆိုတာ သိထားကြပါတယ်။ အစာစားရုံ၊ လေ့ကျင့်ခန်းလုပ်ရုံသာမက အဆီတွေကို   မြန်မြန်လောင်ကျွမ်းစေနိုင်တဲ့ သောက်စရာတွေ မှန်ကန်စွာရွေးချယ်နိုင် ဖို့အတွက် ဖော်ပြပေးလိုက်ပါတယ်။

ရေခဲရေ

ရေခဲရေဟာ ခန္ဓာကိုယ်တွင်း ဇီဝဖြစ်စဉ်လုပ်ငန်းစဉ်များကို မြှင့် တင်ပေးနိုင်တာကြောင့် ကယ်လို ရီပမာဏများနေတာတွေကို ဖယ်ရှားပေးပါတယ်။ နေ့တိုင်းရေခဲ ရေအနည်းဆုံး ၁၆ အောင်စ လောက်သောက်ရင် ထူးခြားတဲ့ ရလဒ်တွေ့ရမှာပါ။

အုန်းရည်

အခြားသောဖျော်ရည်တွေ ထက် လျှပ်လိုက်ရည် (အီလက် ထရိုလိုက်)များများပါဝင်တာကြောင့် ရေဓာတ်အမြဲပြည့်ဝနေ စေပါတယ်။ အုန်းရည်ထဲကို သကြားနဲ့ အခြားအရသာတုတွေ မထည့်ဘဲ သောက်သင့်ပြီး ခန္ဓာကိုယ်တွင်းလုပ်ငန်းစဉ်တွေနဲ့ စွမ်းအင်ပြည့် ဝနေဖို့ထောက်ကူပါတယ်။

အဆီထုတ်နွားနို့

ခန္ဓာကိုယ်ထဲကအဆီတွေ မြန်မြန်ချေဖျက်ရာမှာ အကျိုးပြု တာကြောင့် အဆီထုတ်နွားနို့ ပုံမှန်သောက်ပြီး ဘာတွေထူးခြား လဲ စောင့်ကြည့်နိုင်ပါတယ်။

ဟင်းသီးဟင်းရွက်ဖျော်ရည်

ကျန်းမာရေးအတွက် ကောင်းကျိုးပြုရုံသာမက ကယ် လိုရီပမာဏများနေတာတွေကို လည်း လျှော့ချပေးနိုင်ပါတယ်။

အာဟာရဖျော်ရည်

ဈေးကွက်ထဲမှာ အသင့် ရောင်းချတဲ့ အာဟာရဖျော်ရည် တွေကတော့ ပုံမှန်အားဖြင့် ကျန်း မာရေးအတွက် အထောက်အကူ ပြုပေမယ့် ကိုယ်ရွေးချယ်သောက် တဲ့ဖျော်ရည်က သင့်လျော်မှုရှိ၊ မရှိကိုတော့ ဆရာဝန်နဲ့ တိုင်ပင် သင့်ပါတယ်။

လက်ဖက်စိမ်းနှင့်

နို့မပါလက်ဖက်ရည်

အဆီဓာတ်ကို ၄၃ ရာခိုင် နှုန်းဖယ်ရှားပေးတာကြောင့် ပိန် ပိန်ပါးပါးဖြစ်လိုသူတွေကတော့ ပုံမှန်သောက်သင့်ပါတယ်။

ဖရဲသီးဖျော်ရည်

ဗိုက်ချပ်ဖို့အတွက်ဆိုရင် သကြားမထည့်ဘဲ သဘာဝ အတိုင်းသောက်ဖို့တော့လိုပါ တယ်။ ကယ်လိုရီကိုလျော့ကျစေ ပြီး ရေဓာတ်ကိုအမြဲပြည့်ဝနေစေ ပါတယ်။ Ref: stethnews.com

credit : 7day daily

အပြည့်အစုံသို့ »

တကယ့်ဘဝထဲ တိုးဝင်လာတဲ့ ဖေ့စ်ဘွတ်ခ်ပြဿနာများ




တကယ်တမ်းတွင် ပြဿနာ ကဘာမျှကြီးကြီးကျယ်ကျယ်မဟုတ်။ အေမီချိုက ၎င်း၏ခင်ပွန်း ကလေးပုခက်လွှဲပြီး ဟင်းချက်နေသည့်ဓာတ်ပုံတစ်ပုံကို သူငယ်ချင်းများကိုပြချင်သည့်စိတ်၊ အိမ်အလုပ်များကူလုပ်ပေးသည့်ခင်ပွန်းဖြစ်သူကို ကြွားဝါချင်စိတ်ဖြင့်သာ ဖေ့စ်ဘွတ်ခ်အင်တာနက်စာမျက်နှာပေါ်တင်လိုက်ခြင်းဖြစ်ပါသည်။ သို့သော် အေမီချိုမေ့လျော့နေသည့်အချက်ကား ၎င်း၏များပြားလှစွာသောဖေ့စ်ဘွတ်ခ်သူငယ်ချင်းများထဲတွင် ၎င်း၏ယောက္ခမကြီးလည်း ပါဝင်နေသည်ဆိုသည့်အချက်ဖြစ်သည်။ ပြဿနာကား အေမီချိုတင်ထားသောဓာတ်ပုံအောက်မှာ ယောက္ခမကြီးက အောက်ပါအတိုင်းကွန်မန့် (ခေါ်)မှတ်ချက်တစ်ခုရေးရာမှစတင်တော့သည်။

‘ယောက်ျားကို  အိမ်အလုပ်တွေမတရားခိုင်းတာ  အမျိုးကောင်းသမီး မဟုတ်ဘူး’

ထိုမှတ်ချက်ကိုဖတ်လိုက် ရသောအခါ အေမီချို သွေးဆူသွားသည်။ အေမီချို့ထက် ပို သွေးဆူသည်ကား အေမီချို၏ ဖေ့စ်ဘွတ်ခ်သူငယ်ချင်းထဲမှာရှိနေသည့်မိခင်ဖြစ်ပါသည်။ ၎င်းက ဖေ့စ်ဘွတ်ခ်ဓာတ်ပုံအောက်က အေမီချို၏ယောက္ခမမှတ်ချက်ကိုမြင်နေရသည်။   ခမည်းခမက်တော်သူက သမီးကို အမျိုးကောင်းသမီးမဟုတ်ဟုဆိုသော စကားက သူ့ကိုပါတိုက်ရိုက်သက်ရောက်နေသည်မဟုတ်ပါလား။  ဖေ့စ်ဘွတ်ခ်ပေါ်တွင် ခမည်းခမက်များ အပြန်အလှန်စကားစစ်ပွဲနွှဲကြ၏။ သူ့ဘက်ကိုယ့်ဘက်အမျိုးများ၊ မိတ်ဆွေများက လိုက်ခ်(like)များနှိပ်ကာ အားပေးကြ၏။ ကွန်မန့်မှတ်ချက်ပေါင်း ၂၀ကျော်အပြန်အလှန်ရေးအပြီးမှာတော့ တစ်ယောက်ကိုတစ်ယောက် အပြန်အလှန်ဘလော့ဂ်ပြီး ပွဲသိမ်းလိုက်ကြ၏။ အပြင်မှာလည်း တစ်ယောက်နှင့်တစ်ယောက် စကားမပြောကြတော့။

အေမီချိုတို့သားအမိသာမဟုတ်၊ မြန်မာနိုင်ငံတွင်ဖေ့စ်ဘွတ်ခ်ပေါ်လာပြီးကတည်းက သတင်း၊ ဖျော်ဖြေရေး၊ လူမှုရေး၊ ပညာရေးများအတွက် အကျိုးရှိ စွာအသုံးချနေကြသူများရှိသလို အပြင်မှာ ဘာမှမဖြစ်ဘဲ ဖေ့စ်ဘွတ်ခ်ပေါ်လာခါမှ အငြင်းပွား ပြဿနာများတက်ကာ မခေါ်နိုင် မပြောနိုင်သူများ အများကြီးရှိလာပါသည်။ ထို့အတူ နေ့စဉ်ဘဝ မှာဖေ့စ်ဘွတ်ခ်အတွက် အတော်များများ အချိန်ပေးလာသူတွေလည်း အများအပြားတိုးလာနေပါသည်။

၂၀၁၅ ဇန်နဝါရီ ၂၇ ရက်က ဖေ့စ်ဘွတ်ခ်အင်တာနက်စာမျက် နှာတစ်နာရီလောက်ပြတ်တောက်သွားခဲ့ရာတွင် မြန်မာနိုင်ငံမှ သုံးစွဲသူများအပါအ၀င် နိုင်ငံအများအပြားက ဖေ့စ်ဘွတ်ခ်ပရိသတ် များ ပွက်လောရိုက်ဆူညံသွားခဲ့သည်။

သည်အရာက သိပ်တော့ထူး ဆန်းသည့်အချက်မဟုတ်။ Forbes မဂ္ဂဇင်း၏ပြောကြားချက် အရ ဖေ့စ်ဘွတ်ခ်သည် ကမ္ဘာပေါ်မှလူများအတွက် အကြီးဆုံးလူမှုရေးကွန်ရက်အင်တာနက်စာမျက်နှာတစ်ခုဖြစ်လာပြီဟုဆိုပါသည်။ သို့သော် မြန်မာနိုင်ငံသည် ကမ္ဘာပေါ်က အခြားနိုင်ငံများနှင့်ယှဉ်ပါကကမ္ဘာပေါ်တွင် ဖေ့စ်ဘွတ်ခ်အင်တာနက်စာမျက်နှာသုံးစွဲသူ  အနည်းဆုံးနိုင်ငံများ၌ ရှိနေပါသေးသည်။

လက်ရှိပြုစုထားသည့် စာရင်းများအရ မြန်မာနိုင်ငံတွင် ဖေ့စ်ဘွတ်ခ်သုံးစွဲသည့်အရေအတွက်မှာ လေးသန်းနီးပါးရှိနေပြီဖြစ်သည်။

ဖေ့စ်ဘွတ်ခ်၏တရားဝင် ထုတ်ပြန်ချက်များအရ တစ်ကမ္ဘာလုံးတွင် အသုံးပြုသူလူပေါင်း သန်းတစ်ထောင့်နှစ်ရာအထိပင် ရှိသည်ဟုဆိုပါသည်။ ဖေ့စ်ဘွတ်ခ်ကိုအရွယ်စုံ၊ လူမျိုးစုံအသုံးပြုလာကြပြီး သုံးသူများထဲမှာ အမေရိ ကန်နိုင်ငံ ကယ်လီဖိုးနီးယားပြည်နယ်တွင်နေသည့် အသက် (၁၀၇)နှစ်ရှိနေသည့် အဘွားတစ်ဦးပင်ပါဝင်သည်။ ကမ္ဘာမှာ အသက်အကြီးဆုံးဖေ့စ်ဘွတ်ခ်သုံးစွဲသူဟုပြောကြသည့် အဆိုပါအဘွား၏အမည်မှာ အက်ဒီသီကီရာမိုင်ရာ (EdytheKirchmaier) ဖြစ်ပြီး ၎င်းက ချီကာဂိုတက္ကသိုလ်မှ ကျောင်းသူဟောင်း တစ်ဦးဖြစ်ပါသည်။ အသက်ကြီးသူဆိုသော်လည်း ခေသူတော့မဟုတ်။

၎င်း၏ဖေ့စ်ဘွတ်ခ်စာမျက်နှာ ၌ သူတင်သမျှကို ပုံမှန်လာဖတ် သူပေါင်း ငါးသောင်းကျော်ရှိသည်ဟုသိရ၏။ ထိုကဲ့သို့ ဖေ့စ်ဘွတ်ခ် သုံးစွဲသူတွေက လူကြီးကနေ ကလေးအထိ အရွယ်စုံကဲ့သို့ ဖြစ်လာသောပြဿနာများကလည်း နေရာမျိုးစုံ၊ ပုံစံမျိုးစုံ ဒုနှင့်ဒေးဖြစ်လာပါသည်။ ရန်ကုန် ကအေမီချိုတို့လို မိသားစုပြဿနာတင်မက နိုင်ငံရေး၊ စီးပွားရေး ပြဿနာများအထိပင် ပါဝင်ပါသည်။

ထိုအထဲတွင် မြောက်ပိုင်း အင်္ဂလန်မှ အသက် (၁၄)နှစ် အရွယ်ကျောင်းသားလေးဂျော်ဒန် ဖို့ဒ်ဆိုသူမှာ ဖေ့စ်ဘွတ်ခ်ကြောင့် အထက်တန်းကျောင်းကနေပါ ထွက်ခဲ့ရသည်အထိ ပြဿနာတက်ခဲ့ရသည်။ ဂျော်ဒန်ဖို့ဒ်က ဆယ်ကျော်သက်ပီပီ ခေါင်းကို ဆံပင်အနီရောင်ဆိုးသည်။ ၎င်းတို့ ကျောင်းက ဆံပင်အနီကို အခြားသာမန်အရောင်ပြောင်းခိုင်း၏။

ဂျော်ဒန်က မကျေနပ်ပါ။ တစ်နေ့တွင် ဖေ့စ်ဘွတ်ခ်ပေါ်၌ ၎င်းတို့ကျောင်းအုပ်ဆရာမကြီး၏ ဓာတ်ပုံကိုသွားတွေ့၏။ ဆရာမကြီးက ဆံပင်ကို ခရမ်းရောင်ဆိုးထားသည်။ ဆရာမကြီးက ဖေ့စ်ဘွတ်ခ်မှာ အဟန့်အတားများနှင့် ကိုယ့်ပုံများကို မဆိုင်သူများမမြင်အောင်လုပ်ရသည့် သဘောကိုနားမလည်။ ထို့ကြောင့် ၎င်း၏ပုံကို ဂျော်ဒန်ကအလွယ်တကူ ကူးယူသွား၏။

ထို့နောက် ဆရာမကြီးပုံ အောက်မှာ ဂျော်ဒန်က ပုံစံမျိုးစုံ ဖြင့် ဆရာမကြီး၏ဆံပင်အရောင်၊ ကိုယ်ခန္ဓာနှင့် အခြားရုပ်ပိုင်းဆိုင် ရာများကို လှောင်စာ၊ ပြောင်စာ တွေမျိုးစုံအောင်ရေးပြီး ဖေ့စ် ဘွတ်ခ်၌ပြန်တင်သည်။ အခြား ကျောင်းသားများကပါ ဝင်ရေး  ကြ၊ ဝင်ဟားကြ၏။ ဆရာမကြီး လည်း အရှက်ကြီးစွာရခဲ့၏။ ထို အချက်ကြောင့် ၎င်းကိုကျောင်းကထုတ်ပယ်ခဲ့တာဖြစ်ပါသည်။

ဂျော်ဒန်၏ဖခင်က ယင်းအဖြစ်အပျက်ကို အင်္ဂလန်တယ် လီဂရပ်ဖ်သတင်းစာကိုပြောကြား ရာတွင်သူ၏သားမှာ လူပြောင်ဖြစ်ပြီးဆရာမကြီးကို စနောက်ခြင်းသာဖြစ်ပါသည်ဟုဆိုပါသည်။

သို့ရာတွင် ကျောင်းအုပ်ချုပ် ရေးအဖွဲ့က ဂျော်ဒန်၏အပြုအမူ ဆောင်ရွက်ချက်များသည် လူမှု ရေးဆိုရှယ်မီဒီယာစည်းကမ်းများ ကိုဖောက်ဖျက်နေသည်ဟုဆိုပါ သည်။

‘‘ဂျော်ဒန်နဲ့မိဘတွေက ကျောင်းသားတွေအနေနဲ့ ဆိုရှယ် မီဒီယာကို ဘယ်လိုသုံးရမလဲဆို တာ ကျောင်းအပ်ကတည်းက လက်မှတ်ထိုးပြီးသားပါ။ ကိုယ့် အချိန်ကို ကိုယ်သုံးပြီးလုပ်တယ်ဆိုပေမယ့် တခြားသူတွေရဲ့ ကိုယ် ပိုင်စာမျက်နှာကို ကျူးကျော် ဓာတ်ပုံကူးချပြီး အဲဒီလိုလုပ်တာကိုလက်မခံနိုင်ပါဘူး’’ဟု ကျောင်း အုပ်ချုပ်ရေးအဖွဲ့ကဝေဖန်သည်။

ယင်းအဖြစ်အပျက်မှာ ဖေ့စ် ဘွတ်ခ်ကြောင့်ဖြစ်ပွားခဲ့ခြင်းဖြစ်သည်။ ဖေ့စ်ဘွတ်ခ်မရှိမီက ဂျော်ဒန်ကဲ့သို့ကျောင်းသားကလေး တွေက ကျောင်းဆင်းလျှင် အိမ်သို့ပြန်ကြသည်။ သူငယ်ချင်းများနှင့်တွေ့ကြသည်။ ဆရာများနှင့်ပြော ဆိုဆက်ဆံပြီး ၎င်းတို့၏လူမှုပြဿနာများကို အချင်းချင်းဖွင့်ဟဆွေးနွေးကြသည့် သဘောရှိ သည်။

ယခုအခါမူ အားလုံးက အချင်းချင်းစကားမပြောအား။ လူကိုယ်တိုင်မတွေ့အားကြ။ အားလုံးဖေ့စ်ဘွတ်ခ်ပေါ်မှာတွေ့ သည်။ အသိပေးသည်။ စာရင်း ရှင်းကြသည်။ ရန်ဖြစ်ကြသည်။ ရန်ကုန်က အေမီချိုတို့လို မိသားစု ဝင်အချင်းချင်း ကိုယ်ရေးကိုယ်တာကိစ္စများကိုလည်း ဖေ့စ် ဘွတ်ခ်ပေါ်မှာလူသိရှင်ကြား ရှင်းလင်းကြတာများလည်းရှိသည်။

သည်အရာတွေက ဖေ့စ် ဘွတ်ခ်၏ကောင်းကျိုးလား၊ ဆိုး ကျိုးလားယခုအချိန်မှာတော့ အေမီချိုတစ်ယောက် မစဉ်းစား အားနိုင်သေး။ အချိန်ရတုန်း သူ့ ဖေ့စ်ဘွတ်ခ်ပေါ်မှာ ဘလော့စရာ ရှိသူတွေကို ဘလော့ရဦးမည်ဖြစ် ပါသည်။

‘ယောက္ခမက ဖေ့စ်ဘွတ်ခ် ပေါ်မှာ အမေနဲ့ရန်ဖြစ်ကြတော့ ကျွန်မကိုဘလော့ဂ်သွားတယ် လေ။  ဘယ်ရမလဲ နေဦး ကျွန်မကလည်း ဖေ့စ်ဘွတ်ခ်ပေါ်က သူတို့အမျိုးတွေကိုပါ ပြန်ဘလော့ဂ်ပြီး ရီပို့ပါလုပ်ပေးလိုက်ဦးမယ်’

http://7daydaily.com/story/30615#.VMtZ6WiUewg

အပြည့်အစုံသို့ »

သတိထားရမည့် ကလစ်နှိပ်၍ ဂုဏ်သိက္ခာလုပ်ကြံခြင်း

ဖေ့စ်ဘွတ်ခ်ပေါ်မှ ပုဂ္ဂိုလ်ရေးလုပ်ကြံမှုများ လျော့နည်းရန်မှာ သုံးစွဲသူများ တွေးတောဆင်ခြင်နိုင်စွမ်းမြင့်မားပြီး အယုံမလွယ်ကြရန်လိုသည် (ဓာတ်ပုံ − နစ်ကီ)



အမျိုးသားပညာရေးဥပဒေကို ဆန့်ကျင်၍ မန္တလေးမှ ရန်ကုန်သို့ ခြေလျင်သပိတ်ဆင်နွှဲနေသော ကျောင်းသားသပိတ်အရှိန်မြှင့်လာချိန်တွင် လူမှုကွန်ရက်၌ သပိတ်မှောက်ကျောင်းသားများနှင့် ပတ်သက်သည့် သတင်းများ ချက်ချင်းထွက်ပေါ်လာသည်။

အလှူငွေများ ပျောက်ဆုံးခြင်း၊ ကျောင်းသားများ အရက်သေစာသောက်စားခြင်းနှင့် အချင်းချင်းရန်ဖြစ်ပြီး ခြေလျင်သပိတ်အစား ညပိုင်းတွင် ကားခိုးစီးသွားရန် ကျောင်းသားအချို့ ကြံစည်နေခြင်း စသည့် ပုံဖျက်သည့် သတင်းများနှင့် ပတ်သက်၍ ကျောင်းသားသပိတ်ခေါင်းဆောင်များ၏အမည်များ၊ သပိတ်စစ်ကြောင်းဓာတ်ပုံများကိုသုံးစွဲ၍ လုပ်ကြံသတင်းဖြန့်ဝေမှုများ ပြုလုပ်လာခြင်းဖြစ်သည်။

ဒီမိုကရေစီပညာရေးလှုပ်ရှားမှု ဦးဆောင်ကော်မတီက ယင်းလုပ်ကြံသတင်းများကို အချိန်မီကြေညာချက်များ ထုတ်ပြန်ခဲ့သဖြင့် သပိတ်ကို သေးသိမ်အောင်လုပ်သူတို့၏ အကြံမှေးမှိန်သွားခဲ့ရသည်။

မြန်မာနိုင်ငံ၌ တွင်ကျယ်စွာသုံးစွဲနေသော လူမှုကွန်ရက်စာမျက်နှာတွင် ကလစ်တစ်ချက်နှိပ်ရုံဖြင့် လူပုဂ္ဂိုလ်တစ်ဦး၊ အဖွဲ့အစည်းတစ်ခု၊ လှုပ်ရှားမှုတစ်ခုတို့ကို ဝေဖန်တိုက်ခိုက်အပုပ်ချလိုသူတို့က အကောင်းဆုံးဝါဒဖြန့်နိုင်သည့် ကြားခံနယ်မြေတစ်ခုအဖြစ် သုံးစွဲနေသည်။ တာဝန်ယူမှု၊ တာဝန်ခံမှုမရှိသော အကောင့်တု၊ အကောင့်ပုန်းများဖြင့် ဆိုက်ဘာစစ်ပွဲဆင်နွှဲနေသည့် အကောင့်များစွာရှိကြောင်း ပြည်တွင်းအမုန်းစကား စောင့်ကြည့်ရေးအဖွဲ့များက ဖေ့စ်ဘွတ်ခ်နှင့် ဂူးဂဲလ်ကုမ္ပဏီများထံ တင်ပြခဲ့သော်လည်း ယနေ့အထိ အကြောင်းမထူးသေးပေ။

ကျောင်းသားသပိတ်လှုပ်ရှားမှုကို သေးသိမ်အောင် အွန်လိုင်းတွင်ရော အပြင်မှာပါ မရိုးသားသူတို့၏ လုပ်ကြံမှုကြောင့် ယခင်က ကျောင်းသားသပိတ်ကိုပင် စိတ်မ၀င်စား၊ အမျိုးသားပညာရေးဥပဒေကိုပင် မသိနားမလည်သည့် စာသင်ခန်းထဲက ကျောင်းသားများပင်လျှင် ကျောင်းသားသပိတ်နှင့် တစ်သွေးတည်းတစ်သားတည်း ဖြစ်တည်လာကြောင်း ရန်ကုန်တက္ကသိုလ်ကျောင်းသားသမဂ္ဂ ယာယီအလုပ်အမှုဆောင်အဖွဲ့ဥက္ကဋ္ဌ မအိဆွေမြတ်ကပြောကြားသည်။

‘‘ပြည်သူ့အာဏာ’’လို ဖေ့စ်ဘွတ်ခ်စာမျက်နှာတွေကနေ မဟုတ်ကဟုတ်ကတွေ ရေးနေတာတွေတွေ့တယ်။ ကျွန်မတို့ကျောင်းသားတွေက ကျောင်းခန်းထဲမှာ အေးအေးဆေးဆေး စာပဲသင်ချင်နေကြတာ။ လမ်းပေါ် ဘယ်သူကမှ မထွက်ချင်ဘူး။ ဒါပေမဲ့ မထွက်မဖြစ်လို့ ထွက်ရတာ။ ကျောင်းသားတွေဒုက္ခခံပြီးသွားရတဲ့ လမ်းကြောင်းမှာ ဒီဘာမဟုတ်တဲ့ ပိုက်ဆံကိစ္စကြောင့် အချင်းချင်းရန်ဖြစ်တယ်ဆိုတာ ရယ်စရာကြီး။ တစ်နည်းအားဖြင့် ကျွန်မတို့မလုပ်ဘူးဆိုတာ ပြည်သူကို သူတို့မီးမောင်းထိုးပြလိုက်တာပဲ။ အရင်က ဒီသပိတ်ကို လူတွေစိတ်မ၀င်စားဘူး။ အမျိုးသားပညာရေးဥပဒေဆိုတာကိုလည်း လူတွေမသိဘူး။ အခုသူတို့ လုပ်ပေးနေတဲ့အတွက် ဒီသပိတ်ကို လူတွေက စိတ်ဝင်စားလာတယ်။ ဒါအရှုံးထဲက အမြတ်ပဲ’’ဟု မအိဆွေမြတ်က တက်ကြွစွာဖြင့်ပြောကြားသည်။

ပြည်သူ့အာဏာနှင့် မြန်မာအွန်လိုင်းနယူးစ် (Myanmar Online News) စသည့်နာမည်များဖြင့် စာမျက်နှာများတွင် သတင်းထောက်များ၊ တက်ကြွလှုပ်ရှားသူများအား ဝေဖန်တိုက်ခိုက်ခြင်းတို့နှင့် လူမျိုးရေး၊ ဘာသာရေးပဋိပက္ခများကို ဦးတည်သည့် လှုံ့ဆော်မှုများ မကြာခဏ တွေ့မြင်နေရသည်။ သို့သော် ယင်းအကောင့်များကို အာဏာပိုင်များက ထိထိရောက်ရောက် တားမြစ်ပိတ်ပင်နိုင်ခြင်းမရှိခဲ့။

‘‘ဖေ့စ်ဘွတ်ခ်က အခုနောက်ပိုင်း လူတိုင်းလိုလိုသုံးကြတဲ့အခါ လူတွေရဲ့ စိတ်ဝင်စားမှုကို တိုက်ရိုက်အထိရောက်ဆုံး မီဒီယာတစ်ခု ဖြစ်နေတယ်။ ဒီတော့ ဘာလေးပဲဖြစ်ဖြစ်၊ ဘာကိုပဲလူသိစေချင်ချင်၊ အသရေဖျက်ချင်လို့ပဲဖြစ်ဖြစ်၊ ကိုယ့်နာမည်တက်စေချင်လို့ပဲဖြစ်ဖြစ် ဖေ့စ်ဘွတ်ခ်က အဓိကမီဒီယာဖြစ်နေတယ်။ အဓိကကတော့ လူတွေရဲ့ ဆင်ခြင်နိုင်စွမ်းပဲ။ ပြီးတော့ ကိုယ့်အကောင့်ထဲမှာ ကိုယ်မသိတဲ့လူတွေကို အများကြီးမထားသင့်ဘူး’’ဟု ရန်ကုန်တက္ကသိုလ်တွင် နိုင်ငံရေးသိပ္ပံသင်တန်းတက်ရောက်နေသော အသက်(၂၂)နှစ်အရွယ် မအိရွှေစင်ကပြောသည်။

ထို့အပြင် ဖေ့စ်ဘွတ်ခ်သတင်းဌာနများက သတင်းများကို တာဝန်ယူမှုအပြည့်ဖြင့် ဖော်ပြနေသော်လည်း သတင်းဌာနပေါင်းစုံက သတင်းထူး၊ သတင်းဦးများကို ပြန်လည်စုစည်းဖော်ပြသည့် ဖေ့စ်ဘွတ်ခ်အကောင့်များနှင့် သတင်းဌာနဆန်ဆန် စာမျက်နှာများကြောင့် သတင်းများအပေါ် ပြည်သူက အမှန်အမှားခွဲခြားရန်မှာ ခက်ခဲသွားကြောင်း သတင်းစာဆရာ စည်သူအောင်မြင့်က သုံးသပ်သည်။

‘‘သာမန်ပြည်သူတွေမပြောနဲ့။ ကျွန်တော်ကိုယ်တိုင်တောင် အမတ်ဦးလှဆွေအကောင့်အတုကို အစစ်ထင်ပြီး သတင်းရင်းမြစ်လွဲမှားပြီး သုံးလိုက်မိတယ်။ အခုခေတ်က နည်းပညာက သာမန်ပြည်သူတွေလက်ထဲရောက်လာပြီဆိုတော့ သတင်းအမှားတွေနဲ့ ပြည်သူကိုဒုက္ခပေးတာ။ ပုဂ္ဂိုလ်ရေးတိုက်ခိုက်မှုတွေကို ကျယ်ကျယ်ပြန့်ပြန့်လုပ်တဲ့ ပြဿနာကို လွတ်လပ်စွာထုတ်ဖော်ပြောဆိုခွင့်ကို မထိခိုက်စေဘဲ ခိုင်ခိုင်မာမာဖြေရှင်းပေးမယ့် အဖွဲ့အစည်းတစ်ခုတော့ လိုလာပြီ။ နိုင်ငံခြားမှာတော့ ကျွမ်းကျင်သူတွေရှိတယ်။ ဒီမှာက ဘယ်သူကမှ တာဝန်မယူတော့ လူထုက အကူအညီမဲ့နေတာပေါ့။ ဒုစရိုက်သမားတွေအတွက်က အကွက်အကွင်းဖြစ်နေတယ်’’ဟု ၎င်းကပြောသည်။

မကြာသေးမီက ရွေးကောက်ခံရသော စည်ပင်ကော်မတီဝင်ဆရာဝန်တစ်ဦးက မော်ဒယ်ပြိုင်ပွဲဆုရ သမီးငယ်ကို ဂုဏ်ပြုအနမ်းဖြင့် ပွေ့ဖက်သည့်ပုံများမှာ လူမှုကွန်ရက်စာမျက်နှာတွင် အဓိပ္ပာယ်တစ်မျိုးဖြင့် ပျံ့နှံ့ခဲ့သည်။ သားအဖမှန်းမသိသည့် ဓာတ်ပုံတရာတစ်ဦးက မော်ဒယ်ကို ပွေ့ဖက်နမ်းရှုပ်နေသည့် ဆရာဝန်၏ဓာတ်ပုံနှင့်တွဲ၍ ဖေ့စ်ဘွတ်ခ်စာမျက်နှာတွင် မှတ်ချက်ပြုရေးသားခဲ့ရာ ဆရာဝန်သားအဖတို့မှာ ပုဂ္ဂိုလ်ရေးထိခိုက်စေသည့် မှတ်ချက်များကို တစ်ဖက်သတ် ဝေဖန်ရေးသားခြင်းခံခဲရသည်။

မှားယွင်းသွားမှန်းသိသည့် ဓာတ်ပုံဆရာက အဆိုပါပို့စ်ကို ချက်ချင်းဖြုတ်ချပြီးနောက် ဖြေရှင်းချက်နှင့် တောင်းပန်စကားကို ပြန်လည်ရေးသားခဲ့သည်။ သို့သော် မူရင်းပို့စ်ကို ပြန်လည်မျှဝေ၍ ရေးသားမှတ်ချက်ပြုမှုများက လူမှုကွန်ရက်တွင် ၂၄ နာရီကျော်သည်အထိ ပျံ့နှံ့၍ကောင်းဆဲ။

ခက်သည်က ပရိုဖိုင်းပုံအမှန်လည်းမတင်၊ နာမည်အမှန်လည်းမရှိသည့် အကောင့်တု၊ အကောင့်ပုန်းဖြင့် ကျောင်းသားသပိတ်ကဲ့သို့ လှုပ်ရှားမှုများ၊ ကိုယ်မကျေနပ်သူတစ်ဦး (သို့မဟုတ်) အမျိုးသမီးငယ်များအား ပစ်မှတ်ထား အသရေဖျက်သည့် ရေးသားပြောဆိုဝေဖန်မှုများမှာ မြန်မာလူမှုကွန်ရက်စာမျက်နှာတို့တွင် တစ်စတစ်စများလာနေသည်။

အွန်လိုင်းအပုပ်ချမှုများကြားက နောက်ထပ်ဖြေရှင်းရခက်သည့် ပြဿနာမှာ အကောင့်များခိုးယူခံရခြင်းကြောင့် မြင်မကောင်းသည့် ပို့စ်များတင်ခြင်းကြောင့် မူရင်းအကောင့်ပိုင်ရှင်များ ဖြေရှင်းရခြင်းဖြစ်သည်။ ထို့ပြင် ကာယကံရှင်ကိုယ်တိုင်က ငယ်ရွယ်လွန်း၍ လုပ်သင့်မလုပ်သင့် မဝေခွဲနိုင်ဘဲ ပို့စ်တစ်ခု၊ ဓာတ်ပုံတစ်ပုံတို့ကို ဝေမျှခဲ့သည့် ပြဿနာများက ဖေ့စ်ဘွတ်ခ်ကုမ္ပဏီအပြင် အုပ်ထိန်းသူမိဘများပါ သတိထားရမည့် ပြဿနာတစ်ခုဖြစ်လာနေသည်။ မကြာသေးမီက ဦးလေးဖြစ်သူ၏ မြန်မာနိုင်ငံရဲတပ်ဖွဲ့အင်္ကျီကို ယူဝတ်၍ ဖေ့စ်ဘွတ်ခ်တင်မိသည့် ဆယ်ကျော်သက်အရွယ် မိန်းကလေးတစ်ဦးမှာ အွန်လိုင်းသုံးစွဲသူများ၏ ပျစ်ပျစ်နှစ်နှစ် ဝေဖန်တိုက်ခိုက်မှုကို ခံလိုက်ရသည်။

ထို့ပြင် အကြောင်းအမျိုးမျိုးဖြင့် အမြင်ကတ်ခံနေရသော မိန်းကလေးများ၏ ဓာတ်ပုံနှင့် ဖုန်းနံပါတ်များကို လိင်ပိုင်းဆိုင်ရာဖျော်ဖြေရေးပြုလုပ်သည့် ဖေ့စ်ဘွတ်နှင့် ၀က်ဘ်ဆိုက်စာမျက်နှာများတွင် ကူးယူဖော်ပြခြင်းကို ခံနေရသည်။ အထူးသဖြင့် ဖုန်းနံပါတ်များကို အလွယ်တကူတင်ထားခြင်းဖြင့် Viber မှတစ်ဆင့် မကြားဝံ့မနာသာ လိင်ပိုင်းဆိုင်ရာ ထိခိုက်စော်ကားမှုများကို အမျိုးသမီးငယ်များ ပြုလုပ်ခံနေရသည်။

‘‘ဘယ်ဟာက အမှန်လဲ အမှားလဲဆိုတာတော့ မသိဘူး။ ဒါပေမဲ့ ဖေ့စ်ဘွတ်ခ်မှာ ဒီလိုမထော်မနန်းအလုပ်ခံရတဲ့ သတင်းတွေကြားတော့ ကိုယ့်သမီးကို အရမ်းစိုးရိမ်တယ်။ ပုံတွေကို သူများကကူးပြီး မဟုတ်မဟတ်လုပ်လိုက်မှဖြင့် တစ်သက်လုံး အရိပ်တကြည့်ကြည့် စောင့်ရှောက်လာခဲ့တဲ့ ကိုယ့်သမီးလေး နာမည်ပျက်အရှက်ရမှာ စိုးရိမ်တယ်။ ကျွန်မကတော့ သမီးကို ဖေ့စ်ဘွတ်ခ်မှာ ပုံတွေသိပ်မတင်ဖို့ ပြောထားတယ်’’ဟု သာကေတမြို့နယ်မှ အသက် (၅၃) နှစ်အရွယ် ဒေါ်သင့်သင့်တင်က ပြောသည်။

မြန်မာ့ဆက်သွယ်ရေး၏ သတင်းထုတ်ပြန်ချက်အရ ၂၀၁၄ ခုနှစ်တွင် မြန်မာနိုင်ငံတွင်း အင်တာနက်အသုံးပြုသူ ခုနစ်သန်းနှင့် ဖေ့စ်ဘွတ်ခ်သုံးစွဲသူ သုံးသန်းကျော်ရှိနေပြီဖြစ်သည်။ ထိုစာရင်းများအရ ဖေ့စ်ဘွတ်ခ်ပေါ်တွင် ပုဂ္ဂိုလ်ရေးပုံဖျက်တိုက်ခိုက်ခံရသည့် ပို့စ်တစ်ခုအတွက် အချိန်ငါးမိနစ်ပြည့်အောင်ပင် စောင့်ဆိုင်းစရာမလိုပါ။

၂၀၁၅ အထွေထွေရွေးကောက်ပွဲကျင်းပရန် နီးကပ်လာချိန်တွင် တက်ကြွလှုပ်ရှားသူများနှင့် နိုင်ငံရေးအစုအဖွဲ့သဏ္ဌာန် လှုပ်ရှားမှုများအပေါ် ပစ်မှတ်ထားသည့် ဆိုက်ဘာစစ်ပွဲဆင်နွှဲတိုက်ခိုက်မှုများက ပိုမိုမြင့်တက်လာနိုင်ခြေရှိနေပြီဖြစ်သည်။ မျိုးစောင့်ဥပဒေများကို လူ့အခွင့်အရေးရှုထောင့်က ဝေဖန်ထောက်ပြကြသော တက်ကြွလှုပ်ရှားသူများဆိုလျှင် ဖုန်းများဖြင့် ခြိမ်းခြောက်မက်ဆေ့ခ်ျပို့ခြင်းအပြင် အွန်လိုင်းတွင် ဓာတ်ပုံနှင့်တကွ အပုပ်ချတိုက်ခိုက်မှုများကို ခံနေရသည်။

အကျိုးဆက်ကတော့ လူ့အခွင့်အရေးဆိုသည်မှာ မြန်မာနိုင်ငံသားများအတွက် ကောင်းကျိုးမရှိဟု ထင်မြင်ယူဆအောင် လှုံ့ဆော်မှုများ ပလူပျံလာခဲ့ကြောင်း တန်းတူညီမျှမှုကွန်ရက်ဒါရိ်ုက်တာ ဦးအောင်မျိုးမင်းက ပြောကြားသည်။‘‘ကျွန်တော်တို့က အမျိုးဘာသာသာသနာကို မစောင့်ရှောက်တဲ့သူဆိုပြီး နာမည်တွေတပ်ပြီး ဓာတ်ပုံတွေနဲ့ မဟုတ်တမ်းတရားတွေ လျှောက်ရေးတယ်။ ဒါဟာ ပုဂ္ဂိုလ်ရေးကိုလည်း ထိခိုက်တယ်။ ဖုန်းနဲ့ ခြိမ်းခြောက်တာတွေကို ကျွန်တော်တို့ စနစ်တကျမှတ်တမ်းယူထားနိုင်ပေမယ့် အွန်လိုင်းက နာမည်မှန်လည်းမသုံးတဲ့ အကောင့်တွေကိုကျတော့ ဘာမှလုပ်လို့မရဘူးဖြစ်နေတယ်။ Personal Smear Campaing (ပုဂ္ဂိုလ်ရေးအပုပ်ချတိုက်ခိုက်မှု)တွေကတော့ အွန်လိုင်းမှာ အောက်တန်းကျတဲ့နည်းလမ်းတွေနဲ့ လုပ်ခံနေရဆဲပဲ’’ဟု ၎င်းကပြောသည်။

အကောင်းဆုံးမှာ ဖေ့စ်ဘွတ်သုံးသူတစ်ဦးအနေဖြင့် အရာရာကို ချက်ချင်းတုံ့ပြန်ခြင်းထက် အချိန်ခဏပေး၍ အမှားအမှန်ကို သုံးသပ်မှုအရင်ဆုံးလုပ်သင့်ကြောင်း အစိုးရ၀န်ထမ်းတစ်ဦးက သုံးသပ်သည်။

‘‘ဖေ့စ်ဘွတ်ခ်ဆိုတာ အရွယ်မျိုးစုံရဲ့ ခံစားမှုမျှဝေပေးတဲ့နေရာတစ်ခုလို့ ထင်ပါတယ်။ အဲဒီလို မျှဝေစာတွေအပေါ် တချို့ကလည်း ပါဝင်ခံစားပြီး ဒါက တကယ်လား၊ တင်ပြသူရဲ့ စိတ်ကူးလားဆိုတာ မဝေခွဲတော့ဘူး။ ကိုယ့်ဆန္ဒနဲ့တူရင် အမှန်ပေါ့။ မတူရင်တော့ အမှန်းဆိုပြီး တွေ့ရပါတယ်’’ဟု ၎င်းကဆိုသည်။

ထို့အပြင် ၎င်း၏အမည်ကိုတပ်၍ အွန်လိုင်းတွင် မကြာခဏပုဂ္ဂိုလ်ရေးတိုက်ခိုက်မှုများ ပြုလုပ်နေသူများကို လက်ရှိတည်ဆဲဥပဒေဖြစ်သည့် အီလက်ထရွန်းနစ် ဆက်သွယ်ဆောင်ရွက်ရေးဥပဒေဖြင့် အရေးယူ၍ရသည်ကို မေ့မနေသင့်ကြောင်း နိုင်ငံရေးအကျဉ်းသားဟောင်း ဦးဇာဂနာက ၎င်း၏ဖေ့စ်ဘွတ်ခ်စာမျက်နှာတွင် ရေးသားခဲ့သည်။

‘‘အနည်းဆုံးကတော့ ဒီအကောင့်တွေက ဘယ်သူတွေသုံးနေလဲဆိုတာ နည်းပညာကျွမ်းကျင်သူတွေနဲ့ ပြဿနာကို ခြေရာခံရင်သိပ်မခက်ပါဘူး။ ဗြောင်ငြင်းတာ ငြင်းလို့ရတယ်။ ဒါပေမဲ့ ဒီအဆင့်လောက်ကတော့ အစိုးရက စိတ်စေတနာရှိမယ်ဆိုရင် တရားရုံးအဆင့်လောက်နဲ့ ဖြေရှင်းလို့ရတယ်’’ဟု ဦးစည်သူအောင်မြင့်က ပြောသည်။ ယခုအခါ သတင်းထောက်အမျိုးသမီးငယ်အချို့၏ အကောင့်များမှ ဓာတ်ပုံများကိုကူးယူ၍ အဆိုပါအမျိုးသမီးတို့၏ ဓာတ်ပုံတို့ကိုသုံးကာ အကောင့်တုများဖွင့်ထားပြီး လိင်ပိုင်းဆိုင်ရာဓာတ်ပုံများ၊ ၀က်ဘ်ဆိုက်များဖြင့် ပုံဖျက်တိုက်ခိုက်မှုများ ကြုံနေရသည်။

‘‘ကျွန်မဓာတ်ပုံနဲ့ နာမည်ကိုယူပြီး အကောင့်တစ်ခုဖွင့်တာ သွားတွေ့တဲ့အချိန်မှာ သူ ဘာမှမရေးပေမယ့် တော်တော်တော့စိုးရိမ်သွားတယ်။ အတွေးပေါင်းစုံပေါ့။ ဘာရည်ရွယ်ချက်ကြောင့်လုပ်တာလဲ၊ ဘယ်သူများလဲဆိုပြီးပေါ့နော်။ အဲဒီလိုလုပ်တာသိတဲ့နေ့ကစပြီး ဖေ့စ်ဘွတ်ခ်ကိုပဲ တစ်ချိန်လုံးလိုလို ဖွင့်ထားမိပြီး အဲဒီအကောင့်ကို တစ်ချိန်လုံးစောင့်ကြည့်နေခဲ့တယ်။ သူ တစ်ခုခုများလုပ်မလား စိုးတာ။ သူငယ်ချင်းတွေလည်းဝိုင်းပြီး အကောင့်ပျက်အောင်လုပ်ပေးဖို့ အကူအညီတောင်းရတယ်’’ဟု The Trade Times အပတ်စဉ်ထုတ်ဂျာနယ် သတင်းထောက် မဇင်မို့မို့အေးကပြောသည်။

နိုင်ငံရေးလှုပ်ရှားမှုများ အရှိန်မြင့်လာမည့် ၂၀၁၅ ရွေးကောက်ပွဲမတိုင်မီ အွန်လိုင်းမှ ပုဂ္ဂိုလ်ရေးအပုပ်ချတိုက်ခိုက်မှုများမှာ ရေချိန်တဖြည်းဖြည်းမြင့်လာနိုင်ပါသည်။ အထူးသဖြင့် ထိလွယ်ရှလွယ်သော ဘာသာရေးကို နိုင်ငံရေးတွင် အသုံးချနေကြောင်း ဝေဖန်မှုများရှိနေသည့် ရွေးကောက်ပွဲကြိုကာလ စောင့်ကြိုနေသည့် အွန်လိုင်းအပုပ်ချမှုများအပေါ် ပြည်သူများ၏ ချင့်ချိန်ဆင်ခြင်နိုင်စွမ်းကို အဖြေထုတ်ပေးတော့မည်ဖြစ်ပါသည်။

7day daily

အပြည့်အစုံသို့ »

သပိတ်မှောက်ကျောင်းသားများကို မြင်းခြံရဲစခန်းတွင်အမှုဖွင့်



ကျောင်းသားများကို မြင်းခြံအထွက်မှစ၍ လုံခြုံရေးတာဝန်မယူတော့ဟု တာဝန်ရှိသူကပြော၊ တောင်သာတွင် တားဆီးနေသူများ စောင့်ဆိုင်းနေဟု သတင်းများထွက်ပေါ်

အမျိုးသားပညာရေးဥပဒေကို မန္တလေးမှ ရန်ကုန်ထိ ခရီးရှည်ချီတက်သပိတ်မှောက်သော ကျောင်းသားများ ဇန်နဝါရီ ၂၆ ရက်က မြင်းခြံမြို့တွင်း ဆန္ဒပြနေစဉ် (ဓာတ်ပုံ − ဒီမိုကရေစီပညာရေးလှုပ်ရှားမှု ဦးဆောင်ကော်မတီ)

အမျိုးသားပညာရေး ဥပဒေကို သပိတ်မှောက်သော ကျောင်းသားများ မြင်းခြံမြို့သို့ ရောက်ရှိစဉ် မြင်းခြံဒီဂရီကောလိပ်အတွင်းရှိ နိုင်ငံတော်အလံကို ဖြုတ်ချပြီး ကျောင်းသားသမဂ္ဂအလံ လွှင့်ထူခဲ့ခြင်းကြောင့် မြင်းခြံရဲစခန်းက နိုင်ငံတော်အလံဥပဒေ ပုဒ်မ ၁၆ ဖြင့် အမှုဖွင့်အရေးယူထားကြောင်း နိုင်ငံပိုင် ရုပ်သံသတင်းမှ ထုတ်လွှင့်ကြေညာခဲ့သည်။

နိုင်ငံတော်အလံကိုဖယ်ရှား၍ ကျောင်းသားသမဂ္ဂအလံကို လွှင့်ထူခဲ့ခြင်းမှာ မှန်ကန်ပြီး အမှုဖွင့်ထားခြင်းကိုမူ မသိရှိသေးကြောင်း သပိတ်မှောက်ကျောင်းသားများကပြောသည်။ မြင်းခြံ ဒီဂရီ ကောလိပ် ကျောင်းအုပ်ကြီး ဒေါက်တာကိုကိုမြင့်နှင့် ဆရာ၊ ဆရာမများက ကျောင်းတွင်းသို့ မ၀င်ရန် တားမြစ်ခဲ့သော်လည်း ကျောင်းသားများက အတင်းဝင်ရောက်၍ ကျောင်းအတွင်း စိုက်ထူထားသည့် နိုင်ငံတော်အလံကို ဖြုတ်ချကာ ကျောင်းသားသမဂ္ဂအလံကို လွှင့်ထူလိုက်ခြင်းကြောင့် မြင်းခြံရဲစခန်းက အမှုဖွင့် အရေးယူလိုက်ခြင်းဖြစ်ကြောင်း ယမန်နေ့ညက ထုတ်လွှင့်သော မြန်မာ့အသံ နှင့် ရုပ်မြင်သံကြား သတင်းတွင်  ကြေညာခဲ့သည်။

အမှုဖွင့်ထားသည့် ကျောင်းသားအရေအတွက်နှင့် ပတ်သက်၍  မြင်းခြံရဲစခန်းသို့ ဇန်န၀ါရီ ၂၆ ည ၁၀ နာရီခန့်တွင်  ဆက်သွယ်မေးမြန်းရာ တာဝန်ကျရဲအရာရှိက ဖြေကြားခြင်းမရှိပေ။

သပိတ်မှောက်ကျောင်းသားများက နိုင်ငံတော်အလံကို ဖြုတ်ချနေစဉ် (ဓာတ်ပုံ − MOI)



ဇန်န၀ါရီ ၂၀ရက်မှစတင်ပြီး မန္တလေးမြို့မှ ထွက်ခွာလာသည့် ကျောင်းသားအဖွဲ့သည် ခုနစ်ရက်မြောက်နေ့တွင် ယခုကဲ့သို့ မြင်းခြံ မြို့တွင် အာဏာပိုင်များက စတင် အမှုဖွင့် အရေးယူခဲ့ခြင်း  ဖြစ်သည်။

ထို့အပြင် ကျောင်းသားများ တည်းခိုနေသည့် စွန်းလွန်းဂူကျောင်းသို့ မြင်းခြံရဲစခန်းမှ တာဝန်ရှိသူများက ယမန်နေ့(ဇန်န၀ါရီ ၂၆ ရက်)ည၌ သပိတ်မှောက်ကျောင်းသားများအား ၎င်းတို့အနေဖြင့် လုံခြုံရေးအရ တာဝန်ယူပေးနိုင်မည်မဟုတ်ကြောင်း လာရောက် ပြောဆိုသွားခဲ့သည်ဟု သပိတ်မှောက် ကျောင်းသားများကဆိုသည်။

‘‘မြင်းခြံမြို့ပတ်ဝန်းကျင်မှာ  မြင်းခြံရဲစခန်းက ရဲတွေကို တပ်လှန့်ထားတယ်။ ကြားတဲ့သတင်းက ည ၂နာရီထိုးမှာ တည်းနေတဲ့ စွန်းလွန်းဂူကျောင်းကို ၀င်စီးမယ်လို့ကြားထားတယ်’’ ဟု ဒီမိုကရေစီပညာရေးဦးဆောင်လှုပ်ရှားမှု ကော်မတီဝင် ကိုမင်းသွေးသစ်က  7Day Dailyမှ ည ၁၀ နာရီအချိန် ဆက်သွယ်မေးမြန်းမှုကိုဖြေကြားသည်။

မြင်းခြံစွန်းလွန်းဂူကျောင်းတွင် ဇန်န၀ါရီ ၂၆ရက်က သပိတ် မှောက် ကျောင်းသား  တစ်ရာကျော် တည်းခိုနေပြီး ဇန်န၀ါရီ ၂၆ ရက်  တစ်ရက်လုံး မြင်းခြံမြို့တွင်း လှည့်လည်သပိတ်မှောက်ပွဲ ဆင်နွှဲရာ ဒေသခံ ကျောင်းသားသုံးရာကျော်နှင့် မြို့ ခံတစ်ထောင်ကျော် ပူးပေါင်းပါဝင်ခဲ့ကြောင်း သိရသည်။ သပိတ်မှောက်ကျောင်းသားများက အဖမ်းမခံရမချင်း ဆက်လက်ချီတက်မည်ဖြစ်ပြီး ရန်ကုန်တွင် သပိတ်စခန်းဖွင့်၍ တောင်းဆိုမှုများပြုလုပ်သွားမည်ဟု ကိုမင်းသွေးသစ်ကဆိုသည်။

သပိတ်မှောက်ကျောင်းသားများက ကျောင်းသားသမဂ္ဂအလံကိုလွှင့်ထူပြီးနောက် တွေ့ရစဉ် (ဓာတ်ပုံ − MOI)



‘‘အခုအချိန်ထိတော့ မြို့ထဲမှာ တည်တည်ငြိမ်ငြိမ်ပါပဲ။ စွန်းလွန်းဂူကျောင်းဘက်က ကျွန်တော်ပြန်လာတာ အားလုံးအေးဆေးပါပဲ’’ဟု မြင်းခြံဒေသခံတစ်ဦးက ည ၁၀ နာရီခွဲတွင် ပြောကြားသည်။

သပိတ်မှောက်ကျောင်းသား များကမူ စွန်းလွန်းဂူကျောင်းအနီး တစ်ဝိုက်တွင် မြို့ခံအချို့က လာရောက်စောင့်ကြည့်အားပေးနေပြီး ညလုံးပေါက်စောင့်ဆိုင်းပေးဖွယ်ရှိကြောင်း ကျောင်းသားများက ခန့်မှန်းပြောဆိုသည်။

အဆိုပါအဖွဲ့သည် ယခုညတွင် ဖမ်းဆီးခြင်းမခံရပါက ဇန်န၀ါရီ ၂၇ ရက်၌ မြင်းခြံမှ တောင်သာသို့ ဆက်လက်ထွက်ခွာမည် ဖြစ်ကြောင်း ၎င်းကပြောသည်။

အင်တာနက်လူမှုကွန်ရက် စာမျက်နှာများနှင့် ပြင်ပတွင် အဆိုပါကျောင်းသားအဖွဲ့ကို ရဲတပ်ဖွဲ့အပါအ၀င် ပြီးခဲ့သည့်အစိုးရလက်ထက်က စွမ်းအားရှင်ဟုလူသိများသည့် အမည်မသိလူတစ်စုကလည်း ပိတ်ဆို့အကြမ်းဖက်မည်ဟု သတင်းများလည်း ထွက်ပေါ် လျက်ရှိသည်။

သပိတ်မှောက်ကျောင်းသား  အဖွဲ့ကမူ တောင်သာမြို့သို့ ဆက်လက်ထွက်ခွာရာတွင် ပိတ်ဆို့တားဆီးမည့်သူများရှိသည့် အကြောင်းကို သတင်းသာရရှိထားပြီး တိတိကျကျမသိရှိသေးဟုဆိုသည်။

သိပိတ်မှောက်ကျောင်းသားများ၏ နောက်ဆုံးအခြေအနေကို ည ၁၂နာရီအထိ ဆက်သွယ်မေးမြန်းမှုများအရ ကျောင်းသားများမှာ ဇန်န၀ါရီ ၂၇ရက်တွင် တောင်သာမြို့သို့ ချီတက်မည့် လမ်းကြောင်းကို စုရုံးတိုင်ပင်ဆွေးနွေးလျက်ရှိပြီး မြို့၏အခြေအနေနှင့် ဘုန်းကြီးကျောင်းအနီးတစ်ဝိုက်တွင်လည်း တည်ငြိမ်နေဆဲဖြစ်ကြောင်း သပိတ်မှောက်ကျောင်းသားများနှင့် ဒေသခံများကပြောသည်။ ဇန်န၀ါရီ ၂၀ရက်မှစတင်ကာ မန္တလေးမြို့ အိမ်တော်ရာ ၁၄  ခန်းဇရပ်အနီးမှ စတင်ထွက်ခွာ လာသော ကျောင်းသားသပိတ်အဖွဲ့သည် ဇန်န၀ါရီ ၂၅ရက် ညနေ ၆ နာရီခန့်တွင် မြင်းခြံမြို့သို့ရောက်ရှိခဲ့သည်။

မြန်မာနိုင်ငံဒေသအနှံ့မှ ချီ တက်လာမည်ဖြစ်သောမြေလတ်ဒေသ ကျောင်းသားသပိတ် စစ်ကြောင်း၊ ဧရာဝတီ သပိတ်စစ်ကြောင်း၊ ထားဝယ် သပိတ်စစ်ကြောင်းတို့နှင့် ပူးပေါင်းကာ ရန်ကုန်မြို့၌ သပိတ်စခန်းဖွင့်မည်ဖြစ်ကြောင်း ကျောင်းသားသပိတ် ကော်မတီက ကြေညာထားသည်။

7daydaily.com

အပြည့်အစုံသို့ »

ပြိုင်ဘက်မရှိသဖြင့် ရုပ်ရှင်အစည်းအရုံးဥက္ကဋ္ဌ ရာထူးအတွက် လူမင်းပြန်အရွေးခံရ



ဓာတ်ပုံ- ဇွဲဉာဏ်
မြန်မာနိုင်ငံ ရုပ်ရှင်အစည်းအရုံး အမှုဆောင်သစ်ရွေးချယ်ခြင်းကို ယနေ့ (ဇန်န၀ါရီ ၂၇ ရက်) နံနက်တွင် ပြုလုပ်ခဲ့ရာ ရုပ်ရှင်အစည်းအရုံးဥက္ကဋ္ဌနေရာအတွက် လက်ရှိဥက္ကဋ္ဌ ဦးလူမင်းကပင် ပြန်လည်ရွေးချယ်ခံခဲ့ရကြောင်း သတင်းရရှိသည်။

‘‘ဥက္ကဋ္ဌနေရာကို ကျန်တဲ့လူတွေက ၀င်မပြိုင်ပါဘူး။ ဦးလူမင်းတစ်ယောက်ပဲ ၀င်ပြိုင်တာဖြစ်လို့ ပြိုင်ဘက်မရှိပါဘူး။ ကျန်တဲ့နေရာတွေအတွက်ကတော့ နှစ်ယောက်၊ သုံးယောက်ရှိရင် မဲနဲ့ ရွေးတယ်’’ဟု ရွေးကောက်ပွဲကော်မရှင်ဥက္ကဋ္ဌ ဦးနှင်းမိုးက ပြောသည်။
   
ကနဦးတွင် ဥက္ကဋ္ဌရာထူးအတွက် ပြန်လည်ယှဉ်ပြိုင်တော့မည် မဟုတ်ကြောင်း ပြောကြားခဲ့သော်လည်း  ရွေးကောက်ပွဲကို စိတ်ဝင်စားသူ နည်းသောကြောင့် ဆုံးဖြတ်ချက်ပြင်လိုက်ကြောင်း လူမင်းက ပြောကြားခဲ့သည်။

ဒုဥက္ကဋ္ဌရာထူးတွင် ဦးအေးကြူလေးက ဒုဥက္ကဋ္ဌက ၁၊ ဦးဇော်မင်းက ဒုဥက္ကဋ္ဌ ၂ အဖြစ် ရွေးချယ်ခံခဲ့ရပြီး အတွင်းရေးမှူး ရာထူးအတွက် ဦးကိုကိုတင်က ရွေးချယ်ခံခဲ့ရသည်။

7daydaily.com

အပြည့်အစုံသို့ »

ကျောင်းဆရာမနှစ်ဦးကို သတ်ဖြတ်သူဟု သံသယရှိ အရပ်သားတစ်ဦး ဓာတ်ပုံရရှိထားဟုဆို


 ကြူကုတ်မြို့နယ် ကောင်းခါးကျေးရွာတွင် အသတ်ခံရသော ကျောင်းဆရာမလေးနှစ်ဦးအမှုနှင့် ပတ်သက်၍ ဒေသတွင်းအခြေစိုက် တပ်မတော်သားများအား စွပ်စွဲမှုများရှိနေသော်လည်း တရားခံဟု ယူဆရဖွယ်ရှိသည့် အရပ်သားတစ်ဦး၏ သက်သေအထောက်အထား ဓာတ်ပုံတစ်ပုံရရှိထားကြောင်း ရှမ်းပြည်နယ် ရဲတပ်ဖွဲ့မှ သတင်းရရှိသည်။

‘‘တပ်ကို အဓိက အပုပ်ချနေတာပေါ့။ တပ်ကလုပ်တယ် ဆိုပြီးတော့လေ။ တခြား သတင်းတွေလည်း ရထားတာရှိတယ်။ ဓာတ်ပုံတစ်ပုံလည်း ရထားတယ်။ ဆေးစာလည်း ထွက်လာပါပြီ။ အဓမ္မပြုကျင့်တာ မြောက်၊ မမြောက် သေချာသိဖို့ ဓာတုဗေဒရုံးကို ဆက်ပို့ထားတယ်’’ဟု ပြည်နယ်အဆင့်ရဲအရာရှိတစ်ဦးကပြောသည်။

သေဆုံးသူဆရာမတစ်ဦး၏ လက်ထဲမှ ရုန်းရင်းဆန်ခတ်ဖြစ်နေစဉ် ဆွဲယူထားဖွယ်ရှိသည့် ဆံပင်အချို့ တွေ့ရပြီး DNA စစ်ဆေးရန် ဓာတုဗေဒရုံးသို့ ပို့ထားကြောင်း သတင်းရရှိသည်။ ပြစ်မှုကျူးလွန်သူများမှာ ဒေသတွင်းအခြေစိုက် စစ်တပ်ရင်းမှ တပ်မတော်သားအချို့ဖြစ်နိုင်ကြောင်း စွပ်စွဲမှုများလူမှုကွန်ရက်စာမျက်နှာများတွင် ပျံ့နှံ့နေသော်လည်း ရရှိထားသော အထောက်အထားများအရ မဖြစ်နိုင်ကြောင်း အမှုစစ်ရဲအရာရှိတစ်ဦးက ပြောသည်။

တပ်မတော်သားများ ကျူးလွန်ခြင်းဖြစ်ကြောင်း စွပ်စွဲနေသူများမှာ ဒေသတွင်းမှ နိုင်ငံရေးပါတီအချို့နှင့် စစ်တပ်မလိုလားသူများဖြစ်ပြီး အမှုမှန်ပေါက်ပေါက်ရေးအတွက် ကြူကုတ်မြို့နယ်ခွဲ အုပ်ချုပ်ရေးမှူး၊ မြို့နယ်ရဲ စခန်းမှူး၊ မူဆယ်ကချင်နှစ်ခြင်း အသင်းတော်မှဓမ္မဆရာတစ်ဦး၊ မုံးပေါ်ပြည်သူ့စစ်အဖွဲ့ ပါဝင်သော  စုံစမ်းစစ်ဆေးရေးအဖွဲ့ကို ဖွဲ့စည်းထားသည်။ ဆရာမနှစ်ဦးအသတ်ခံရ သောအမှုကြောင့် ဒေသတွင်းဆူပူ ဆန္ဒပြမှုများမဖြစ်ရန် အစိုးရတာ ၀န်ရှိသူများက မေတ္တာရပ်ခံထား သည်။တာဝန်ရှိသူများက မေတ္တာရပ်ခံထားသော်လည်း သေဆုံးသူ ဆရာမနှစ်ဦး၏ ရုပ်အလောင်းကို မူဆယ်မှ မြစ်ကြီးနားမြို့သို့ သယ်ဆောင်နေစဉ် လမ်းတစ်လျှောက်မြို့များတွင် အမှုမှန်ဖော်ထုတ်ပေးရန် ဒေသခံလူဦးရေထောင်ချီ၍ ဆန္ဒပြနေကြောင်းသတင်း ရရှိသည်။ သေဆုံးသူနှစ်ဦး၏ မိဘများတောင်းဆိုမှုဖြင့် ကချင်နှစ်ခြင်းအသင်းတော် တာဝန်ရှိသူများ ဦးဆောင်သယ်ယူခြင်းဖြစ်သည်။

‘‘နမ့်ဖက်ကာမှာလည်း လူတွေ ထောင်ချီတယ်။ ကွတ်ခိုင်မှာလည်း စောင့်နေကြတယ်’’ ဟု ဆရာမနှစ်ဦး၏ ရုပ်အလောင်းကိုကားမောင်း၍လိုက်ပို့နေသည့် မူဆယ်နာရေးကူညီမှုအသင်းမှ အဖွဲ့ဝင်တစ်ဦးကပြောသည်။

 ဆရာမနှစ်ဦး၏ ရုပ်အလောင်းကို မြစ်ကြီးနားနှင့် ဆယ်မိုင်အကွာ ဂျော်ဘွမ်ရှိ ကချင်နှစ်ခြင်းခရစ်ယာန်သင်္ချိုင်းတွင် မြေမြှုပ်သင်္ဂြိုဟ်မည်ဖြစ်သည်။

အသတ်ခံရသည့် အသက် (၂၀)အရွယ်ရှိ ခေါန်နန်စင်နှင့် လုရာတို့နှစ်ဦးသည် ကချင်နှစ်ခြင်း ခရစ်ယာန်အသင်းတော် (KBC) ၏ ခွင့်ပြုချက်ဖြင့် ကောင်းခါးကျေးရွာမှ ကလေးငယ်များကို အခမဲ့ ပညာသင်ကြားပေးသူများဖြစ်ပြီး ၎င်းတို့တည်းခိုရာ ဘုရားကျောင်း ၀င်းအတွင်း အိမ်ခန်းတွင် သေဆုံးနေသည်ကို ဇန်န၀ါရီ ၂၀ ရက် နံနက်က တွေ့ရကြောင်း သေဆုံးသူ၏ မိသားစုဝင်များက ဆိုသည်။‘‘သေဆုံးသွားတဲ့ တစ်ယောက်က ကျွန်တော်နဲ့ အိမ်နီးချင်းပဲ။ သူ့မိဘတွေက ငိုပဲငိုနေကြတယ်’’ဟု သေဆုံးသွားသူတစ်ဦးနှင့် အိမ်နီးချင်းဘာသာရေးဆရာ ဦးနော်တောင်က ပြောသည်။

ယင်းတို့နှစ်ဦး အဓမ္မပြုကျင့် အသတ်ခံရမှုကို စုံစမ်းစစ်ဆေးရန် မြို့နယ်အုပ်ချုပ်ရေးမှူး၊ ဒေသခံစခန်းမှူး၊ KBC အသင်း (မူဆယ်)နှင့် မုံးပေါ်ပြည်သူ့စစ်အဖွဲ့မှ အ ဖွဲ့ဝင်တစ်ဦး စုစုပေါင်း လေးဦးဖြင့် ဖွဲ့စည်းစစ်ဆေးနေပြီး မျက်မြင် တွေ့ရှိချက်အရ ဆရာမနှစ်ဦးမှာ မုဒိမ်းကျင့်ခံရပြီးနောက် တုတ်၊ ဓား၊ လက်နက်များဖြင့် အသတ်ခံရသည်မှာ ထင်ရှားကြောင်း သတင်းရရှိသည်

http://7daydaily.com/story/29977#.VMNTkUeUewh

အပြည့်အစုံသို့ »

သဘာဝအတိုင်း မျက်ခုံးမွေးထူထူလေးတွေဖြစ်ဖို့


မျက်ခုံးမွေးပါးနေရင် အသက်ကြီး သယောင်၊ မပေါ်လွင်သယောင် ဖြစ်တတ်လို့ နက်မှောင်ထူထဲတဲ့ မျက်ခုံးမွေးတွေကို ပိုင်ဆိုင်လိုသူ များပါတယ်။ မျက်ခုံးမွေးနုတ် လွန်းတာ၊ ပုံဖော်လွန်းတာ၊ ဖယောင်းသွင်းတာတွေကြောင့် လူအတော်များများဟာ မျက်ခုံး မွေးပါးပါးလေးတွေဖြစ်ကုန်တတ် ပါတယ်။ ဒါကြောင့်မို့ မျက်ခုံးမွေး ပြန်စိုက်စရာမလိုဘဲ သဘာဝ ပစ္စည်းတွေနဲ့ မျက်ခုံးထူထူလေး ပြန်ဖြစ်အောင်လုပ်နိုင်ဖို့ အကြံပြု လိုက်ပါတယ်။
    ကြက်ဆူဆီ၊ အုန်းဆီ၊ သံ လွင်ဆီတွေဟာ မျက်ခုံးမွေးသန် စွမ်းဖို့အတွက် ထောက်ကူပြုနိုင် ပါတယ်။ ကိုယ်ကြိုက်နှစ်သက် ရာဆီကို မျက်ခုံးမွေးပေါ်သုတ် လိမ်းပြီး ညင်သာစွာနှိပ်ကာ နာရီ ဝက်လောက်ထားပြီး ရေနွေးနွေး လေးနဲ့ ဆေးကြောပေးရပါမယ်။ နေ့စဉ်လုပ်ပေးမယ်ဆိုရင် ထူးခြား တဲ့ အပြောင်းအလဲတွေမြင်တွေ့ ရမှာဖြစ်ပြီး တစ်ခုသတိထားရမှာ က ကြက်ဆူဆီကိုသုံးတဲ့အခါ ယားယံတာတို့၊ ပူလောင်တာတို့ ဖြစ်ရင် ဆက်မသုံးသင့်ပါဘူး။
    ကြက်သွန်နီကို ကြိတ်ခြေ အရည်ညှစ်ပြီး မျက်ခုံးမွေးပေါ် သုတ်လိမ်းနိုင်သလို ကြက်ဥအနှစ် နဲ့လည်း လုပ်ကြည့်နိုင်ပါသေး တယ်။ ကြက်ဥအနှစ်ကိုခေါက် မွှေပြီး ဂွမ်းသန့်သန့်နဲ့ မျက်ခုံးမွေး ကိုသုတ်လိမ်းပေးရမှာပါ။ ပဲနံ့သာ ကိုလည်း ရေစိမ်၊ အနှစ်ဖြစ် အောင် ထုထောင်းသံလွင်ဆီ(ဒါမှ မဟုတ်)အုန်းဆီနဲ့ရောပြီး ညအိပ် ရာဝင်ခါနီးလိမ်းပေးနိုင်ပါတယ်။
    ရှားဇောင်းလက်ပပ်တို့၊ သံ ပရိုသီးတို့နဲ့လည်းသုတ်နိုင်ပြီး သံ ပရိုသီးသုတ်လိမ်းထားပြီး နှစ်နာရီ အတွင်း နေရောင်နဲ့မထိအောင် နေရပါမယ်။ ဘာကြောင့်လဲဆို တော့ မျက်ခုံးမွေးအရောင်တွေ ဖျော့သွားနိုင်လို့ပါ။ နောက်ပြီး အိမ်မှာ နွားနို့အသင့်ရှိနေတယ်ဆို ရင်လည်း မျက်ခုံးမွေးကို နွားနို့နဲ့ သုတ်   ခြောက်တဲ့အထိထားပြီး ရေဆေးရပါမယ်။ နောက်ဆုံးတစ် ချက်ကတော့ ကျန်းမာရေး အတွက် လိုအပ်တဲ့ဗီတာမင်တွေ၊ သတ္တုဓာတ်တွေ၊ အသားဓာတ် တွေရဖို့အတွက် ဟင်းသီးဟင်း ရွက်၊ အသားငါးမျှတစွာစားပေး ဖို့ပဲဖြစ်ပါတယ်။

7daydaily.com

အပြည့်အစုံသို့ »

မင်းအုပ်စိုး မူးယစ်ဆေးဝါး သုံး၊ မသုံး ဆေးစစ်ထားခြင်း မရှိဟုဆို


 မင်းအုပ်စိုး လူသတ်မှုကျူးလွန်စဉ်က မူးယစ်ဆေးဝါး သုံးစွဲခြင်း ရှိ၊ မရှိ ဆေးစစ်ထား သည်ဟု ပြောဆိုထားသော်လည်း တရားစွဲဆိုသည့်နေ့တွင် ဆေးစစ် ထားခြင်း မရှိသောကြောင့် လူသတ်မှုပုဒ်မဖြင့်သာ တရားစွဲဆိုလိုက်ကြောင်း ဗဟန်းမြို့နယ်ရဲတပ်ဖွဲ့စခန်းမှူး ဒုရဲမှူးသိန်းဝင်းကပြောသည်။

လူသတ်မှုဖြင့် ဖမ်းဆီးထားသော သရုပ်ဆောင် မင်းအုပ်စိုးကို ဇန်န၀ါရီ ၂၂ ရက်တွင် အ နောက်ပိုင်းခရိုင် တရားရုံး၌ လူသတ်မှုပုဒ်မ ၃၀၂ ဖြင့် တရားစွဲဆိုလိုက်ပြီး အခင်းဖြစ်ပွားချိန် က မင်းအုပ်စိုး မူးယစ်ဆေးဝါး သုံးစွဲထားခြင်း ရှိ၊ မရှိ ဆေးစစ်ထားခြင်း မရှိကြောင်း ဗဟန်းမြို့နယ် စခန်းမှူး ဒုရဲမှူးသိန်းဝင်းက 7Day Daily အား ပြောသည်။

‘‘မူးယစ်ဆေး စစ်မထားပါ ဘူး။ စစ်ဆေး မပေးဘူးပေါ့၊ သက်ဆိုင်ရာ မှုခင်းဆရာဝန်ကြီး က။ မူးယစ်ဆေးဝါးမှုနဲ့ တရားစွဲ တာ မဟုတ်ဘူးလေ။ လူသတ်မှု နဲ့ တရားစွဲတာ။ အဲဒါကြောင့် ဆေးစစ်မပေးဘူး။ ဒီနေ့ တရားစွဲ တာပါ။ ဖမ်းတုန်းကလည်း ၃၀၂ ပဲ။ စွဲတော့လည်း ၃၀၂ ပဲ’’ ဟု ဒုရဲ မှူးသိန်းဝင်းက ပြောသည်။

မင်းအုပ်စိုးသည် သေဆုံးသူ မဂ္ဂဇင်းအယ်ဒီတာ မတေးနုယဉ် အား ထိုးကြိတ်ရိုက်နှက်စဉ်က သာမန်ထိုးကြိတ်မှု ပြုလုပ်ခြင်း မဟုတ်သောကြောင့် မူးယစ်ဆေး ၀ါးသုံးစွဲထားခြင်း ရှိ၊ မရှိ စစ်ဆေး ပေးရန် သေဆုံးသူ၏ မိသားစုဝင် များက တောင်းဆိုထားသည်။ ထို သို့ ဆေးစစ်ထားမှုနှင့်ပတ်သက်၍ ဗဟန်းမြို့နယ် ရဲတပ်ဖွဲ့စခန်းမှူး ဒုရဲမှူး သိန်းဝင်းထံ မေးမြန်းရာ ဆေးစစ်ချက်ပြုလုပ်ထားကြောင်း ပြောကြားထားသည်။

မင်းအုပ်စိုး၏ မူးယစ်ဆေး အဖြေရလဒ်ကို ထုတ်ပြန်ကြေ ညာသွားမည် မဟုတ်ဘဲ တရားရုံး ၌သာ ဖြေကြားသွားမည်ဖြစ်ပြီး မူးယစ်ဆေးဝါး သုံးစွဲခြင်း အဖြေ ထွက်ရှိလာပါက အမှုတွဲ၌ထည့် သွင်း၍ တရားစွဲဆိုသွားမည်ဟု ဒုရဲမှူး သိန်းဝင်းက 7Day Dailyအား ပြောဆိုထားဖူးသည်။

‘‘တရားခံဘက်က လုပ်ပေး ဖို့ တောင်းဆိုလည်း လုပ်ပေးလို့ မရပါဘူး။ အရက်သေစာသောက် ထားခြင်း ရှိ၊ မရှိသာ စစ်ဆေးတာ ပါ။ အရက်မူးနေလို့ သတ်မိတာ ပေါ့။ မူးယစ်ဆေးဝါးစစ်ပေးဖို့ တောင်းဆိုလို့ မရဘူး။ လူသတ်မှု နဲ့ တရားစွဲထားတာလေ။ ပုဒ်မ ပြောင်းလို့ မရဘူး’’ ဟု ရှေ့နေ ဦးခင်ဇော်(မရမ်းကုန်း)က အကြံပြုပြောသည်။ မင်းအုပ်စိုးကို ဇန်န၀ါရီ ၂၂ ရက်တွင် တရားရုံးထုတ် တရားစွဲဆိုခဲ့ပြီး စစ်ဆေးခြင်းမရှိ ဘဲ ဖေဖော်ဝါရီ ၄ ရက်သို့ ရုံးချိန်းလိုက်သည်။

credit to : 7daydaily.com

အပြည့်အစုံသို့ »

ဦးဝီရသူကို ကန့်ကွက်ကြောင်း အာဏာပိုင်နှင့် ဘာသာရေးခေါင်းဆောင်များ ဆန္ဒထုတ်ဖော်ရန် ကုလတိုက်တွန်း


ကုလသမဂ္ဂက ခန့်အပ်ထားသော လူ့အခွင့်အရေးကျွမ်းကျင်သူ အထူးကိုယ်စားလှယ် တစ်ဦးအား ပြည့်တန်ဆာနှင့် ခိုင်းနှိုင်းသုံးစွဲခဲ့သည့် ဆရာတော်ဦးဝီရသူကို မြန်မာအစိုးရအာဏာပိုင် နှင့် ဘာသာရေးခေါင်းဆောင်များက ကန့်ကွက်ရှုတ်ချကြောင်း ဆန္ဒထုတ်ဖော်ပြသရန် ကုလသမဂ္ဂ လူ့အခွင့်အရေးဆိုင်ရာ အကြီးအကဲက မြန်မာအစိုးရအား တိုက်တွန်းပြောကြားလိုက်သည်။

ဂျီနီဗာအခြေစိုက် ကုလ သမဂ္ဂအဖွဲ့က ဇန်နဝါရီ ၂၁ ရက် တွင် ကြေညာချက်တစ်စောင် ထုတ်ပြန်ခဲ့ပြီး မြန်မာအစိုးရနှင့် ဘာသာရေး ခေါင်းဆောင်များအား တိုက်တွန်းတောင်းဆိုလိုက် ခြင်းဖြစ်သည်။

‘‘ကျွန်တော်တို့ရဲ့ လွတ်လပ်ပြီး အမှီအခိုကင်းစွာ ခန့်အပ်ထားတဲ့ မြန်မာနိုင်ငံဆိုင်ရာ လူ့အခွင့်အရေးကျွမ်းကျင်သူအရာရှိကို ဒီလိုလိင်ပိုင်းဆိုင်ရာစော်ကားတဲ့ အသုံးအနှုန်းပြောဆိုလိုက်တာကို လုံးဝဆန့်ကျင်ရှုတ်ချပါတယ်။ ဒီလိုပုံစံမျိုးနဲ့ ကျွန်တော်တို့အရာရှိ ဆက်ဆံခံရတာ လုံးဝသည်းမခံနိုင်စရာပါ။ ကျွန်တော့်အရာရှိကို ဒီလိုလူမြင်ကွင်းမှာ ပုဂ္ဂိုလ်ရေးတိုက်ခိုက်မှုတွေပြုလုပ်ခံရတာ အပါအဝင် မုန်းတီးမှုတွေဖြစ်အောင် သွေးထိုးလှုံ့ဆော်မှုတွေ အားလုံးကို ရှုတ်ချဖို့မြန်မာနိုင်ငံက နိုင်ငံရေးနဲ့ ဘာသာရေးခေါင်းဆောင်တွေကို ပြတ်ပြတ်သားသား တိုက်တွန်းပါတယ်’’ဟု ကုလလူ့အခွင့်အရေးဆိုင်ရာ အကြီးအကဲ မစ္စတာ Zeid Ra'ad Al Hussein က ပြောကြားထားသည်။

ရန်ဟီးလီကို တိုက်ခိုက်နေမည့်အစား ၎င်းအနေဖြင့် မြန်မာနိုင်ငံခရီးစဉ်အတွင်း တွေ့မြင်ခဲ့ရသည့် စိုးရိမ်ပူပန်မှုများကို မြန်မာအစိုးရနှင့် ဘာသာရေး ခေါင်းဆောင်များက ကိုင်တွယ်ဆောင်ရွက်သင့်ကြောင်း ထပ်မံဖြည့်စွက်ပြောကြားသည်။

ကုလ၏ ထုတ်ပြန်ချက်နှင့် ပတ်သက်၍ မြန်မာအစိုးရအနေဖြင့် တစ်စုံတစ်ရာ တုံ့ပြန်ပြောကြားရန်မရှိကြောင်း နိုင်ငံခြားရေးဝန်ကြီးဌာန တာဝန်ရှိသူတစ်ဦးက ပြောကြားသည်။

ထို့အပြင် သာသနာရေးဦးစီးဌာနကလည်း ဆရာတော်ဦးဝီရသူကို တိုင်ကြားသူရှိမှသာ အရေးယူနိုင်မည်ဖြစ်ကြောင်း ပြောကြားခဲ့သဖြင့် ပြည်တွင်းတွင် ဝေဖန်မှုများပေါ်ထွက်နေသည်။

ကုလလူ့အခွင့်အရေးအထူးကိုယ်စားလှယ် မစ္စစ်ရန်ဟီးလီကို ဆန့်ကျင်ဆန္ဒဖော်ထုတ်ပွဲတွင် စင်ပေါ်မှနေ၍ ရန်ဟီးလီမှာ အမျိုး ကောင်းသမီးမဟုတ်ဘဲ မြန်မာ နိုင်ငံအတွက် ပြည့်တန်ဆာပင် ဖြစ်ကြောင်း ပြောကြားခဲ့မှုကြောင့် ပြည်တွင်း ပြည်ပဝေဖန်မှုများစွာ ကြုံနေသည်။

ဆရာတော် ဦးဝီရသူကမူ ၎င်းအနေဖြင့် မစ္စစ်ရန်ဟီးလီ၏ မျိုးစောင့်ဥပဒေများအပေါ် ဝင်ရောက် စွက်ဖက်ပြောဆိုခြင်း၊ ရခိုင်အရေးတွင် ရိုဟင်ဂျာများ၏ လူ့အခွင့်အရေး မြှင့်တင်မှုတို့ကို အသားပေးပြောဆိုခြင်း စသည့်လုပ်ရပ်များကြောင့် ပြည့်တန်ဆာထက် ရင့်သီးသည့်အသုံးအနှုန်းရှိပါက ထပ်မံသုံးစွဲလိုကြောင်း 7 Day Daily အား ဖြေကြားခဲ့သည်။ ၎င်းအား ဝေဖန်မှုများအပေါ်တွင်လည်း ဦးဝီရသူက ဘာသာ သာသနာအတွက် ဆောင်ရွက်ခြင်းဖြစ်ပြီး လူဝတ်လဲရန်လည်းမလိုကြောင်း၊ မြတ်စွာဘုရားသခင်ရှိပါက ၎င်းကိုနားလည်ခွင့်လွှတ်မည်ဖြစ်ကြောင်း နောက်ရက်များ၌ ပြည်တွင်းမီဒီယာများအား ဖြေကြားခဲ့သည်။

ဇန်နဝါရီ ၂၂ ရက် သတင်းများအရ ဦးဝီရသူကို မန္တလေးတိုင်း သာသနာရေး ဦးစီးဌာနက ရုန့်ရင်းကြမ်းတမ်းသည့်စကားများ ပြောကြားမှုကြောင့် သာသနာတော်ညှိုးနွမ်းစေမှု ပုဒ်မဖြင့် အရေးယူရန် မန္တလေး မစိုးရိမ် ကျောင်းတိုက် ဆရာတော်ကြီးထံ လာရောက်လျှောက်ထားကြောင်း သတင်းများ ထွက်ပေါ်နေသည်။

‘‘အဲဒီသတင်းက မဟုတ်ပါဘူး။ တိုင်းသာသနာရေးဦးစီးဌာန က အရာရှိတွေ ကျောင်းကိုလာတာမှန်တယ်။ ဒါက တပို့တွဲလပြည့်နေ့မှာလုပ်မယ့် မစိုးရိမ်တိုက်သစ်ညီလာခံအတွက် လာရောက် လျှောက်ထားတာဖြစ်တယ်။ ဦးပဉ္စင်းကို တရားစွဲဖို့လာတာ မဟုတ်ပါဘူး’’ဟု ဦးဝီရသူက မိန့်ကြားသည်။

http://www.7daydaily.com/story/30059#.VMHQP0eUewh

အပြည့်အစုံသို့ »

ဂျပန်ဓားစာခံများကို သတ်ပစ်မည်ဟု အိုင်အက်စ်အဖွဲ့ ခြိမ်းခြောက်


ဂျပန်ဓားစာခံနှစ်ဦး ကင်ဂျီဂိုတို(ဝဲ)နှင့် ယူကာဝါတို့အား သတ်ပစ်မည်ဟု ခြိမ်းခြောက်ထားသော အိုင်အက်စ်အဖွဲ့၏ အယ်လ်ဖာကန် မီဒီယာက ထုတ်ပြန်ထားသည့် ဗီဒီယိုမှ ရယူထားသောပုံကို တွေ့ရစဉ် (AP)
အစ္စလာမ်မစ်နိုင်ငံ တော် (အိုင်အက်စ်) အဖွဲ့ တောင်း ဆိုသော အမေရိကန်ဒေါ်လာ  သန်း ၂၀၀ မပေးလျှင် ဂျပန်ဓား စာခံ နှစ်ဦးကို သတ်ပစ်မည်ဟု ခြိမ်းခြောက်ထားသော ဗီဒီယို တစ်ခုကို ဇန်န၀ါရီ ၂၀ ရက်တွင် အွန်လိုင်း၌ ဖော်ပြသည်။

အိုင်အက်စ်အဖွဲ့ကို တိုက် ခိုက်နေသည့် နိုင်ငံများအား အကူ အညီပေးမည်ဟူသော ဂျပန်အစိုး ရကို မျက်နှာဖုံးနှင့် စစ်သွေးကြွ တစ်ဦးက ယင်းဗီဒီယိုတွင် ဝေဖန် ခဲ့သည်။

ဂျပန်အစိုးရအနေဖြင့် ၇၂ နာရီအတွင်း အမေရိကန်ဒေါ်လာ  သန်း ၂၀၀ ဖြင့် ၎င်းလူနှစ်ဦး မရွေးလျှင် ယင်းလူများကို သတ် ပစ်မည်ဟု အဆိုပါ စစ်သွေးကြွ က ပြောကြားထားသည်။

ဂျပန်နိုင်ငံခြားရေးဝန်ကြီး ဌာနက ယင်းဗီဒိယိုကို အတည်ပြု နိုင်ရန် စစ်ဆေးနေပြီး ယင်းမှာ အ စစ်အမှန်ဖြစ်လျှင် အဆိုပါခြိမ်း ခြောက်မှုမှာ ခွင့်လွှတ်နိုင်ဖွယ်မ ဟုတ်ဟု ပြောကြားသည်။

ဂျပန်ဝန်ကြီးချုပ် ရှင်ဇိုအာ ဘေးသည် အရှေ့အလယ်ပိုင်းဒေ သသို့ ခြောက်ရက်တာ ခရီးစဉ်အ ဖြစ် လက်ရှိတွင် အစ္စရေးနိုင်ငံ ဂျေရုစလင်မြို့၌ ရှိနေသည်။

သို့ရာတွင် ၀န်ကြီးချုပ်အာ ဘေးသည် အဆိုပါ ဓားစာခံပြ ဿနာ ဖြေရှင်းရန် အရှေ့အလယ် ပိုင်းခရီးစဉ်ကို ဖျက်သိမ်းလိမ့် မည်ဟု ဂျပန် Kyodo သတင်းက ဖော်ပြသည်။

ဂျေရုစလင်မြို့၌ ပြုလုပ် သည့် သတင်းစာရှင်းလင်းပွဲတစ် ခုတွင် ဂျပန်ဝန်ကြီးချုပ် အာဘေး က ယင်းခြိမ်းခြောက်မှုများနှင့် ပတ်သက်၍ မခံမရပ်နိုင်ဖြစ်ရပြီး အပြင်းအထန် ဒေါသထွက်မိ သည်ဟု ပြောကြားကာ ယင်းဓား စာခံများကို ချက်ချင်းလွှတ်ပေးရန် တောင်းဆိုခဲ့သည်။

အရှေ့အလယ်ပိုင်းနိုင်ငံများ သို့ စစ်ရေးမဟုတ်သော အကူအ ညီများ ပေးမည်ဆိုသည့် ဂျပန်အ စိုးရသည် အိုင်အက်စ်များကို တိုက်ခိုက်နေသည့် နိုင်ငံများအား ကန် ဒေါ်လာ သန်း ၂၀၀ တန်ဖိုးရှိ စစ်ရေးနှင့်မပတ်သက်သော အကူအညီများပေးမည်ဟူသော ကတိ နှင့် အရှေ့အလယ်ပိုင်းဒေသသို့ အမေရိကန်ဒေါ်လာ နှစ်ဘီလီယံခွဲ တန်ဖိုးရှိ စစ်ရေးနှင့် မပတ် သက်သော အခြားအကူအညီများ ပေးမည်ဟု အာဘေးက ဇန်န၀ါရီ ၁၇ ရက်တွင် အီဂျစ်နိုင်ငံ ကိုင်ရို မြို့၌ ပြောကြားခဲ့သည်။

—Ref: BBC
http://7daydaily.com/story/29863#.VL8WRkeUewg

အပြည့်အစုံသို့ »

ပြည်ပသို့ သစ်ခိုးရောင်းခဲ့ခြင်း လုံးဝမရှိဟု ဦးတေဇပြော



(ဓာတ်ပုံ-နစ်ကီ)
သစ်ထုတ်လုပ်ရေးလုပ် ငန်းကို စတင်လုပ်ဆောင်စဉ်မှ ယနေ့အထိ အခြားနိုင်ငံသို့ ခိုးထုတ်ရောင်းချမှုမပြုလုပ်ခဲ့ကြောင်း ထူးကုမ္ပဏီအုပ်စုဥက္ကဋ္ဌဦးတေဇက သတင်းစာရှင်းလင်းပွဲတွင် ပြော သည်။

   ‘‘သစ်တောဝန်ကြီးတွေရော သစ်ထုတ်လုပ်သူတွေရော မသေသေးဘူး။ မေးကြည့်လို့ရပါ တယ်’’ဟု အထက်ပါပုဂ္ဂိုလ်က ပြောကြားသည်။

သစ်ထုတ်လုပ်ရေးလုပ်ငန်း လုပ်ကိုင်စဉ်က ဗြိတိသျှလက်ထက်က ကျင့်သုံးခဲ့သော သစ် ထုတ်လုပ်ရေးနည်းအတိုင်းတစ်ပင်ခုတ်ပြီး သုံးပင်ပြန်စိုက်ခဲ့ကြောင်း ၎င်းကပြောကြားသည်။ ထို့အပြင် ထုတ်ယူပြီးသော သစ်များကိုလည်း နိုင်ငံတော်မှတစ်ဆင့်ပြန်လည်ဝယ်ယူ၍ ရောင်းချမှုများပြုလုပ်ခဲ့သည်ဟု ရှင်းပြသည်။


မြန်မာနိုင်ငံတွင် ဦးတေဇ၏ ထူးကုမ္ပဏီက သစ်ထုတ်လုပ်ရေး လုပ်ငန်းများကို ကယားပြည်နယ်၊ ပဲခူးရိုးမ၊ ကျိုက်ထို၊ ကသာ၊ ရှမ်းပြည်နယ်တို့တွင် လုပ်ကိုင်ခဲ့သည်။

ဦးတေဇမှာလည်း သစ်လုပ်ငန်း ဖြင့် ချမ်းသာကြွယ်ဝလာသူတစ် ဦးဖြစ်သည်။

7daydaily.com

အပြည့်အစုံသို့ »

ဖမ်းဆီးထားသော ရဲသုံးဦးအား ကေအိုင်အေ ပြန်လွှတ်ပေး



တိုက်ပွဲများကြောင့် ပြည်သူတစ်ထောင်ကျော်ပိတ်မိနေသည့် အောင်ဘာလေရွာအနီးရှိ မြစ်ခရွမ်းကျေးရွာမှ စစ်ဘေးတိမ်းရှောင်လာသော ဒေသခံတစ်ဦးကို အစိုးရတပ်မတော် လမ်းပိတ်ထားသည့် ဆန်ခါရွာဂိတ်အနီးတွင် ဇန်နဝါရီ ၁၈ ရက်က တွေ့ရစဉ် (ဓာတ်ပုံ − မရန်)
ဖမ်းဆီးထိန်းသိမ်းထား သော ရဲတပ်ဖွဲ့ဝင်သုံးဦးအား ငြိမ်းချမ်းရေး အကျိုးဆောင်အဖွဲ့ (PCG)ထံ ကေအိုင်အေက ဇန်န၀ါ ရီ ၁၉ ရက် ညနေတွင် လွှဲပြောင်း ပေးလိုက်ပြီး လက်နက်များကိုမူ ဆက်လက် သိမ်းဆည်းထား ကြောင်း သတင်းရရှိသည်။

ဇန်န၀ါရီ ၁၄ရက်က ဖမ်းဆီး ခြင်းခံခဲ့ရသော ရဲအရာရှိတစ်ဦး နှင့် တပ်ဖွဲ့ဝင်နှစ်ဦးမှာ  ငါးရက်အ ကြာတွင် လွတ်မြောက်လာခြင်း ဖြစ်သည်။

ဇန်န၀ါရီ ၁၉ရက် ညနေ ၄ နာရီက ဂျာရာယန်စခန်းတွင်ကေ အိုင်အေတပ်ရင်း(၆)က PCG အဖွဲ့ထံ ယင်းရဲတပ်ဖွဲ့ဝင်သုံးဦးကို လက်နက်မှအပါ ပစ္စည်းအားလုံးနှင့် လွှဲပြောင်းပေးအပ်ခဲ့ခြင်းဖြစ်ကြောင်း ငြိမ်းချမ်းရေးအကျိုး ဆောင်ဦးလမိုင်ဂွန်ဂျာက ပြော သည်။

ညနေ ၆ နာရီကျော်တွင် ဖားကန့်မြို့နယ် ရဲတပ်ဖွဲ့မှူးရုံး၌ မြို့နယ်အုပ်ချုပ်ရေးမှူး၊ မြို့နယ်ရဲတပ်ဖွဲ့မှူး အပါအ၀င် တာဝန်ရှိသူများထံ စာရွက်စာ တမ်းနှင့်တကွ လွှဲပြောင်းပေးခဲ့ ခြင်းဖြစ်သည်။

‘‘အခုလေးတင် PCGအဖွဲ့က မြို့နယ်မှူး၊ အုပ်ချုပ်ရေးမှူးတို့ထံ လွှဲပြောင်းပြီးပါတယ်’’ ဟု ဖားကန့် မြို့မရဲစခန်းမှူးက ည ၇ နာရီခန့်က ပြောသည်။

လက်နက်များကို ဆက်လက် သိမ်းဆည်းထားခြင်းမှာ တပ်ပိုင်းဆိုင်ရာလုပ်ထုံးလုပ်နည်း များအရ ဆက်လက်ဆောင်ရွက် သွားရန်ဖြစ်ကြောင်း PCG အဖွဲ့ကဆိုသည်။

‘‘ဒါက တပ်ပိုင်းဆိုင်ရာဆိုတော့ ပဋိပက္ခညှိနှိုင်းဖြေရှင်းရေးအဖွဲ့ အချင်းချင်း ဆက်သွယ်ဆောင်ရွက်သွားဖို့ပါ’’ဟု ဦးလမိုင်ဂွန်ဂျာကဆက်လက်ပြောသည်။

ဇန်န၀ါရီ ၁၉ ရက်က ဖား ကန့်ဒေသတွင် တိုက်ပွဲကြီးများ ငြိမ်သက်နေသော်လည်း ကြိုးကြားကြိုးကြား ထိတွေ့မှုများဖြစ်ပွားနေဆဲဖြစ်ကြောင်း ကေအိုင်အေတပ်ရင်း(၆)မှအဆင့်မြင့်အရာရှိတစ်ဦးကဆိုသည်။

ဇန်န၀ါရီ ၁၉ ရက် ထိတွေ့မှု များအတွင်းဆန်ခါကျေးရွာမှ ဒေသခံတစ်ဦးသေဆုံးပြီးတစ်ဦးဒဏ်ရာ ရရှိခဲ့ကြောင်းဒေသခံများကပြောသော်လည်း နှစ်ဖက်စလုံးမှ သီးခြားအတည်ပြုချက် မရသေးပေ။

အစိုးရတပ်က သိမ်းယူခဲ့ သော စခန်းလေးခုကို ပြန်လည် သိမ်းယူနိုင်ခဲ့ကြောင်း ကေအိုင် အေဘက်က ပြောကြားခဲ့မှုကို မြန် မာ့တပ်မတော်အဆင့်မြင့်တာဝန် ရှိသူတစ်ဦးက ငြင်းဆိုခဲ့သည်။ တပ် မတော်က အခိုင်အမာပြုလုပ်ထားသည့် စခန်းများရှိနေဆဲဖြစ်ပြီး နယ်မြေရှင်းလင်းမှုများအတွင်း ကေအိုင်အေအင်အား အနည်းငယ်ရှိသည့် စခန်းငယ်လေးများကိုတပ်မတော်ဘက်က သိမ်းယူခဲ့သော်လည်း တပ်များဆက်လက်စွဲထားခဲ့ခြင်းမပြုလုပ်ခြင်းကြောင့်သာ ယင်းနေရာများကို ကေအိုင်အေက ပြန်လည်နေရာယူခဲ့ခြင်းဖြစ်ကြောင်း အထက်ပါပုဂ္ဂိုလ်ကပြောသည်။

‘‘လူမရှိတဲ့ စခန်းလေးတွေကို ပြန်ယူသွားတဲ့သဘောပါ’’ဟု ၎င်း ကဆက်လက်ပြောသည်။

ယခုတိုက်ပွဲဖြစ်စဉ်များနှင့် ပတ်သက်၍လည်း မကြာမီသ တင်းအပြည့်အစုံ ထုတ်ပြန်ပေး သွားမည်ဖြစ်ကြောင်းတပ်မတော် မှ သတင်းရရှိသည်။

ထိခိုက်ကျဆုံးမှုနှင့် ပတ် သက်၍ နှစ်ဖက်စလုံးမှသတင်း ထုတ်ပြန်ခြင်း မရှိသေးသော် လည်း အစိုးရဘက်မှ ပိုများပြားနိုင် ကြောင်းဒေသတွင်းသတင်းရင်း မြစ်များကခန့်မှန်းသည်။

အောင်ဘာလေ၊ ကံဆီးဒေ သအတွင်းပိတ်မိနေသောဒေသခံ တစ်ထောင်ကျော်ကိုလည်း PCG က ဇန်န၀ါရီ ၂၀ရက်တွင် သွား ရောက်တွေ့ဆုံမည်ဖြစ်သည်။

‘‘ဒေသခံတွေရဲ့ ဆန္ဒပါ။ သူ တို့ လိုက်ချင်တယ်ဆိုရင်ခေါ်ယူဖို့ ညှိနှိုင်းဆောင်ရွက်မယ်’’ဟု ဦးလ မိုင်ဂွန်ဂျာကပြောသည်။

7day daily

အပြည့်အစုံသို့ »

တရုတ်မုန့်သုံးမျိုးနှင့် ယိုစုံတစ်ခုတွင် တားမြစ်ဓာတုပစ္စည်းများ စစ်ဆေးတွေ့ရှိ



စားသုံးရန်မသင့်သော ဓာတုပစ္စည်းများ ပါဝင်နေသည့် မုန့်လေးမျိုး (ဓာတ်ပုံ - MOI)
ကျောင်းမုန့်ဈေးတန်းများတွင် ရောင်းချလျက်ရှိသော တရုတ်မုန့်သုံးမျိုးနှင့် ပြည်တွင်းမှ ယိုစုံတစ်ခု၌ စားသုံးရန်မသင့်သော ဓာတုပစ္စည်းများ ပါဝင်နေကြောင်း သတင်းရရှိသည်။


ကျောင်းမုန့်ဈေးတန်းများတွင် တွေ့ရသော MIKI KO တံဆိပ် တရုတ်ဆီးသီး၊ SIKOZ နှင့် SOUR LIQUID CANDY တံဆိပ် အာဖျန်းအချိုရည်နှင့် ပြည်တွင်းမှ တွင်ကျယ်အမှတ်တံဆိပ် ယိုစုံတို့ ၌ တားမြစ်ထားသော ဓာတုပစ္စည်းများ ပါဝင်ကြောင်း ကျန်းမာရေးဝန်ကြီးဌာနက ဇန်န၀ါရီ ၁၈ ရက်တွင် ထုတ်ပြန်ခဲ့သည်။

တွေ့ရှိသည့် မုန့်များကို စည်ပင်နှင့်ပူးပေါင်း၍ သိမ်းဆည်း အရေးယူသွားမည်ဖြစ်ပြီး ထပ်မံရောင်းချပါက အမျိုးသားစားသောက်ကုန်ဥပဒေပုဒ်မ ၂၈ (က) ဖြင့် တရားစွဲဆိုသွားမည်ဟု FDA က ဆိုသည်။

‘‘မုန့်တွေမှာ ပါတာက Rhodamine နဲ့ Sudan III ဓာတုပစ္စည်းတွေပါတယ်။ ဒါတွေက ကလေးတွေမှာ ကင်ဆာဖြစ်စေနိုင်ပြီး တခြားဆိုးကျိုးတွေလည်း ရှိပါတယ်’’ဟု FDA ဒုတိယ ညွှန်ကြားရေးမှူး ဒေါ်ဇင်ဇင်နွယ်က ပြောသည်။

‘‘ကိုယ်တွေကလည်း ဘာမှ နားမလည်ဘူး။ အဲဒီလို ကျန်းမာရေးတာဝန်ရှိသူတွေ လာစစ်ပေးမှပဲ ဘာက မစားသင့်ဘူးဆိုတာ သိပြီး ရောင်းချဖို့ တားမြစ်သွားနိုင်မယ်လေ’’ ဟု အထက်တန်းပြကျောင်းဆရာမတစ်ဦးက ပြောသည်။ FDA က တစ်နိုင်ငံလုံးရှိ ကျောင်းမုန့်ဈေးတန်း အန္တရာယ်ကင်းရှင်းရေး စီမံချက်ဖြင့် စစ်ဆေးလျက်ရှိပြီး ယခင်လကလည်း အန္တရာယ်ရှိသည့် မုန့် ၂၈ မျိုးကို ထုတ်ပြန်ကြေညာခဲ့သည်။

7daydaily.com

အပြည့်အစုံသို့ »

လီဗြောင်ဟွန်းကို ခြိမ်းခြောက်ငွေညှစ်ခဲ့သည့် ဒါဟီးနှင့် လီဂျီယွန်း ထောင်တစ်နှစ်စီကျ



 တောင်ကိုရီးယားမော် ဒယ်လီဂျီယွန်းနှင့် GLAM ကေ ပေါ့ပ်အဖွဲ့ဝင် ဒါဟီးတို့သည် ကေဒရာမာစတားလီဗြောင်ဟွန်း ကို  ခြိမ်းခြောက်ငွေညှစ်ရန် ကြိုး ပမ်းမှုဖြင့် ဇန်နဝါရီ ၁၅ ရက်တွင် ထောင်ဒဏ်တစ်နှစ်ခန့်စီ ချမှတ် ခြင်းခံရသည်။

လီဂျီယွန်းနှင့် ဒါဟီးတို့သည် သရုပ်ဆောင်မင်းသားလီဗြောင် ဟွန်းနှင့် ၎င်းတို့အကြား ညစ်ညမ်း စကားများပြောကြားနေမှုကို လျှို့ ဝှက်ဗီဒီယိုရိုက်ကူး၍ နောက်ပိုင်း တွင် ယင်းဗီဒီယိုဖြင့် လီဗြောင် ဟွန်းထံမှ အမေရိကန်ဒေါ်လာ ငါးသန်းခန့်ခြိမ်းခြောက်ငွေညှစ်ခဲ့ သည်။ ယင်းတရားခံနှစ်ဦးအား နောက်ဆုံးကြားနာစစ်ဆေးမှုကို ဇန်နဝါရီ ၁၅ ရက် နံနက်တွင် ဆိုးလ်မြို့ ခရိုင်တရားရုံး၌ ပြုလုပ် ခဲ့သည်။

တရားခံများသည် ငွေကြေး ရလိုမှုဖြင့် တရားလိုလီဗြောင် ဟွန်းကို ခြိမ်းခြောက်ငွေညှစ် ကြောင်း ပြစ်မှုထင်ရှားသည်ဟု တရားရုံးက ဆုံးဖြတ်ခဲ့ပြီး ဒါဟီး အား ထောင်ဒဏ်တစ်နှစ်ကျခံစေ ရန်နှင့် လီဂျီယွန်းအား ထောင် ဒဏ်တစ်နှစ်နှင့် နှစ်လကျခံစေရန် အမိန့်ချမှတ်ခဲ့သည်။

ယင်းပြစ်ဒဏ်များမှာ တရား လိုလီဗြောင်ဟွန်းဘက်မှ တောင်း ဆိုခဲ့သော ထောင်ဒဏ်သုံးနှစ် ထက် ပိုမိုနည်းပါးခဲ့သည်ဟု သိရသည်။ ကေဒရာမာစတားလီဗြောင် ဟွန်းသည် ယင်းကြားနာစစ်ဆေး ပွဲသို့   တက်ရောက်ခဲ့ခြင်းမရှိ ကြောင်းနှင့် လက်ရှိတွင် အမေရိ  ကန်နိုင်ငံ၌ အနုပညာလုပ်ငန်းများ သွားရောက်လုပ်ကိုင်နေကြောင်း သိရသည်။

၎င်း၏ ဇနီးဖြစ်သူ လီမင် ဂျောင်မှာ ကြော်ငြာရိုက်ကူးရန် အမေရိကန်နိုင်ငံမှ တောင်ကိုရီး ယားနိုင်ငံသို့ ပြန်ရောက်နေသည် ဟု သိရသည်။  —Ref: All Kpop

credit to- 7day daily

အပြည့်အစုံသို့ »

ဒေါ်အောင်ဆန်းစုကြည် အိမ်ခြံဝင်းတံခါး ကျောက်ခဲဖြင့် ပစ်ပေါက်သော စိတ်မနှံသူကို ရွာသာကြီးသို့ပို့



ခဲဖြင့်ပစ်ပေါက်ခံရ၍ ကျိုးပဲ့သွားသော တံခါးပေါက်တစ်နေရာ (ဓာတ်ပုံ − ကျော်ဇင်သန်း)
 ဒေါ်အောင်ဆန်းစုကြည်နေအိမ် ခြံအမှတ်(၅၄) ခြံတံခါး ကို စိတ်မနှံ့သော လူတစ်ဦးက ကျောက်ခဲဖင့် ပစ်ပေါက်မှု ဖြစ်ပွားရာ တံခါးကျိုးပဲ့သွားပြီးစိတ်မနှံ့သူအား ဗဟန်းမြို့နယ် ရဲတပ်ဖွဲ့က ရွာသာကြီး စိတ်ကျန်းမာရေးဆေးရုံသို့ ပို့ဆောင်လိုက်ကြောင်း သတင်းရရှိသည်။

ဇန်န၀ါရီ ၁၅ ရက် နေ့လယ် ၂ နာရီအချိန်တွင် ရွာသာကြီးစိတ်ကျန်းမာရေးဆေးရုံမှ ဆေးလက်မှတ်နှစ်ကြိမ်ရရှိထားသော မရမ်းကုန်းမြို့နေ အသက် (၆၀)နှစ် အရွယ် ဦးအောင်တိုးက ဒေါ်အောင်ဆန်းစုကြည် နေအိမ် ခြံအမှတ်(၅၄) တံခါးကို ခဲဖြင့်ပစ်ပေါက်ခဲ့ခြင်းဖြစ်သည်။

ခဲဖြင့် ပစ်ပေါက်သော  ဦးအောင်တိုးကို ဒေါ်အောင်ဆန်းစုကြည်နေအိမ် လုံခြုံရေး ခေါင်းဆောင် ဦးနီက အမှုဖွင့် အရေးယူဆောင်ရွက်ခြင်း မပြုလုပ်လိုကြောင်း ဗဟန်းမြို့ နယ်ရဲတပ်ဖွဲ့သို့ ပြောကြားခဲ့သည်ဟု ဗဟန်းမြို့နယ် ရဲတပ်ဖွဲ့ ဒုရဲအုပ်မျိုးဝင်းဦးက ပြောသည်။

‘‘ခဲနဲ့ပစ်ပေါက်လို့ ရှေ့တံခါး မှန်ကွဲသွားပါတယ်။ သူ့ကို စစ်ဆေးတော့ စိတ်ကျန်းမာရေးဆေးရုံက နှစ်ကြိမ်လက်မှတ်ရထားတဲ့သူ ဖြစ်တယ်။ ကားမောင်းနေတဲ့သားနဲ့ ထမင်းချက်နေတဲ့ မိန်းမကိုခေါ်တာ မလာလို့ စိတ်တိုပြီး ခဲနဲ့ပေါက်လိုက်တာလို့ ပြောတယ်။ အဲဒါကြောင့် သူ့ကိုရွာသာကြီးကို ပြန်ပို့ဖို့ လုပ်နေပါတယ်’’ ဟု ဒုရဲအုပ်မျိုးဝင်းဦးက ပြောသည်။

‘‘တံခါးကို ပစ်ပေါက်ခံရတာ ဟုတ်ပါတယ်။ စိတ်မနှံ့တဲ့သူတစ်ယောက်က ပစ်ပေါက်သွားတာပါ’’ ဟု ဒေါ်အောင်ဆန်းစုကြည်နေအိမ် ခြံအမှတ်(၅၄)မှ လုံခြုံရေးတာဝန်ရှိသူတစ်ဦးက ပြောသည်။

ခဲဖြင့် ပစ်ပေါက်မှုကြောင့် သစ်သားဖြင့် ပြုလုပ်ထားသော တံခါး၏ အနံ ၅ လက်မ၊ အလျား ၉ လက်မခန့် ပေါက်ပြဲပျက်စီးသွားခဲ့သည်။

7daydaily.com

အပြည့်အစုံသို့ »

ရဲတပ်ဖွဲ့ဝင်သုံးဦးကို ကေအိုင်အေ ဖမ်းဆီးထိန်းသိမ်းထား

ကချင်ပြည်နယ်အစိုးရ အဖွဲ့ဝင် ၀န်ကြီးတစ်ဦးနှင့်လိုက်ပါလာသည့် ရဲတပ်ဖွဲ့ဝင်သုံးဦးကို ဖားကန့်ဒေသဂွေခါမှော်လမ်းပိုင်းတွင် ကေအိုင်အေက ဖမ်းဆီး ထိန်းသိမ်းထားသည်။

ဖားကန့်မှ မြစ်ကြီးနားသို့ သွားရောက်သည့် ပြည်နယ်လမ်း ပန်းဆက်သွယ်ရေးဝန်ကြီး ဦးက မန်းဒူးနော်နှင့်အတူ လုံခြုံရေး လိုက်ပါလာသော ရဲတပ်ဖွဲ့ ၀င်သုံးဦးကို ဇန်န၀ါရီ ၁၄ ရက် နေ့လယ်က ကေအိုင်အေတပ်ရင်း (၆) က ဖမ်းဆီးထိန်းသိမ်းခဲ့ ကြောင်း သတင်းရရှိသည်။

အစိုးရက သတင်းထုတ်ပြန်ရာတွင် ၀န်ကြီးနှင့်အဖွဲ့ကို ဟွေလုံရွာအနီး၌ ကေအိုင်အေတပ်ဖွဲ့ ၀င် ၂၅ ဦးခန့်က သေနတ်ဖြင့်ပစ်ဖောက်၍ လမ်းပိတ်ဆို့ကာ ၀န်ကြီးအား လမ်းပေါ်၌ ထိုင်ခိုင်းပြီး စစ်ဆေးမေးမြန်းခဲ့သည်။ ထို့နောက် ၀န်ကြီးနှင့် အဖွဲ့ကိုဆက်လက်ထွက်ခွာခွင့်ပြုသော်လည်း  ဒုရဲအုပ်မြင့်စိုးနှင့်ရဲတပ်ဖွဲ့ဝင်နှစ်ဦးအား လက်နက်ခဲယမ်းများနှင့် အတူ ဖမ်းဆီးထားကြောင်း ဖော်ပြထားသည်။

ယင်းကိစ္စနှင့် ပတ်သက်၍ ကေအိုင်အေ တပ်ရင်း (၆)သို့ ဆက်သွယ်မေးမြန်းရာ သတ်မှတ်ထားသည့်လမ်းကြောင်းမှမဟုတ်ဘဲ ရှေ့တန်းနယ်မြေအတွင်းသို့ လက်နက်နှင့် အတူဝင်ရောက်လာ၍ ပစ်ခတ်ဖမ်းဆီးခဲ့ကြောင်း ထိပ်တန်းအရာရှိတစ်ဦးက ဖြေဆိုသည်။ လမ်းပန်းဆက်သွယ်ရေးဝန်ကြီးကိုမူ ဖမ်းဆီးခဲ့ခြင်းမရှိဘဲ ရဲတပ်ဖွဲ့ဝင် သုံးဦးကိုသာစစ်ဆေး မေးမြန်းရန် ထိန်းသိမ်းခဲ့သည်ဟု ကေအိုင်အေဘက်ကဆိုသည်။

‘‘ရှေ့တန်းနယ်မြေမှာ ထိပ်တိုက်ရင်ဆိုင်တွေ့လို့ လက်နက် တွေပါတော့ လိုအပ်တာတွေမေးမြန်းဖို့ ခေါ်ယူစစ်ဆေးခဲ့တာ။ ကိုယ်ထိလက်ရောက်နှိပ်စက်တာလည်းမရှိဘူး။ ပြန်လွှတ်ပေးမှာပါ’’ဟု ကေအိုင်အေ တပ်ရင်း(၆) ထိပ်တန်းအရာရှိတစ်ဦးကပြောသည်။ ‘‘ဖြစ်စဉ်က ဟုတ်ပါတယ်။  သတင်းရလို့ လိုက်ရှင်းလင်းတော့ ထိတွေ့မှုလေးတွေဖြစ်တယ်။ ဒါ က တပ်ပိုင်းဆိုင်ရာပါ’’ဟု မြောက်ပိုင်းတိုင်းစစ်ဌာနချုပ် ထိပ်တန်းအရာရှိတစ်ဦးကဆိုသည်။

မြန်မာ့တပ်မတော်နှင့် ကေအိုင်အေတို့သည် ပြီးခဲ့သည့် နိုဝင်ဘာလအတွင်း လိုင်ဇာဗိုလ်လောင်း သင်တန်းကျောင်းအား လက်နက်ကြီးပစ်ခတ်ခံရမှု ဖြစ်ပွားပြီးနောက်တင်းမာမှုများ ရှိခဲ့သည်။

ထို့ကြောင့် တာဝန်ရှိသူများက ရဲတပ်ဖွဲ့ဝင်သုံးဦးအား အမြန် ဆုံးပြန်လည်လွှဲပြောင်းပေးနိုင်ရေးအတွက် မြစ်ကြီးနားမြို့၊ စီတာပူရပ်ကွက်ရှိ ပဋိပက္ခဖြေရှင်းရေး ညှိနှိုင်းရေးအဖွဲ့ဝင်ဒုဗိုလ်မှူးကြီး အဆင့်ရှိ ဦးနော်ဒီနှင့် မြစ်ကြီးနား မြို့ နည်းပညာဆိုင်ရာအကြံပေးအဖွဲ့မှ ဦးလမိုင်ခွန်ဂျာတို့ထံ ဆက်သွယ်ဆောင်ရွက်နေကြောင်း အစိုးရက ထုတ်ပြန်သည်။

7daydaily.com

အပြည့်အစုံသို့ »

ပထမဆုံး ကချင်ခရီးစဉ်မှာ မယ်ပြိုင်ပွဲဒိုင်လုပ်ဖြစ်တဲ့ နန်းခင်ဇေယျာ



(၆၇)နှစ်မြောက် ကချင် ပြည်နယ်နေ့ အထိမ်းအမှတ် မနောပွဲတော်တွင်ပြုလုပ်သည့် Miss Manu Shayi 2015 ပြိုင်ပွဲ ၌   ဒေါ်အယ်လ်ခွန်းရီ၏ ဖိတ် ခေါ်မှုဖြင့် ဒိုင်အဖြစ်ဆောင်ရွက် ပေးခဲ့ရကြောင်း နန်းခင်ဇေယျာ က ပြောသည်။

‘‘ဒီပွဲကမလုပ်တာ   သုံး နှစ်လောက်ရှိပြီလို့ပြောတယ်။ ဒီ ပွဲလေးက ရန်ကုန်မှာလုပ်တဲ့ပွဲ တွေလိုပဲ အဆင့်မီမီပြုလုပ်တာ ပါ။ မေးခွန်းဖြေရတာတွေပါပါ တယ်။ နောက်ပြီး ပွဲကြီးတစ်ပွဲလို ပဲ ပြိုင်ပွဲအဆင့်ဆင့် ယှဉ်ပြိုင်ရ တာ။ ပြိုင်ပွဲဝင်တွေက တိုင်းရင်း သူတွေ၊ အတွေ့အကြုံလည်း အများကြီးမရှိဘူးဆိုတော့ နည်း နည်းရှိန်တာတွေတော့ရှိတယ်။ ညနေခင်းဝတ်စုံဆိုရင်လည်း သူတို့ရိုးရာတွေနဲ့ သေသေချာချာ ချုပ်ဝတ်ကြတယ်’’ဟု Miss Manu Shayi 2015 ပြိုင်ပွဲအကြောင်းကို နန်းခင်ဇေယျာက ပြောသည်။

ပြိုင်ပွဲဝင် ၃၀ ကျော်ပါဝင် ယှဉ်ပြိုင်ပြီး ယင်းပြိုင်ပွဲတွင် မိုးစက်ဝိုင်ကလည်း ဒိုင်အဖြစ် ပါဝင်ဆောင်ရွက်ပေးခဲ့သည်ဟု ဆိုသည်။

ယခင်က ဧည့်လမ်းညွှန်တစ် ဦးဖြစ်သော်လည်း ကချင်ပြည် နယ်သို့မရောက်ဖူးဘဲ ယခုခရီး စဉ်သည် ၎င်းအတွက် ပထမ ဆုံးကချင်ပြည်နယ်ခရီးစဉ်ဖြစ် သည်ဟု ပြောသည်။

‘‘အမှတ်တရတွေကတော့ အများကြီးပါပဲ။ မြစ်ဆုံကိုလည်း သွားလည်ခဲ့တယ်။ နောက်ပြီး သူ တို့ဒေသရဲ့ အစားအသောက်တွေ၊ ဝတ်စားဆင်ယင်ပုံတွေကိုလည်း လေ့လာခွင့်ရခဲ့တယ်’’ဟု နန်းခင် ဇေယျာက ပြောသည်။

ဒေါ်အယ်လ်ခွန်းရီနှင့်အတူ မြစ်ကြီးနားမြို့ ရမ်ပူတွင်ရှိသော လီဆူးနှစ်ခြင်းသာသနာဝင်းအ တွင်း တည်ဆောက်ထားသည့် မေတ္တာစိမ့်စမ်းမိဘမဲ့ဂေဟာ၊ မိဘ မဲ့ကလေးကျောင်းသို့ သွားရောက် လှူဒါန်းဖြစ်ခဲ့သည်ဟု ၎င်းက ပြောသည်။

အနုပညာလှုပ်ရှားမှုအနေ ဖြင့် ယခုရက်အတွင်းကောင်း ပြည့်နှင့် ဗီဒီယိုတစ်ကားရိုက်ကူး ရန် အစီအစဉ်ရှိပြီး ရုပ်ရှင် ရိုက်ကူးရန်လက်ခံထားသည့် ဇာတ်ကားမှာ ရိုက်ဖြစ်ရန်မသေချာတော့ဟု နန်းခင်ဇေယျာကပြောသည်။
http://www.7daydaily.com/story/29409#.VLdLcCuUewg

အပြည့်အစုံသို့ »